RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

मतमोजणीच्या पूर्वसंध्येला सातार्‍यात पोलिसांचे महासंचलन

23 May 2019 at 03:37

सुमारे सहा हजार पोलिसांसह निमलष्करी दलाचे पथक सातारा जिल्ह्यात तैनात

सातारा : उद्या होणार्‍या लोकसभा निवडणुकीच्या मतमोजणीच्या पार्श्‍वभूमीवर आज संध्याकाळी जिल्हा पोलीस अधीक्षक तेजस्वी सातपुते यांच्या नेतृत्वाखाली सातार्‍यातील मुख्य मार्गांवर हजारो पोलिसांनी महासंचलन केले. सातारा जिल्ह्यात मतमोजणी दरम्यान कायदा व सुव्यवस्था अबाधित रहावी यासाठी हे महासंचलन केले, अशी माहिती पोलीस सूत्रांनी दिली.

लोकसभा निवडणुकीच्या मतदानादरम्यान नियुक्त केलेल्या बंदोबस्तापेक्षा मतमोजणीला अधिक पोलीस बंदोबस्त तैनात करण्यात आल्याचे आजच्या सातारा शहरात करण्यात आलेल्या पोलीस महासंचलनाद्वारे समोर आलेले आहे. सातारा जिल्ह्यात मतदानादिवशी 4 हजार 63 पोलीस कर्मचार्‍यांचा बंदोबस्त होता. मात्र उद्या दि. 23 रोजी होणार्‍या मतमोजणी दिवशी तब्बल 5 हजार 788 पोलीस अधिकारी व कर्मचार्‍यांसह केंद्रीय पोलीस बलाचे पथक तैनात करण्यात आले आहे. 

सतराव्या लोकसभा निवडणूकीचा कार्यक्रम जाहीर झाल्यानंतर सातारा लोकसभेसाठी 23 एप्रिल रोजी मतदान घेण्यात आले होते. यावेळी निमलष्करी दलासह राज्यातील पाच जिल्ह्यातून पोलीस बंदोबस्त मागविण्यात आला होता. स्थानिक पोलीस व निमलष्करी दलासह साधारणत: साडेचार हजार पोलीस मतदाना दिवशी सातारा लोकसभा मतदारसंघात तैनात होते. मात्र, सातारा लोकसभा मतदारसंघ संवेदनशील समजला जातो. मतमोजणी दिवशी जिल्ह्यात कोणत्याही प्रकारचा जिल्ह्यात कायदा व सुव्यवस्थेचा प्रश्‍न निर्माण होवू नये यासाठी जिल्हा पोलीस अधीक्षक तेजस्वी सातपुते यांनी खबरदारीचा उपाय म्हणून निमलष्करी दल (सीआरपीएफ), दोन क्यूआरटी पथके, स्ट्रायकिंग फोर्स, राज्य राखीव पोलीस दल, दोन आरसी पथक, गृहरक्षक दल तसेच स्थानिक पोलीस व शंभराहून अधिक पोलीस अधिकार्‍यांमध्ये अप्पर पोलीस अधीक्षक, सहाय्यक पोलीस अधीक्षक, पोलीस उप अधीक्षक, उपविभागीय पोलीस अधिकारी, पोलीस निरीक्षक, सहाय्यक पोलीस निरीक्षक, पोलीस उप निरीक्षकांचा त्यामध्ये समावेश आहे. 

सातारा लोकसभा निवडणुकीचा निकाल उद्या दि. 23 रोजी रात्री उशिरापर्यंत जाहीर होण्याची शक्यता आहे. कालच जिल्हाधिकारी तथा निवडणूक निर्णय अधिकारी श्‍वेता सिंघल यांनी याबाबतची माहिती दिली होती. महसूल बरोबरच सातारा पोलिसांनीही निवडणूक निकाला दिवशी कोणत्याही प्रकारचा कायदा व सुव्यवस्थेचा प्रश्‍न निर्माण होवू नये यासाठी कंबर कसली असून जिल्ह्यातील सर्वच पोलीस ठाण्यांना पुरेसा पोलीस बंदोबस्त दिलेला आहे. निकाला दिवशी अथवा निकालानंतर कायदा व सुव्यवस्थेचा भंग करणार्‍यांवर तसेच अफवा पसरवणार्‍यांवर पोलिसांचे विशेष लक्ष राहणार आहे. निकाला दिवशी कोणतीही संवेदनशील परिस्थिती हाताळण्यास सातारा पोलीस दल सक्षम असल्याची एकप्रकारे ग्वाहीच सातारा पोलीस अधीक्षक तेजस्वी सातपुते यांनी सातार्‍यात पोलीस दलाचे महासंचलन करुन दिली आहे.


धोम व कण्हेर धरणग्रस्तांचा आता थेट जलाशयात साखळी आंदोलनाचा इशारा

धोम व कण्हेर धरणासाठी शेकडो शेतकऱ्यांनी जमिनी दिल्या पण, पुनर्वसनासाठी त्यांना आजही संघर्ष करावा लागत आहे. त्याचाच भाग म्हणून थेट धोम जलाशयात उतरून आंदोलन करण्याचा इशारा जनजागर प्रतिष्ठानचे जिल्हा समन्यवक देवराज देशमुख व श्रीहरी गोळे यांच्यासह

10 hours before

शाहूनगरमधील घुले बंधूंमुळे वाचले भेकराचे प्राण

अजिंक्यतारा किल्ल्यालगतच्या जंगलातून एक भेकर शाहूनगर परिसरात आले होते. त्याच्यावर भटक्या कुत्र्यांनी हल्ला चवल्याने ते गंभीर जखमी झाले. या भेकराला शाहूनगर येथे राहणार्‍या संतोष घुले आणि प्रकाश घुले या दोघांनी कुत्र्यांच्या तावडीतून सोडवले आणि त्याचे

10 hours before

मर्सिडीज-बेन्झतर्फे द्वितीय आणि तृतीय श्रेणी बाजारपेठांवर सातत्याने भर

मर्सिडिज-बेन्झ या भारतातील सर्वात मोठ्या लक्झ्युरी कार उत्पादक कंपनीने महाराष्ट्रातील आपले विश्वासार्ह भागीदार बी.यू. भंडारी मोटर्स यांच्या साह्याने आपल्या मसर्विस ऑन व्हील्सफ या नाविन्यपूर्ण ग्राहक सेवेच्या दुसर्‍या टप्प्याचा शुभारंभ केला.

10 hours before

राज्य सरकारच्या माध्यमातून उत्तर माण, टेंभूचा प्रश्न मार्गी लागेल

टेंभुच्या पाण्याचा बुडबुडाही माणपर्यंत येऊ शकणार नाही म्हणणा-यांना आम्ही टेंभूचे पाणी माण तालुक्यात आणून दाखवले आहे. आता उत्तर माणला जिहे - कटापूर योजनेतून आंधळी धरणातून पाणी उचलून देणे आणि टेंभू योजनेतील उर्वरित गावांना पाणी मिळण्यासाठी

10 hours before