सातारा : वर्ये ता.सातारा येथे मंगळवारी रात्री साडेनउ वाजण्याच्या सुमारास उसाचा ट्रॅक्टर व कारचा भीषण अपघात झाला. अपघातात कारचा अक्षरश: चक्काचूर झाला असून सुदैवाने कोणालाही गंभीर दुखापत झालेली नाही.

याबाबत प्राथमिक माहिती अशी, वर्ये गावच्या हद्दीत कार व ट्रॅक्टर यांचा भीषण अपघात झाला. अपघाताच्या आवाजाने परिसरातील ग्रामस्थांनी घटनास्थळी धाव घेतली. जखमी अवस्थेतील चालकाला बाहेर काढल्यानंतर बघ्यांची गर्दी वाढली. अपघातामुळे वाहतुक ठप्प झाली. सुदैवाने या अपघातात कोणी गंभीर झाले नव्हते. किरकोळ जखमी झालेल्या चालकाला उपचारासाठी खासगी रुग्णालयात दाखल केले होते. दरम्यान, अपघाताची माहिती तालुका पोलिस ठाण्यात झालेली नव्हती.