RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

बस नाल्यात कोसळून भीषण अपघात; २९ प्रवाशांचा मृत्यू

08 July 2019 at 14:06

आग्रा : उत्तर प्रदेशातील आग्र्याच्या जवळ यमुना एक्स्प्रेस-वे वर आज सोमवारी पहाटे बस नाल्यात कोसळून भीषण अपघात झाला. या अपघातात २९ प्रवाशांचा मृत्यू झाला आहे. तर १५-१६ प्रवासी जखमी झाले आहेत. आतापर्यंत २७ मृतदेह मिळाले आहेत. घटनास्थळी बचावकार्य सुरू आहे.

अधिक मिळालेल्या माहितीनुसार, अपघातग्रस्त बस लखनौ येथून दिल्लीच्या दिशेने जात होती. मात्र, ती यमुना एक्स्प्रेस वे दरम्यान झरना नाल्यात ५० फूट खोलवर कोसळली. या बसमधून सुमारे ५० लोक प्रवास करत होते. यातील २९ प्रवाशांचा मृत्यू झाला. ही घटना एत्मादपूर पोलिस ठाणे हद्दीत घडली.

अपघाताचे नेमके कारण अद्याप स्पष्ट झालेले नाही. मात्र, चालकाला डुलकी लागल्याने त्याचे बसवरील नियंत्रण सुटले आणि यामुळे अपघात झाल्याचे सांगण्यात येत आहे. अपघातग्रस्त बस अवध डेपोची होती. 

उत्तर प्रदेशचे मुख्यमंत्री योगी आदित्यनाथ यांनी या घटनेबद्दल दुःख व्यक्त केले आहे. त्यांनी या अपघातातील मृतांच्या वारसांना प्रत्येकी ५ लाख रुपयांची मदत जाहीर केली आहे. तर उत्तर प्रदेशचे डीजीपी ओ. पी. सिंह यांनी बचावकार्यासंदर्भात निर्देश जारी केले आहेत. सर्व प्रमुख अधिकाऱ्यांना घटनास्थळी जाण्याची सूचना त्यांनी केली आहे. सहा पदरी असलेला यमुना एक्स्प्रेस वे १६५ किलोमीटर लांब आहे. हा एक्स्प्रेस वे ग्रेटर नोएडाला आग्र्याशी जोडतो. या मार्ग २०१२ मध्ये बनविला होता.

'चांद्रयान-२' झेपावलं; 'इस्रो'ने घडवला इतिहास

जगभरातील सर्वच भारतीयांसाठी अभिमानास्पद असलेल्या आणि अवघ्या जगाचं लक्ष लागलेल्या 'चांद्रयान-२' बाहुबली रॉकेटच्या मदतीने आज अखेर अंतराळात झेपावलं.

3 hours before

दाबोळी विमानतळावर 56 लाख 38 हजारांचे सोने जप्त

दाबोळी विमानतळावर रविवारी 56 लाख 38 हजार रुपये किमतीचे 1 किलो 787 ग्रॅम वजनाचे सोने जप्त करण्यात आले आहे. कस्टम खात्याच्या गोवा विभागाने ही कारवाई केली आहे. या कारवीईत ताजिकीस्तानच्या तिघा महिलांना ताब्यात घेतले.

13 hours before

माजी मुख्यमंत्री काँग्रेसच्या ज्येष्ठ नेत्या शीला दीक्षित यांचं निधन

काँग्रेसच्या ज्येष्ठ नेत्या आणि दिल्लीच्या माजी मुख्यमंत्री शीला दीक्षित यांचं आज प्रदीर्घ आजारानं निधन झाल्याने दिल्लीत दोन दिवसाचा राजकीय दुखवटा जाहीर करण्यात आला आहे.

21 July 2019 at 02:42

स्मार्ट टीव्ही हॅक करुन बनवला पती-पत्नीच्या खासगी क्षणांचा व्हिडीओ

देशात सायबर क्राईमचे प्रमाण दिवसेंदिवस वाढत आहे. दररोज सायबर क्राईम विभागा अंतर्गत वेगवेगळ्या गुन्ह्यांची नोंद होत आहे.

20 July 2019 at 16:28