RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

कराड बसस्थानकात एस.टी.च्या धडकेत सातारची वृद्धा ठार

14 November 2018 at 14:52

कराड : कराड बसस्थानकामध्ये एस.टी. पाठीमागे घेत असताना एस.टी.ची धडक बसून सातारा येथील वृद्ध महिला गंभीर जखमी झाली. तिला उपचारासाठी त्वरित रुग्णालयात दाखल करण्यात आले. मंगळवार दि. 13 रोजी सकाळी 11 वाजण्याच्या सुमारास हा अपघात झाला. अपघाताची माहिती मिळताच अपघात विभागाचे पोलिस कर्मचारी घटनास्थळी दाखल झाले. दरम्यान, उपचार सुरू असताना सायंकाळी चार वाजण्याच्या सुमारास जखमी वृद्ध महिलेचा मृत्यू झाला. याप्रकरणी पोलिसांनी एस.टी. चालकाला ताब्यात घेतले आहे. 

खुर्शिद अब्दुलहमीद शेख (वय 73, रा.  गुरुवार पेठ, सातारा) असे एस.टी.ची धडक बसून ठार झालेल्या महिलेचे नाव आहे. तर सयाजी हिंदुराव यादव (वय 49, रा. अतीत, ता. जि. सातारा) असेपोलिसांनी ताब्यात घेतलेल्या एसटी चालकाचे नाव आहे. 

याबाबत पोलिसांनी सांगितले की, कराड स्थानकामध्ये कराड-जिंती एसटीचे चालक आपल्या ताब्यातील एसटी पाठीमागे घेत असताना त्या एसटीची संरक्षक भिंतलगत उभ्या असलेल्या खुर्शिद शेख यांना धडक बसली. यामध्ये त्या खाली पडून गंभीर जखमी झाल्या. बसस्थानकावरील फेरीवाले व भावाने त्यांना उपचारासाठी रिक्षामधून त्वरीत खासगी रुग्णालयात दाखल केले. 

एसटी पाठीमागे घेत असताना एसटीचे वाहक संजय शिंगारे यांनी शिट्टी वाजवून तसेच एसटीवर हाताने जोरजोरात मारून आवाज करत चालक सयाजी यादव यांना इशारा केला होता. मात्र, चालकाने त्याकडे दुर्लक्ष करत एसटी न थांबविता तशीच मागे घेतल्याने हा अपघात झाल्याचे घटनास्थळावरून समजले. यावेळी बसस्थानकावर मोठी गर्दी जमली होती. 

दरम्यान, उपचार सुरू असताना सायंकाळी चार वाजण्याच्या सुमारास त्यांचा मृत्यू झाला. अपघाताची माहिती मिळताच कराड शहर पोलीस ठाण्याचे पोलीस निरीक्षक सर्जेराव गायकवाड यांनी अपघातस्थळी भेट देऊन माहिती घेत तपासाच्या अनुषंगाने पोलीस कर्मचार्‍यांना सुचना केल्या. अपघात विभागाचे पोलीस कर्मचारी खलील इनामदार व प्रशांत जाधव यांनी घटनास्थळी भेट देऊन घटनेचा पंचनामा केला. अपघाताची नोंद शहर पोलिसात झाली असून ज्ञानेश्‍वर काळे यांनी याबाबतची खबर पोलिसात दिली आहे. अधिक तपास पोलिस करत आहेत. 

भावानेचे बहिणीला उपचारासाठी नेले रुग्णालयात...

कराड एस.टी. डेपोतील वाहतूक नियंत्रक मुराद मुजावर यांच्या खुर्शीद शेख या बहीण आहेत. भावाला भेटण्यासाठी त्या सातारहून कराडला आल्या होत्या. भेट झाल्यानंतर मंगळवारी सकाळी त्या परत सातारला निघाल्या होत्या. त्यांना सोडण्यासाठी भाऊ मुराद मुजावर हेही बसस्थानकावर आले होते. अपघात झाल्याचे समजताच त्यांनीच रिक्षातून आपल्या बहीणीला उपचारासाठी खासगी रुग्णालयात हलविले. परंतु, उपचारा दरम्यान, त्यांचा मृत्यू झाला. 

जावली तालुक्यातील अवैद्य दारू विक्रेत्यांवर मोक्का अंतर्गत कारवाई करावी

गेली ११ वर्ष जावली तालुक्यात सुरु असलेली १३ दारू दुकाने महिलांनी व व्यसनमुक्ती संघटनांनी ऐतिहासिक पाऊल उचलून बंद केली होती.

4 hours before

एकावर पोस्को अंतर्गत गुन्हा

कराड जवळील एका गावात नऊ वर्षीय मुलीवर अत्याचार केल्याप्रकरणी एकावर पोस्को अंतर्गत गुन्हा दाखल करण्यात आला आहे.

4 hours before

तलावात बुडून युवकाचा मृत्यू

बामणवाडी (ता.कराड) येथे जांभळा नावच्या शिवारात असलेल्या कृषि विभागाच्या पाजर तलावात युवकाचा बुडून मृत्यू झाला.

4 hours before

सातार्‍यातून ट्रॅक्टर, दोन दुचाकी चोरी

सातारा शहर परिसरातून अज्ञात चोरट्यांनी तीन ठिकठिकाणाहून ट्रॅक्टर व दोन दुचाकी चोरुन नेला असून याप्रकरणी शहर पोलिस ठाण्यात तीन गुन्हे दाखल झाले आहेत.

4 hours before