साउदम्प्टन : शेवटच्या षटकापर्यंत रंगलेल्या रोमहर्षक लढतीत भारताने अफगाणिस्तानवर ११ धावांनी निसटता विजय मिळवत वर्ल्डकपमधील विजयी घोडदौड कायम राखली आहे. शेवटच्या षटकात वेगवान गोलंदाज मोहम्मद शमीने घेतलेली हॅट्ट्रिक निर्णायक ठरली. १० षटकांत ३९ धावांच्या बदल्यात दोन बळी टिपणारा जसप्रीत बुमराह सामनावीर ठरला.
भारताने प्रथम फलंदाजी करताना ८ गड्यांच्या मोबदल्यात २२४ धावा करून २२५ धावांचे माफक आव्हान अफगाणिस्तानपुढे ठेवले होते. या धावांचा पाठलाग करताना मोहम्मद नबीचं अर्धशतक व रहमत शहाच्या ३६ धावांच्या खेळीच्या जोरावर अफगाणिस्तानने अखेरपर्यंत झुंज दिली. शेवटच्या षटकात अफगाणिस्तानला विजयासाठी १६ धावांची गरज होती. त्यांच्या हातात तीन गडी होते. या षटकाच्या पहिल्याच चेंडूवर नबीने चौकार मारत आपले मनसुबे स्पष्ट केले होते. सामना कोणत्याही बाजूला झुकेल असे चिन्ह होते. मात्र नंतर धोनीने शमीला कानमंत्र दिला आणि चित्रच पालटले. दुसरा चेंडू निर्धाव गेला आणि तिसऱ्या चेंडूवर नबी मोठा फटका मारण्याच्या नादात झेलबाद झाला. त्यापुढच्या दोन्ही चेंडूंवर लागोपाठ बळी टिपत शमीने आपली हॅट्ट्रिक आणि भारताचा विजयही साकारला. यंदाच्या वर्ल्डकपमधील हा सर्वात रोमहर्षक सामना ठरला.
तत्पूर्वी, गोलंदाजीसाठी अनुकूल असलेल्या खेळपट्टीवर भारताचा कर्णधार विराट कोहलीने नाणेफेक जिंकून प्रथम फलंदाजी करण्याचा निर्णय घेतला; पण अफगाणिस्तानच्या गोलंदाजांना कमकुवत समजण्याची चूक भारताला महागात पडली. अफगाणिस्तान संघाने भारताला ८ बाद २२४ धावांत रोखले. भारताकडून विराट कोहली आणि केदार जाधवने अर्धशतके ठोकली. 'रोझ बोल' येथे ही लढत झाली. भारताने संघात कुठलाही बदल केला नाही. केवळ दुखापतीमुळे बाहेर गेलेल्या वेगवान गोलंदाज भुवनेश्वरकुमार ऐवजी मोहम्मद शमीला संधी मिळाली. अफगाणिस्तान संघाने दोन बदल केले. पहिल्या चार षटकांतच खेळपट्टीचा नूर लक्षात आला होता. या खेळपट्टीवर सावध खेळ करावा लागणार, हे स्पष्ट दिसत होते. कारण, खेळपट्टीकडून चेंडूला चांगला 'टर्न' आणि 'बाउन्स' मिळत होता. पहिल्या चार षटकांत लोकेश राहुल आणि रोहित शर्माला केवळ सात धावा घेता आल्या. पाचव्या षटकात मुजीब उर रहमान याने 'दुसरा' टाकून रोहित शर्माचा त्रिफळा उडविला. रोहितला १० चेंडूंत एकच धाव घेता आली. या वर्ल्ड कपमध्ये दोन शतके आणि एक अर्धशतक ठोकणारा रोहित शर्मा इतक्या झटपट माघारी परतल्याने अफगाणिस्तान संघाने जोरदार जल्लोष केला. पुढच्या षटकात लोकेश राहुलने आफताब आलमला दोन चौकार मारून दडपण कमी करण्याचा प्रयत्न केला. कोहलीनेही आफताबला त्याच्या पुढच्या षटकात सलग दोन चौकार लगावले. पहिल्या दहा षटकांत भारताच्या १ बाद ४१ धावा झाल्या होत्या.
