नवी दिल्ली : आयएनएक्स मीडिया गैरव्यवहार प्रकरणात माजी केंद्रीय अर्थमंत्री आणि काँग्रेसचे ज्येष्ठ नेते पी. चिदंबरम यांना अखेर बुधवारी दिवसभराच्या नाट्यपूर्ण घडामोडींनंतर रात्री दहा वाजता सीबीआयने अटक केली. अटक टाळण्यासाठी चिदंबरम यांनी दिवसभर प्रयत्न केले. सर्वोच्च न्यायालयातही त्यांना दिलासा मिळाला नाही. अखेर रात्री दहाच्या सुमारास सीबीआयच्या अधिकाऱ्यांनी अक्षरश: घरात घुसून चिदंबरम यांना ताब्यात घेतले.
दिल्ली उच्च न्यायालयाने मंगळवारी अटकपूर्व जामीन नाकारल्यानंतर चिदंबरम हे बेपत्ता झाले होते. बुधवारीही ते समोर आले नाहीत. सीबीआय आणि सक्तवसुली संचालनालयाचे (ईडी) अधिकारी त्यांचा शोध घेत होते. रात्री नाट्यमयरित्या ते काँग्रेसच्या मुख्यालयात अवतरले. त्यांच्या वकिलांसोबत पत्रकार परिषद घेऊन स्वत:वरील आणि मुलावरील सर्व आरोप फेटाळून लावले. 'आयएनएक्स मीडिया घोटाळ्यात मी किंवा माझा मुलगा आरोपी नाही. आमच्यावर कोणतेही आरोपपत्र दाखल करण्यात आलेले नाही. आम्हाला या घोटाळ्यात गोवण्यात आले आहे. आमच्यावरील सर्व आरोप खोटे असून तपास यंत्रणांनी कायद्याचे पालन करावे', असे चिदंबरम म्हणाले. 'हा खटला लढण्यासाठी वकिलांसोबत तयारी करत होतो. त्यामुळे तुमच्यासमोर येऊ शकलो नाही,' असे स्पष्ट करतानाच, आपल्याला फरारी म्हटले जात असल्याबद्दलही त्यांनी आश्चर्य व्यक्त केले. स्वातंत्र्य हा लोकशाहीचा मूलमंत्र आहे. अशावेळी जीवन आणि स्वातंत्र्य यापैकी मला काही निवडण्यास सांगितल्यास मी स्वातंत्र्याला प्राधान्य देईन,' असेही त्यांनी स्पष्ट केले. अवघ्या सात मिनिटांच्या पत्रकार परिषदेनंतर चिदंबरम काँग्रेस कार्यालयातून निघून थेट त्यांच्या घरी गेले.
चिदंबरम काँग्रेस मुख्यालयातून घरी गेल्याचे कळताच सीबीआयच्या पथकाने दिल्लीतील जोरबाग येथील त्यांचे निवासस्थान गाठले. मात्र, चिदंबरम यांच्या घराचा दरवाजा उघडला जात नसल्याने सीबीआयच्या अधिकाऱ्यांनी गेटवरून उड्या मारून त्यांच्या घरात प्रवेश केला आणि त्यांना ताब्यात घेतले.
दिल्ली उच्च न्यायालयाने मंगळवारी चिदंबरम यांना अटकपूर्व जामीन नाकारल्यानंतर त्यांचे सहकारी वकील कपिल सिब्बल, अभिषेक मनु सिंघवी, सलमान खुर्शीद, अश्विनीकुमार आणि विवेक तनखा यांनी सर्वोच्च न्यायालयात त्यांच्या जामीन याचिकेवर तातडीने सुनावणी व्हावी म्हणून निकराचे प्रयत्न केले. पण, न्यायालयाकडून त्यांना अपेक्षित प्रतिसाद मिळाला नाही. सकाळी १०.३० वाजता न्यायमूर्ती रामण्णा यांच्या नेतृत्वाखालील तीन सदस्यीय पीठापुढे चिदंबरम यांची याचिका दाखल करण्यात आली. पण, न्या. रामण्णा यांनी ही याचिका सरन्यायाधीश गोगोई यांच्याकडे पाठवली. कपिल सिब्बल यांनी याचिकेवरील सुनावणीसाठी सरन्यायाधीश गोगोई यांना विनंती करण्याचा प्रयत्न केला. पण, चिदंबरम यांच्या याचिकेचा उल्लेख करणे सिब्बल यांना शक्य झाले नाही. त्यामुळे चिदंबरम यांच्या अटकपूर्व जामीन याचिकेवर आता शुक्रवारी सुनावणी होणार आहे.
चिदंबरम यांना अटकेपासून दिलासा मिळवून देण्यासाठी त्यांच्या सहकारी वकिलांनी सर्वोच्च न्यायालयात, तर त्यांचा ठावठिकाणा हुडकून काढण्यासाठी सीबीआय आणि सक्तवसुली संचालनालय या तपास यंत्रणांनी दिवसभर आकाशपाताळ एक केले. पण, चिदंबरम यांच्या वकिलांना तसेच तपास यंत्रणांनाही यश मिळाले नाही. शेवटी रात्री चिदंबरम काँग्रेस मुख्यालयात नाट्यमयरित्या अवतरले आणि कायद्यापासून पळ काढलेला नसल्याचे त्यांनी पत्रकार परिषदेत दाखवून दिले.
लूकआऊट नोटीस जारी
चिदंबरम देश सोडून जाऊ नयेत यासाठी सीबीआय आणि सक्तवसुली संचालनालयाने (ईडी) त्यांच्याविरोधात 'लूक आऊट' नोटीस जारी केली होती. त्यादृष्टीने देशातील सर्व विमानतळ, बंदरे यांच्यासह सीमेवरील सर्व संबंधित यंत्रणांना दक्षतेचे आदेश देण्यात आले होते. चिदंबरम दिसून आल्यास तातडीने कळवण्याचे निर्देश दोन्ही संस्थांनी दिले होते.
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
जनता बँकेत पुर्नगठीत बोर्ड ऑफ मॅनेजमेंटच्या चेअरमनपदी विनोद कुलकर्णी |
बोंडारवाडीसह धरणांची कामे मार्गी लावणार उदयनराजेंचे आश्वासन |
दलित महासंघ,पॅंथरचा उदयनराजेंना जाहीर पाठींबा |
सातारकरांना बाहेरच्यांनी स्वाभिमान शिकवू नये |
साताऱ्यात कोट्यावधीची कामे हीच आपली जमेची बाजू |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
जनता बँकेत पुर्नगठीत बोर्ड ऑफ मॅनेजमेंटच्या चेअरमनपदी विनोद कुलकर्णी |
बोंडारवाडीसह धरणांची कामे मार्गी लावणार उदयनराजेंचे आश्वासन |
दलित महासंघ,पॅंथरचा उदयनराजेंना जाहीर पाठींबा |
सातारकरांना बाहेरच्यांनी स्वाभिमान शिकवू नये |
साताऱ्यात कोट्यावधीची कामे हीच आपली जमेची बाजू |
जुगार प्रकरणी एकावर कारवाई |
नोकरीच्या अमिषाने सुमारे पावणे सहा लाखांची फसवणूक |
शहरातील दोन वेगवेगळ्या घटनांमध्ये दोनजण बेपत्ता |
विवाहितेला आत्महत्येस प्रवृत्त केल्याप्रकरणी पती विरुध्द गुन्हा |
शाहूनगर येथे घरफोडी |