मेढा : जावळी तालुक्रातील पानस रेथील नवनिर्वाचित निवडून आलेल्या मारुती मधुकर सपकाळ (वर 36), राजू परबती सपकाळ (वर 48) दोन्ही रा. पानस ता. जावळी जि. सातारा. यांना सरताळे, ता. जावळी येथे अवैधरित्या दारू वाहतूक करताना मेढा पोलीस ठाण्याचे सपोनि जीवन माने यांनी 86 हजाराच्या दारू मुद्देमालासह अटक केली. 

याबाबत पोलीसांनी दिलेल्या माहितीनुसार मारुती मधुकर सपकाळ व राजू परबती सपकाळ दोन्ही रा. पानस, ता. जावळी जि. सातारा हे काल रात्री 10 च्या सुमारास सरताळे गावच्या हद्दीतून महेंद्र जीपमधून अवैध दारूची वाहतूक करत असल्याची माहिती एका खबर्‍याने  पोलिसांना दिली. त्यानुसार सरताळे येथे दबा धरून बसलेल्या मेढा पोलिसांनी सरताळे गावच्या हद्दीत जीप येताच जीपची तपासणी केली. दरम्यान जीपमध्ये असलेल्या देशी-विदेशी दारूच्या बाटल्या मेढा पोलिसांनी जप्त केल्या. याप्रकरणी घटनास्थळावरून दारूची वाहतूक करणारा मधुकर सपकाळ व राजू परबती सपकाळ यांना जागेवरच दारूसह अटक केली. यातील आरोपी हा पानस गावात सरपंच पदाच्या निवडणुकीत निवडून आला आहे. सरपंचच जर दारूच्या धंद्यात अग्रेसर असेल तर तो गावात काय दिवे लागणार, असा सवाल उपस्थित होऊ लागला आहे. खुर्चीवर बसण्यापूर्वीच सरपंचपदी निवडून आलेल्या आरोपीला मेढा पोलिसांनी काल रात्री दारू वाहतूक प्रकरणी जेलमध्ये बसवल्याची चर्चा करहर परिसरात होत होती.