पंधराव्या षटकात मोहम्मद नबीने लोकेश राहुलला बाद करून अफगाणिस्तानला दुसरे यश मिळवून दिले. लोकेश राहुलने ५३ चेंडूंत २ चौकारांसह ३० धावा केल्या. यानंतर विजय शंकरला चौथ्या क्रमांकावर फलंदाजीची संधी मिळाली. विजय शंकरने सुरुवातीपासूनच सावध खेळ केला, तर दुसऱ्या बाजूने कोहलीने धावफलक हलता राहील, याची काळजी घेतली. कोहलीने ४८ चेंडूंत अर्धशतक पूर्ण केले. हे त्याचे सलग तिसरे अर्धशतक ठरले. पहिल्या २५ षटकांत भारताने २ बाद ११५ धावा केल्या. कोहली-विजय शंकर ही जोडी जमली असे वाटत असतानाच रहमत शाहने विजय शंकरला पायचीत टिपले. विजय शंकरने 'रिव्हर्स स्विप' मारण्याचा धोका पत्करला. विजय शंकरने रिव्ह्यू घेतला खरा; पण मैदानावरील पंचांचा निर्णय अंतिम मानून विजयला बाद ठरविण्यात आले. विजयने ४१ चेंडूंत २९ धावा केल्या. विजय-कोहली जोडीने ५८ धावांची भागीदारी केली.
पाचव्या स्थानावर धोनी फलंदाजीस आला. मागच्या तीन लढतींमध्ये भारताच्या मधल्या फळीचा कस लागला नव्हता. या वेळी भारताच्या मधल्या फळीला चांगली संधी होती. कोहली मैदानात असेपर्यंत दिलासा असतानाच ३१व्या षटकात विराट कोहली बाद झाला. त्याने ६३ चेंडूंत पाच चौकारांसह ६७ धावा केल्या. या वेळी भारताच्या ४ बाद १३५ धावा झाल्या होत्या. यानंतर धोनी-केदार जाधवने अतिशय संथ फलंदाजी केली. या जोडीने विकेट टिकवून ठेवण्यावर भर दिला. कोहली बाद झाल्याच्या ३५ चेंडूंनंतर जाधवने पहिला चौकार लगावला. दहा षटकांनंतर भारताकडून चौकार लगावला गेला होता. या वरून भारताच्या संथ फलंदाजीची कल्पना केली जाऊ शकते. दहा षटकांच्या 'गॅप'नंतर चौकार लगावला गेल्याची ही वर्ल्ड कपमधील भारताकडूनची सर्वांत खराब कामगिरी असेल. या जोडीने किल्ला लढविला खरा; पण धावांचा वेगही मंदावला. ४२व्या षटकानंतर या जोडीकडून फटकेबाजीची अपेक्षा होती. मात्र, या खेळपट्टीवर मोठे फटके मारणे शक्यच होत नव्हते. डावाच्या ४४व्या षटकात धोनीला केवळ दोन धावा घेता आल्या. यानंतर ४५व्या षटकात केदार जाधव धावबाद होताना वाचला. मात्र, याच षटकात धोनी यष्टिचीत झाला. धोनीने ५२ चेंडूंत २८ धावा केल्या. केदार-धोनीने १४ षटकांत ५७ धावा जोडल्या.
पुढच्या षटकात केदार जाधवने आफताब आलमला एक चौकार व एक षटकार मारून धावगती वाढवली. मात्र, पुढच्या रशीद खानच्या षटकात केदार जाधवला एकच धाव घेता आली. डावाच्या ४९व्या षटकात आलमने हार्दिक पंड्याला बाद केले, तर अखेरच्या षटकात गुलबदीनने मोहम्मद शमी आणि केदार जाधवला माघारी पाठवले. केदार जाधवने ६८ चेंडूंत ३ चौकार व १ षटकारासह ५२ धावा केल्या.
