02:58am | Aug 11, 2019 |
सातारा : सोमवार पेठ, फलटण येथील माजी नगरसेवक सोमा गंगाराम जाधव व त्याचा नगरसेवक मुलगा विक्रम सोमा जाधव यांच्यावर लोकशाहीर अण्णाभाऊ साठे जयंती कार्यक्रमावर हल्ला केल्याप्रकरणी गुन्हा दाखल करुन अटकेची मागणी सोमवार पेठ, फलटण येथील महिलांनी जिल्हा पोलीस अधीक्षक तेजस्वी सातपुते यांच्याकडे निवेदनाद्वारे केली आहे.
निवेदनात असे म्हटले आहे की, 5 ऑगस्ट 2019 रोजी सोमवार पेठ, फलटण येथे लोकशाहीर अण्णाभाऊ साठे जयंती कार्यक्रमाचे आयोजन करण्यात आले होते. कार्यक्रम सुरु असताना रात्री साडेनऊ च्या दरम्यान सोमवार पेठेतील 10 ते 15 जणांच्या टोळक्याने जयंती कार्यक्रमावर हल्ला केला होता. या हल्ल्यामध्ये लहान मुलांसह महिलाही जखमी झाल्या होत्या. त्यानंतर सोमवार पेठेत तणावाचे वातावरण निर्माण झाले होते. पोलिसांनी खबरदारी म्हणून सोमवार पेठेत बंदोबस्त ठेवला होता. यानंतर 8 संशयित आरोपींवर जयंती कार्यक्रमावर हल्ला केल्याप्रकरणी ऍट्रोसिटी अन्वये गुन्हा दाखल करण्यात आला होता. मात्र या जयंती कार्यक्रम हल्ला प्रकरणातील सूत्रधारांवर गुन्हा दाखल करण्यात यावा, अशी मागणी फिर्यादीने केली होती. मात्र यातील मुख्य सूत्रधार माजी नगरसेवक सोमा गंगाराम जाधव व त्याचा नगरसेवक मुलगा विक्रम सोमा जाधव यांच्यावर गुन्हा दाखल करण्यास पोलिसांनी टाळाटाळ केली होती. उलट, फिर्यादीसह पाचजणांवर फलटण पोलीस ठाण्यात विनयभंगाचा खोटा गुन्हा दाखल करण्यात आला होता. तसेच या प्रकरणातील सूत्रधार सोमा जाधव व विक्रम जाधव यांनी सोमवार पेठेतील अनेक रहिवाशांकडून जिवे मारण्याची धमकी देत, दमदाटी करुन आधारकार्डच्या झेरॉक्स तसेच कोर्या कागदावर सह्या घेतल्या आहेत, असा आरोपही निवेदनातून करण्यात आला आहे.
2011 साली सोमा जाधव व विक्रम जाधव यांनी स्वत:च्या फायद्यासाठी सोमवार पेठ व मंगळवार पेठेत जातीय दंगल घडवून आणली होती. त्यामुळे फलटण शहरामध्ये काही दिवस संचारबंदी लागू करण्यात आली होती. या प्रकारामुळे फलटणमधील सामाजिक वातावरण दूषित झाले होते. सोमा व विक्रम जाधव यांचा अवैध खासगी सावकारीचा मोठा व्यवसाय आहे. अवैध खासगी सावकारीच्या माध्यमातून या दोघांनीही मोठी काळी संपत्ती कमावली आहे. याच जोरावर ते सोमवार पेठेत गुंडगिरी करतात. त्यांच्या गुंडगिरीमुळे सामान्य लोकांचे जिणे असह्य झाले आहे. परवा झालेल्या लोकशाहीर अण्णाभाऊ साठे जयंती कार्यक्रमावर हल्ला घडवून जातीय दंगल घडविण्याचा त्यांचा डाव होता. या माध्यमातून त्यांना सोमवार पेठेतील सर्व्हे नं. 6 या जागेवर गेल्या पन्नास वर्षांपासून वास्तव्यास असलेल्या 90 कुटूंबांना हुसकावून लावायचे आहे. वास्तविक फलटण नगरपालिकेने या जागेवर बोगस दस्तावेजांचा वापर करीत याठिकाणी आरक्षण टाकले आहे. राजकीय फायदा उचलण्यासाठी सोमा जाधव व विक्रम जाधव यांनी लोकशाहीर अण्णाभाऊ साठे जयंती कार्यक्रमावर हल्ला घडवून आणलेला आहे. तेच या मागचे सूत्रधार आहेत. त्यामुळे त्यांच्यावर कठोर कारवाई करुन अटक करण्यात यावी, अशा आशयाचे निवेदन सोमवार पेठ, फलटण येथील महिलांनी जिल्हा पोलीस प्रमुख तेजस्वी सातपुते यांना दिले आहे.
शाहूपुरी पोलिस ठाण्याच्या हद्दीत आढळला अनोळखी पुरुषाचा मृतदेह |
सातारा शहरातून दोनजणी बेपत्ता |
डॉ आंबेडकर जयंती समारोह अध्यक्षपदी संजय गाडे यांची निवड |
शरद पवारांच्या डावपेचाकडे महाराष्ट्राचे लक्ष |
कराडला रविवारी इंडिया आघाडीचा मेळावा |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |