RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

रामोशी-बेरड समाजाचा कराडात मोर्चा

14 August 2018 at 01:01

अनुसूचित जमातीच्या आरक्षणाची मागणी ; १६ ऑगस्टपासून राज्यभर रास्ता रोकोचा इशारा

कराड : बेरड, नायका आणि रामोशी या सर्व जमाती एकच आहेत. देशातील अन्य सर्व राज्यामध्ये या जमातींचा अनुसूचित जमातीमध्ये समावेश आहे. त्यामुळे महाराष्ट्र शासनाने अनुसूचित जाती/जमाती सुधारित कायदा 1976 ची तात्काळ अंमलबजावणी करून रामोशी जमातीचा अनुसूचित जमातीमध्ये समावेश करून घटनात्मक संरक्षण द्यावे, अशी मागणी कराड तालुक्यातील रामोशी-बेरड समाजाच्यावतीने सोमवारी मोार्चाव्दारे करण्यात आली. तसेच 15 ऑगस्टपर्यंत शासनाने मागणी मान्य करावी, अन्यथा 16 ऑगस्टपासून राज्यभर रास्ता रोको आंदोलन करण्यात येईल, असा इशारा यावेळी देण्यात आला. जय मल्हार क्रांती संघटनेच्यावतीने कराड तहसील कार्यालयावर या मोर्चाचे आयोजन करण्यात आले होते.

शहरातील राजर्षि शाहू महाराज पुतळा चौकातून राजर्षि शाहू यांच्या पुतळ्यास पुष्पहार घालून मोर्चाला सुरूवात झाली. त्यानंतर मोर्चा दत्त चौकात आला. तेथे जय मल्हार क्रांती संघटनेचे राज्य उपाध्यक्ष मोहनराव मदने यांच्या हस्ते छ. शिवाजी महाराज यांच्या पुतळ्यास पुष्पहार घालण्यात आला. संघटनेचे संस्थापक अध्यक्ष दौलत शिताळे यांच्या मार्गदर्शनाखाली राज्य उपाध्यक्ष मोहनराव मदने यांनी मोर्चाचे नेतृत्त्व केले. ‘रामोशी समाजाला एसटीचे आरक्षण मिळालेच पाहिजे, आरक्षण आमच्या हक्काचं नाय कुणाच्या बापाचं, आद्यक्रांतीवीर राजे उमाजी नाईक यांचा विजय असो, यळकोट येळकोट जय मल्हार’ अशा घोषणा देत मोर्चा तहसीलदार कार्यालयासमोर पोहचला. तेथे मोर्चाचे रूपांतर सभेत झाले.

राज्य उपाध्यक्ष मोहनराव मदने यांच्यासह आनंदराव जाधव, लक्ष्मण मदने, पंचायत समिती सदस्य चंद्रकांत मदने, उदय मंडले, दादासाो मंडले, प्रशांत चव्हाण, अमोल चव्हाण, अशोक मदने, दादाराम जाधव, रंगराव मदने, आबासाो जाधव आदी पदाधिकार्‍यांनी मनोगत व्यक्त केले. रामोशी बेरड समाजाकडून राज्यात सर्वत्र तहसीलदार कार्यालयावर मोर्चे काढण्यात येत आहेत. त्याची दखल घेवून शासनाने तातडीने संघटनेच्या मागण्या मान्य कराव्यात अन्यथा 16 ऑगस्टपासून कोल्हापूूर जिल्ह्यातून रास्ता रोको आंदोलन सुरू होईल. संपूर्ण महाराष्ट्रभर हे आंदोलन केले जाईल, असा इशारा आनंदराव जाधव यांनी दिला. यावेळी मागण्यांचे निवेदन रामोशी समाजातील महिलांनी तहसीलदार राजेंद्र शेळके यांना दिले. मोर्चात रामोशी बेरड समाजातील महिला, पुरूष व युवक मोठ्या संख्येने सहभागी झाले होते.

 

जावली तालुक्यातील अवैद्य दारू विक्रेत्यांवर मोक्का अंतर्गत कारवाई करावी

गेली ११ वर्ष जावली तालुक्यात सुरु असलेली १३ दारू दुकाने महिलांनी व व्यसनमुक्ती संघटनांनी ऐतिहासिक पाऊल उचलून बंद केली होती.

5 hours before

एकावर पोस्को अंतर्गत गुन्हा

कराड जवळील एका गावात नऊ वर्षीय मुलीवर अत्याचार केल्याप्रकरणी एकावर पोस्को अंतर्गत गुन्हा दाखल करण्यात आला आहे.

5 hours before

तलावात बुडून युवकाचा मृत्यू

बामणवाडी (ता.कराड) येथे जांभळा नावच्या शिवारात असलेल्या कृषि विभागाच्या पाजर तलावात युवकाचा बुडून मृत्यू झाला.

5 hours before

सातार्‍यातून ट्रॅक्टर, दोन दुचाकी चोरी

सातारा शहर परिसरातून अज्ञात चोरट्यांनी तीन ठिकठिकाणाहून ट्रॅक्टर व दोन दुचाकी चोरुन नेला असून याप्रकरणी शहर पोलिस ठाण्यात तीन गुन्हे दाखल झाले आहेत.

5 hours before