RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

माजी कायदामंत्री, ज्येष्ठ विधिज्ञ राम जेठमलानी यांचे निधन

08 September 2019 at 14:40

दिल्ली : माजी कायदामंत्री, ज्येष्ठ विधिज्ञ राम जेठमलानी यांचे प्रदीर्घ आजाराने दिल्लीतील राहत्या घरी निधन झाले. ते ९५ वर्षांचे होते. गेल्या दोन आठवड्यापासून ते आजारी होते. देशातील सर्वोत्कृष्ट विधीज्ञांमध्ये त्यांची गणना होत असे. जेठमलानी यांनी 'बार काउंसिल ऑफ इंडिया'चे अध्यक्षपदही भूषविले होते.

राम जेठमलानी यांच्या मागे पुत्र आणि प्रसिद्ध वकील महेश जेठमलानी, आणि अमेरिकेत राहणारी मुलगी असा परिवार आहे. त्यांची दुसरी कन्या राणी जेठमलानी यांचे यापूर्वीच निधन झाले आहे. जेठमलानी यांची तब्येत खालावल्याने गेल्या दोन आठवड्यांपासून त्यांच्यावर उपचार सुरू होते.

जेठमलानी यांचा ब्रिटिश राजवटीतील सिंध प्रांतातील शिकारपूर येथे १४ सप्टेंबर १९२३ या दिवशी जन्म झाला. ते वयाच्या १८ व्या वर्षी वकील बनले. शाळेत शिकत असताना बढती मिळवत वयाच्या तेराव्या वर्षी त्यांनी मॅट्रिक्युलेशन उत्तीर्ण केले. त्या काळात सर्वसाधारणपणे लोक वयाच्या २१ व्या वर्षी वकील बनत असत. मात्र जेठमलानी यांनी ही कमाल १८ व्या वर्षीच करून दाखवली. ही माहिती स्वत: जेठमलानी यांनी सन २००२ मध्ये टाइम्स ऑफ इंडियाला दिलेल्या विशेष मुलाखतीत दिली होती.

जेठमलानी यांनी माजी पंतप्रधान राजीव गांधी यांच्या हत्ये प्रकरणी बचाव पक्षाचे वकील या नात्याने मद्रास हायकोर्टात सन २०११ मध्ये लढवले होते. तसेच त्यांनी शेअर बाजार घोटाळाप्रकरणी हर्षद मेहता याची बाजू लढवली होती. संसदेवर हल्ला करणाऱ्या अफझल गुरुच्या फाशीच्या प्रकरणातही हे बचाव करत होते. बहुचर्चित जेसिकालाल हत्याकांड प्रकरणातही त्यांनी मनु शर्माची बाजू लढवली होती.

सन २०१० मध्ये जेठमलानी यांनी सुप्रिम कोर्ट बार असोसिएशनच्या अध्यक्षपदाची निवडणूकही लढवली होती. सहाव्या आणि सातव्या लोकसभेत ते भाजपच्या तिकिटावर मुंबईतून खासदार म्हणून निवडून आले होते. त्यांनी वाजपेयी सरकारमध्ये केंद्रीय कायदामंत्री आणि नगरविकास विभागाचे मंत्रिपद भूषविले होते. सन २००४ मध्ये त्यांनी लखनऊमधून अटलबिहारी वाजपेयी यांच्या विरोधात निवडणूक लढवली होती.

राम जेठमलानी यांनी राजीव गांधी आणि इंदिरा गांधी यांच्या हत्या प्रकरणातील आरोपी ते चारा घोटाळा प्रकरणातील आरोपी लालूप्रसाद यादव यांच्या खटले लढवले होते. याबरोबरच त्यांनी संसदेवरील हल्ल्याप्रकरणी अफझल गुरू, तसेच सोहराबुद्दीन चकमक प्रकरणी अमित शहा यांचे खटलेही लढवले आहेत.

बलात्कार प्रकरणी स्वामी चिन्मयानंद यांना एसआयटीकडून अटक

शाहजहांपूर येथील विद्यार्थिनीने बलात्काराचा आरोप केलेले भाजपचे माजी खासदार आणि माजी केंद्रीय गृहराज्यमंत्री स्वामी चिन्मयानंद यांच्या अडचणी वाढल्या आहेत. याप्रकरणी तपास करत असलेल्‍या एसआयटीच्‍या टीमने स्वामी चिन्मयानंद यांना आश्रमातून अटक केली.

2 hours before

अमित शाहांच्या उपस्थितीत उदयनराजे भोसलेंचा भाजपप्रवेश

राष्ट्रवादीचे नेते उदयनराजे भोसले यांनी आज नवी दिल्लीत आयोजित कार्यक्रमात भारतीय जनता पक्षात प्रवेश केला. यावेळी केंद्रीय गृहमंत्री अमित शाह, केंद्रीय मंत्री रामदास आठवले, भाजप अध्यक्ष जे. पी. नड्डा, मुख्यमंत्री देवेंद्र फडणवीस, भाजप प्रदेशाध्यक्ष चं

14 September 2019 at 16:03