12:39am | Jun 04, 2018 |
वाई : पसरणी घाटात धारदार शस्त्राने आनंद ज्ञानेश्वर कांबळे (वय 32) याच्या खुनाचा उलगडा वाई पोलीसांनी अवघ्या चोवीस तासात केला असून पत्नीनेच प्रियकराच्या सहकार्याने पतीचा खून केल्याचे उघड झाले आहे. याप्रकरणी पोलीसांनी प्रियकर निखील सुदाम मळेकर (वय 24, रा. चिखली, पुणे) याला अटक केली आहे. अन्य साथिदारांचा पोलीस शोध घेत आहेत. मयत आनंद याची पत्नी दिक्षा हिने खूनाचा कट रचल्याची कबुली दिल्याचे उपविभागीय पोलीस अधिकारी अजित टिके यांनी पत्रकार परिषदेत सांगितले.
शनिवारी पसरणी घाटात चार अज्ञात हल्लेखोरांनी दुचाकीवरून येवून घाटात थांबलेल्या आनंद कांबळे याच्यावर धारदार शस्त्राने वार करून त्याचा खून केला होता. याबाबतचा तपास पोलीस उपअधिक्षक अजित टिके यांच्या मार्गदर्शनाखाली पोलीस निरीक्षक विनायक वेताळ व त्यांचे सहकारी करत होते. लुटमारीचा बनाव करून हल्लेखोरांनी पोलीसांना चकवा देण्याचा प्रयत्न केला होता. मात्र घटनास्थळावरील पार्श्वभूमी लक्षात घेवून पोलीसांनी ही घातपाताची शक्यता असल्याचा अंदाज वर्तवून पोलीसांनी त्या दिशेने तपासाची सुत्रे गतीमान केली होती.
पो. नि. वेताळ यांनी पुण्यातील माहितीगारांच्या आधारे दिक्षा व संशयित आरोपी निखील यांचे अनेक वर्षापासून प्रेमसंबंध असल्याची माहिती मिळविली होती. त्यानूसार पोलीसांनी आपला मोर्चा पुण्याला वळवला. रविवारी सकाळपासून केलेल्या तपासात आरोपी मळेकर याला निगडी (पुणे) येथे सापळा रचुन ताब्यात घेतला. तत्पूर्वी शनिवारी रात्री उशीरापर्यंत दिक्षा हिच्या मोबाईलवरून मळेकर याच्याशी संपर्क साधल्याने दोघांच्यातील प्रेमसंबंध असल्याचे स्पष्ट झाले होते.
दिक्षाचा विवाह 20 मे रोजी आनंदशी झाला होता. तिचे व निखीलचे प्रेम असल्याने दिक्षा या लग्नापासून नाखूश होती. निखीलने दिक्षाच्या वडिलांकडे लग्नासाठी मागणी घातली होती. परंतू त्यांनी नकार देवून तीचा विवाह आनंदशी करून दिला होता. दिक्षा व निखील यांनी आनंदच्या खूनाचा कट रचला होता. त्यानुसार निखील व त्याचे साथीदार शुक्रवारीच पाचगणीला मुक्कामी आले होते. पुण्यातून निघाल्यानंतर दिक्षा मळेकर याला प्रवासाचे लोकशन सांगत होती. पसरणी घाटात आल्यानंतर तीने नियोजीत कटानुसार उलटी येत असल्याचे कारण सांगून कार घाटात सोळा नंबर येथे थांबवली. त्यानंतर ती बाहेर उतरून उलटी येत असल्याचे नाटक करत वेळ घालवला. यावेळी घाटातच दबा धरून बसलेल्या चौघा मारेकरांनी दुचाकीवरून येवून दिक्षा उभी असलेल्या ठिकाणी जावून बेसावध उभा असलेल्या आनंदवर त्यातील दोघांनी धारदार शस्त्राने डोक्यावर सपासप वार केले. गंभीर जखमी झालेला आनंद काही क्षणात रक्ताच्या थारोळयात खाली कोसळला. यावेळी त्यांच्या सोबत असलेले राजेश भगवान बोबडे व त्याची पत्नी कल्याणी बोबडे हे नवदांपत्य यांनी भितीपोटी घटनास्थळावरून पाचगणी पोलीस ठाण्याला गेले. दरम्यान रक्ताच्या थारोळयात पडलेल्या आनंदला व दिक्षाला पाचगणीवरून आलेल्या एका वाहन चालकाने रुग्णालयात दाखल केले. गंभीर अवस्थेत असलेल्या आनंदला डॉक्टरांनी तात्काळ प्राथमिक उपचार करून सातारला हलविले होते. रुग्णालयात नेण्यापूर्वीच आनंदचा मृत्यू झाला होता.
पोलीस अधिक्षक संदीप पाटील, अप्पर पोलीस अधीक्षक विजय पवार यांच्या मार्गदर्शनाखाली उपविभागीय पोलीस अधिकारी अजित टिके, स्थानिक गुन्हे अन्वेशनचे पोलीस निरीक्षक पद्माकर घनवट, पोलीस निरीक्षक विनायक वेताळ, सहाय्यक पोलीस निरीक्षक बबन येडगे, सहाय्यक फौजदार त्रिंबक अहिरेकर, कृष्णा पवार, जितेंद्र शिंदे, प्रशांत शिंदे, त्रिंबके, ठोंबरे, लोखंडे, सचिन ससाणे, दडस, कांताराम बोर्हाडे, सोमनाथ बल्लाळ, शरद बेबले, रुपेश कारंडे आदींनी तपासात मोलाची कामगिरी केली.
आनंदचा नाहक बळी...
आरपीआयचा (आठवले गट) पदाधिकारी असलेला आनंद औंध परिसरात आपल्या मनमिळावू स्वभावाने सर्वांमध्ये सुपरिचीत होता. दोन आठवडयापूर्वी मोठया उत्साहात त्याचा दिक्षाशी विवाह झाला होता. घरची परिस्थिती बेताची असतानाही त्याने मोठया थाटात विवाह समारंभ संपन्न केला होता. पत्नी दिक्षाला पाचगणी, महाबळेश्वरला फिरायला घेवून येणार्या आनंदला नियतीच्या मनात काय आहे याची पुसटशीही कल्पना नव्हती. मात्र दिक्षाने स्वतःच्या प्रेमापोटी आनंदचा नाहक बळी दिल्याने औंध परिसरात संताप व्यक्त करण्यात येत आहे. त्यांच्या अंत्ययात्रेस जमलेल्या हजारोंच्या समुदायावरून त्याच्या लोकप्रियतेचा अंदाज येत होता.
टिके व वेताळ यांच्या कामाचे भरभरून कौतुक...
बहुचर्चीत डॉ. संतोष पोळ याच्या सैतानी कृत्याचा पर्दाफाश करणार्या पो. नि. वेताळ व वर्षापूर्वी वाई उपविभागाचा कार्यभार स्विकारलेल्या टिके यांनी आपल्या कार्याची चुनूक दाखवत अवघ्या 24 तासात आरोपींना गजाआड करण्याची कामगिरी करून दाखविली आहे. महिन्यापूर्वी मांढरदेव घाटात घडलेल्या हत्येचा उलगडाही याच दोघांनी मोठया शिताफीने अवघ्या दोन दिवसात केला होता. आनंदची हत्या पसरणी घाटात झाली होती. शिवाय दागिणे चोरण्याचा प्रयत्नात खून झाल्याचेही सर्वत्र पसरले होते. पाचगणी, महाबळेश्वर हे सुरक्षीत पर्यटणस्थळ असल्याने पर्यटकांमध्ये चुकीचा संदेश जावू नये म्हणून हा तपास तातडीने होणे गरजेचे होते. त्यानुसार काही तासात या घटनेचा पर्दाफाश केल्याने तालुक्यातून त्यांच्यावर अभिनंदनाचा वर्षाव होत आहे.
शाहूपुरी पोलिस ठाण्याच्या हद्दीत आढळला अनोळखी पुरुषाचा मृतदेह |
सातारा शहरातून दोनजणी बेपत्ता |
डॉ आंबेडकर जयंती समारोह अध्यक्षपदी संजय गाडे यांची निवड |
शरद पवारांच्या डावपेचाकडे महाराष्ट्राचे लक्ष |
कराडला रविवारी इंडिया आघाडीचा मेळावा |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |