RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

मोबाईल, गेमसाठी मुलाकडून वडिलांचा निर्घृण खून

09 September 2019 at 14:33

बेळगावजवळील काकतीतील घटनेने खळबळ, वडिलांचे शीर, पाय कापून ठेवला बाजूला

बेळगाव : सतत मोबाईलवर गेम खेळणाऱ्या मुलाला समजावल्याने तसेच वडील मोबाईल घेण्यासाठी पैसे देत नसल्याच्या रागातून चिडलेल्या मुलाने वडिलांचा निर्घृण खून केला. त्याने वडिलांचे शिर धडावेगळे केले, तर उजवा पाय कापून बाजूला ठेवला.  

शंकऱ्याप्पा रेवप्पा कुंभार (६१, सिद्धेश्वर गल्ली, काकती) असे मृताचे नाव आहे. सोमवारी सकाळी सहाच्या सुमारास ही घटना उघडकीस आली. याप्रकरणी त्यांचा मुलगा रघुवीर कुंभार (वय २१) याला अटक केली आहे. मृत वृद्ध तीन महिन्यांपूर्वीच जिल्हा सशस्त्र दलातून निवृत्त झाले होते. 

याबाबत, घटनास्थळावरून मिळालेली व पोलिसांनी दिलेली माहिती अशी की, रघुवीर हा मेकॅनिकल डिप्लोमाच्या दुसऱ्या वर्षात शिकतो. त्याला मोबाईलचे प्रचंड वेड असून तो सतत मोबाईल घेऊन बसायचा. यामुळे वडिलांनी त्याला अनेकदा समज दिली. तो सतत पब-जी गेम खेळत होता. शिवाय वडिलांकडे नवीन मोबाईलसाठी पैसेदेखील मागत होता. परंतु, वडील देत नसल्याने तो चिडचिड करत होता. याच रागातून रघुवीरने रविवारी शेजारील घरांच्या खिडक्यांवर दगडफेक केली होती. त्यामुळे हे प्रकरण पोलिसात गेले होते. 

रविवारी रात्री घरी आल्यानंतर बाराच्या सुमारास मुलगा पुन्हा मोबाईल मध्ये मग्न झाला. हे पाहून वडिलांनी त्याला पुन्हा फैलावर घेतले. याचाच राग धरून मुलाने आज पहाटे आई महादेवी यांना एका खोलीत कोंडले. वडिलांना धक्काबुक्की करण्यास सुरुवात केली. वडील त्याला आवरण्याचा प्रयत्न करत असताना त्याने वडिलांच्या गळ्याला धरत ढकलून खाली पाडले. यानंतर, घरातील विळीने त्यांच्या गळ्यावर वार केला. क्रूर बनलेल्या मुलाने नंतर वडिलांचे शीर धडावेगळे केलेच. शिवाय त्यांचा उजवा पायदेखील कापून बाजूला ठेवला. यानंतर कोंडलेल्या आईला बाहेर काढून केलेला प्रकार दाखवला. घटनेची माहिती मिळताच बेळगाव ग्रामीणचे एसीपी शिवा रेड्डी, काकतीचे निरीक्षक श्रीशैल कौजलगी व त्यांचे सहकारी घटनास्थळी दाखल झाले. घटनास्थळाचे चित्र अंगावर शहारे आणणारे होते. पोलिसांनी सदर मुलाला ताब्यात घेतले असून काकती ठाण्यात पुढील कायदेशीर प्रक्रिया सुरू आहे. 


उदयनराजेंची पगडी नरेंद्र मोदींच्या डोक्यावर

राष्ट्रवादीचे माजी खासदार उदयनराजे भोसले यांनी नुकताच भाजप प्रवेश केलेला आहे. परवा दिल्लीत अमित शहांच्या उपस्थितीत उदयनराजेंनी आपल्या लोकसभा सदस्यत्वाचा राजीनामा देवून भाजपात प्रवेश केला.

22 hours before

डॉ भरत वाटवाणी यांना यंदाचा जीवन गौरव पुरस्कार

मनोदय मेंटल हेल्थ फोरम, कर्वे समाज सेवा संस्था पुणे च्या वतीने मानसिक आरोग्य क्षेत्रामध्ये उल्लेखनीय कामगिरी करणाऱ्या व्यक्तीस देण्यात येणारा यावर्षीचा प्रतिष्ठेचा जीवन गौरव पुरस्कार २०१९ हा प्रथितयश मनोविकार तज्ञ व रस्त्यावर फिरणाऱ्या मनोरुग्णांच्य

11 September 2019 at 03:01