१५० निर्धाव चेंडू
भारताकडून केवळ एक षटकार लगावला गेला, तर चौकारांची संख्या होती १५. याच अफगाणिस्तानविरुद्ध मागील लढतीत इंग्लंडने ३९७ धावा चोपल्या होत्या. यात एकट्या रशीद खानविरुद्ध ११० धावा ठोकल्या होत्या. या वेळी अफगाणिस्तानच्या गोलंदाजांनी चांगले 'कमबॅक' केले. मुजीब उर रहमान हा अफगाणिस्तानचा सर्वांत यशस्वी गोलंदाज ठरला. त्याने १० षटकांत केवळ २६ धावा देत एक विकेट घेतली. गुलबदीन आणि मोहम्मद नाबीने दोन विकेट घेतल्या. रशीद खानने ३८ धावांत एक विकेट घेतली. या लढतीत भारतीय फलंदाजांनी १५२ निर्धाव चेंडू खेळून काढले. धोनी-केदारने फिरकी गोलंदाजांविरुद्ध कुठलाही धोका पत्करला नाही.
सातारा शहरातील लल्लन टोळीवर मोक्का कारवाई |
कृष्णा खोरे महामंडळामुळे दुष्काळी भागात पाणी : उदयनराजे भोसले |
लोकसभा निवडणुकीच्या मतदानाची वेळ वाढवून मिळावी |
सूर्योदयाच्या मुहूर्तावर हनुमान जन्मोत्सव साजरा |
सणबूरच्या यात्रेत कुस्तीच्या फडात आग्या मोहोळाचा हल्ला |
उदयनराजेंच्या पत्नी दमयंतीराजेंचा काँग्रेसवर गंभीर आरोप |
वाई, जावळी तालुक्यात अवकाळी पाऊस |
अल्पवयीन मुलीवर अत्याचार करणाऱ्या युवकाला सश्रम कारावास |
उदयनराजे यांनी घेतले वाईच्या महागणपतीचे दर्शन |
तरुणांच्या भवितव्यासाठी मोदींच्या नेतृत्वाखाली स्थिर सरकार निवडून देऊया उदयनराजे यांचे आवाहन |
पाण्याच्या मोटरची चोरी |
सिव्हिल हॉस्पिटलच्या पार्किंगमधून दुचाकीची चोरी |
चैन स्नॅचिंग प्रकरणी दोन अज्ञातांवर गुन्हा |
अपघातात जखमी केल्याप्रकरणी एकावर गुन्हा |
अवैध दारु प्रकरणी दोघांवर कारवाई |
उदयनराजेंच्या पत्नी दमयंतीराजेंचा काँग्रेसवर गंभीर आरोप |
वाई, जावळी तालुक्यात अवकाळी पाऊस |
अल्पवयीन मुलीवर अत्याचार करणाऱ्या युवकाला सश्रम कारावास |
उदयनराजे यांनी घेतले वाईच्या महागणपतीचे दर्शन |
तरुणांच्या भवितव्यासाठी मोदींच्या नेतृत्वाखाली स्थिर सरकार निवडून देऊया उदयनराजे यांचे आवाहन |
पाण्याच्या मोटरची चोरी |
सिव्हिल हॉस्पिटलच्या पार्किंगमधून दुचाकीची चोरी |
चैन स्नॅचिंग प्रकरणी दोन अज्ञातांवर गुन्हा |
अपघातात जखमी केल्याप्रकरणी एकावर गुन्हा |
अवैध दारु प्रकरणी दोघांवर कारवाई |
वाहनावर विनापरवाना स्पिकर लावल्याप्रकरणी एकावर कारवाई |
सातारा लोकसभेसाठी एकूण १६ उमेदवार रिंगणात |
उमेदवारांच्या निवडणुक खर्चाची नोंदवही तपासण्याचे वेळापत्रक जाहीर ; जिल्हा निवडणूक निर्णय अधिकारी डुडी |
छत्रपती संभाजी महाराज शासकीय वैद्यकीय महाविद्यालय व रुग्णालयतर्फे विविध आरोग्यविषयक उपक्रमांचे आयोजन |
प्लास्टिक पाईपने बेदम मारहाण करून युवकाचा केला निर्घृण खून |