02:36am | Jan 24, 2020 |
कराड : मलकापूर नगरपालिकेने केलेल्या मालमता करवाढीच्या आणि सत्ताधार्यांच्या भ्रष्ट, एकाधिकारशाही कारभाराविरोधात भाजपच्या नगरसेवकांनी नागरीकांसह बुधवारी लाक्षणिक उपोषण केले. भाजपचे सरचिटणीस डॉ. अतुल भोसले यांनी सायंकाळी उपोषणस्थळी येऊन आंदोलकांशी चर्चा केली. तसेच आंदोलकांना लिंबू-सरबत दिल्यानंतर उपोषणाची सांगता झाली. मलकापूर नगरपालिका सत्ताधार्यांच्या एककलमी कारभाराला योग्य मार्गाने विरोध करणार असल्याचे भाजप सरचिटणीस डॉ.अतुल भोसले यांनी पत्रकारांशी बोलताना सांगितले.
पालिकेचा कारभार अकार्यक्षम पद्धतीने सुरू असल्याचा आरोप करत विरोधी नगरसेवकांसह भाजपा पदाधिकारी बुधवारी पालिकेसमोर उपोषणाला बसले होते. पालिकेने बांधकाम व्यावसायिकांची सुरू केलेली पिळवणूक थांबवावी, या मागणीसह 19 टक्के कर वाढ मागे घ्यावी, अन्यथा आंदोलन तीव्र करण्याचा इशारा शेतीमित्र अशोकराव थोरात यांनी दिला. विरोधी पक्षाच्या गटनेत्या नूरजहाँ मुल्ला, नगरसेवक अजित थोरात, दीनेश रैनाक, निर्मला काशिद, राजू मुल्ला, भाजपचे तालुकाध्यक्ष धनाजी पाटील, आबासाहेब गावडे, सुरेश खिलारे, डॉ.सारिका गावडे यांच्यासह विरोधी गटाचे कार्यकर्ते आणि नागरीकही उपोषणात सहभागी झाले होते.
सत्ताधार्यांनी केलेली मालमत्ता करवाढ अन्यायकारक आहे. ती रद्द न झाल्यास अन्य नगरपालिकांच्या तुलनेत मलकापूरच्या नागरीकांना मोठा आर्थिक भुर्दंड सोसावा लागणार आहे. मलकापुरात रोगराई पसरली असून कोणत्याही उपाययोजना नाहीत. इथे रहायला यायचे म्हणजे मृत्यूला कवटाळण्यासारखे आहे. भुयारी गटर योजना कुचकामी आहे. मुस्लीम समाजासाठी दफनभूमी नाही. चोवीस तास योजनेतून नागरीकांना दुषित पाण्याचा पुरवठा होत आहे. हे पाणी बंद करावे. जिल्हाधिकार्यांनी पालिकेच्या कारभाराची चौकशी करावी. बांधकाम व्यावसायिकांची पिळवणूक थांबवावी. महामार्गावरील भाजी मंडई बंद करून वाहतूक कोंडी फोडावी. स्वच्छता अभियानावर फक्त उधळपट्टी सुरू आहे. आधी गल्लीबोळात स्वच्छता करावी, अशा मागण्यांसाठी भाजपच्यावतीने हे लाक्षणिक उपोषण करण्यात आले.
या उपोषणला सहकार परिषदेचे माजी अध्यक्ष शेखर चरेगावकर, भाजपाचे जिल्हाध्यक्ष विक्रम पावसकर, कृष्णा कारखान्याचे संचालक दयानंद पाटील, शिवसेना तालुकाध्यक्ष नितीन काशिद, मलकापूर शहरप्रमुख सूर्यकांत मानकर, भाजपाचे तालुकाध्यक्ष धनाजी पाटील यांनी भेट दिली. सायंकाळी भाजपचे सरचिटणीस डॉ. अतुल भोसले यांनी उपोषस्थळी येऊन आपण आंदोलकांच्या पाठिशी आहोत, असे सांगितले. तसेच नगरपालिकेच्या कारभाराला योग्य मार्गाने विरोध करणार असल्याचे सांगितले. डॉ.भोसले यांच्या हस्ते सरबत घेऊन आंदोलकांनी एक दिवसाचे लाक्षणिक उपोषण मागे घेतले. भाजपचे नगरसेवक चांगल्या कामाला साथ करतील. परंतु, अन्यायाला त्यांचा तीव्र विरोध राहील. आजच्या उपोषणाचा आणि भाजप नगरसेवकांच्या मागण्यांचा मलकापूर नगरपालिकेचे सत्ताधारी जरूर विचार करतील, असा विश्वासही डॉ.भोसले यांनी व्यक्त केला.
सातारा शहरातील लल्लन टोळीवर मोक्का कारवाई |
कृष्णा खोरे महामंडळामुळे दुष्काळी भागात पाणी : उदयनराजे भोसले |
लोकसभा निवडणुकीच्या मतदानाची वेळ वाढवून मिळावी |
सूर्योदयाच्या मुहूर्तावर हनुमान जन्मोत्सव साजरा |
सणबूरच्या यात्रेत कुस्तीच्या फडात आग्या मोहोळाचा हल्ला |
उदयनराजेंच्या पत्नी दमयंतीराजेंचा काँग्रेसवर गंभीर आरोप |
वाई, जावळी तालुक्यात अवकाळी पाऊस |
अल्पवयीन मुलीवर अत्याचार करणाऱ्या युवकाला सश्रम कारावास |
उदयनराजे यांनी घेतले वाईच्या महागणपतीचे दर्शन |
तरुणांच्या भवितव्यासाठी मोदींच्या नेतृत्वाखाली स्थिर सरकार निवडून देऊया उदयनराजे यांचे आवाहन |
पाण्याच्या मोटरची चोरी |
सिव्हिल हॉस्पिटलच्या पार्किंगमधून दुचाकीची चोरी |
चैन स्नॅचिंग प्रकरणी दोन अज्ञातांवर गुन्हा |
अपघातात जखमी केल्याप्रकरणी एकावर गुन्हा |
अवैध दारु प्रकरणी दोघांवर कारवाई |
उदयनराजेंच्या पत्नी दमयंतीराजेंचा काँग्रेसवर गंभीर आरोप |
वाई, जावळी तालुक्यात अवकाळी पाऊस |
अल्पवयीन मुलीवर अत्याचार करणाऱ्या युवकाला सश्रम कारावास |
उदयनराजे यांनी घेतले वाईच्या महागणपतीचे दर्शन |
तरुणांच्या भवितव्यासाठी मोदींच्या नेतृत्वाखाली स्थिर सरकार निवडून देऊया उदयनराजे यांचे आवाहन |
पाण्याच्या मोटरची चोरी |
सिव्हिल हॉस्पिटलच्या पार्किंगमधून दुचाकीची चोरी |
चैन स्नॅचिंग प्रकरणी दोन अज्ञातांवर गुन्हा |
अपघातात जखमी केल्याप्रकरणी एकावर गुन्हा |
अवैध दारु प्रकरणी दोघांवर कारवाई |
वाहनावर विनापरवाना स्पिकर लावल्याप्रकरणी एकावर कारवाई |
सातारा लोकसभेसाठी एकूण १६ उमेदवार रिंगणात |
उमेदवारांच्या निवडणुक खर्चाची नोंदवही तपासण्याचे वेळापत्रक जाहीर ; जिल्हा निवडणूक निर्णय अधिकारी डुडी |
छत्रपती संभाजी महाराज शासकीय वैद्यकीय महाविद्यालय व रुग्णालयतर्फे विविध आरोग्यविषयक उपक्रमांचे आयोजन |
प्लास्टिक पाईपने बेदम मारहाण करून युवकाचा केला निर्घृण खून |