RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

जागतिक अस्थिरोग दिनानिमित्त फलटणमध्ये मॅरेथॉनचे आयोजन

11 September 2019 at 03:17

फलटण : जोशी हॉस्पिटल प्रा, लि. आणि ट्रामा सेंटर, फलटणच्यावतीने प्रतिवर्षाप्रमाणे जागतिक अस्थिरोग दिनानिमित्त मॅरेथॉनचे आयोजन शनिवार दि. 12 आक्टोंबर  रोजी सकाळी 6 वाजता सजाई गार्डन कार्यालय, फलटण येथे करण्यात आल्याचे डॉ. प्रसाद जोशी व डॉ. प्राची जोशी यांनी प्रसिध्दी पत्रकाद्वारे कळविले आहे. 

दि. 12 आक्टोबर रोजी जागतिक अस्थिरोग दिनानिमित्त जोशी हॉस्पिटल 5 वर्षापासून अनोख्या व आगळ्या वेगळ्या पध्दतीने हा दिन साजरा करते.  यावषी या कार्यक्रमास डॉ प्रकाश आमटे व डॉ. सौ. मंदाकिनी आमटे यांची प्रमुख उपस्थिती राहणार असल्याचे या पत्रकात नमूद करण्यात आले आहे. मानवी जीवन आनंदी व समाधानी असावे त्यासाठी निरोगी मनाची आणि निरोगी मनाच्या वास्तव्यासाठी निरोगी शरीराची आवश्यकता असते शरीर निरोगी ठेवण्यात आहार व व्यायाम यांचा मुख्य वाटा असून देशाच्या जडणघडणीत युवकांचे योगदान महत्त्वाचे असल्याने युवा पिढीला समजावून घेवून त्यांच्याशी सुसंवाद प्रस्थापित करणे हे सामाजिक कर्तव्य असून जागतिक अस्थिरोग दिनानिमित्त आयोजित मॅरेथॉन कार्यक्रम हा त्यादृष्टीने खारीचा वाटा असल्याचे डॉ. प्रसाद जोशी यांनी स्पष्ट केले.  25 ते 45 वर्षे वयोगटातील सर्वाना व्यायामाचे महत्त्व समजावून देणे व  प्रबोधन करण्यासाठी या कार्यक्रमाचे आयोजन करण्यात येते. 18 वर्षापासून फलटण येथे कार्यरत असताना अस्थिरोग उपचार व सांधेरोपण शस्त्रक्रिया आणि मणक्यांच्या शस्त्रक्रिया केल्या आहेत.  सदरचे पेशंट  आमच्या कुटुंबाचा एक भाग असल्याने सर्वांनी एकत्र येवून दि. 12 आक्टोबर रोजी विविध कार्यक्रमांचे आयोजन करण्यात येत असून या कार्यक्रमास मोठ्या संख्येने उपस्थित राहण्याचे आवाहन डॉ. प्रसाद जोशी यांनी केले आहे.

दि. 12 आक्टोंबर रोजी सकाळी 6  वाजता सजाई गार्डन फलटण येथून 10 कि.मी. मॅरेथॉनची सुरुवात होणार आहे.  सकाळी 6. 30 वाजता सजाई गार्डन येथून 5 कि. मी. मॅरेथॉन स्पर्धेची सुरुवात होणार आहे. सकाळी 7 वाजता 3 कि. मी. वाकेथान (जलद चालणे) स्पर्धा सुरू होणार आहे.

मॅरेथॉन स्पर्धेत 20 ते 40 वयोगट यांच्यासाठी 5 ते 10 कि. मी. सळसळता युवा गट,  40 ते 60 वयोगट यांच्यासाठी 5 ते  12 कि. मी. प्रगल्भ प्रौढ गट व 60 वर्षापुढील वयोगटासाठी 2  कि. मी. जलद चालणे अनुभवी ज्येष्ठ गट असे विभाग करण्यात आले आहेत. 

सकाळी 9 वाजता सजाई गार्डन कार्यालयामध्ये सर्वांचे स्वागत व अल्पोपहार, सकाळी 10.00 वाजल्यापासून मुख्य कार्यक्रम सुरु होणार असून दुपारी 1 वाजता भोजन व्यवस्था करण्यात आली आहे.  सजाई गार्डन  कार्यालयामधील कार्यक्रमासाठी प्रवेश पास आवश्यक असल्याचे डॉ. जोशी यांनी सांगितले.

मॅरेथॉन मध्ये सहभागी होण्यासाठी दि. 30 सप्टेंबर पर्यंत आनलाईन नोंदणी 200/- प्रवेश फी भरुन करता येणार असून ज्येष्ठ नागरिक यांना कोणतीही फी आकारली जाणार नाही नसल्याचे निमंत्रक डॉ. प्रसाद जोशी व डॉ. सौ. प्राची जोशी यांनी सांगितले आहे.

नंदगिरी महाराजांवर दाखल केलेल्या खोट्या गुन्ह्याचा सोळशी ग्रामस्थांकडून निषेध

सोळशी, ता. कोरेगाव येथील शनी देवस्थानच्या नंदगिरी महाराजांवर सोळशी येथील काही लोकांनी विनयभंगाचा खोटा गुन्हा दाखल केला होता. नंदगिरी महाराज गेल्या अनेक वर्षांपासून सोळशी येथील शनी देवस्थानमध्ये लोकांची सेवा करीत आहेत. अशा व्यक्तीवर पूर्वग्रहदूषित

7 minutes before

श्री शिवाजी विद्यालयात स्व.पी.डी. पाटील यांची पुण्यतिथी साजरी

येथील श्री शिवाजी विद्यालयात स्व.पी.डी.पाटील यांचा 11 वा पुण्यस्मरण दिन विविध उपक्रमांनी साजरा करण्यात आला.

13 hours before

मलकापूरच्या मतदार यादीत बोगस नावे

मतदार यादी पुनर्निरीक्षण कार्यक्रमादरम्यान कराड दक्षिण विधानसभा मतदार संघातील मलकापूर शहरात मतदार यादीमध्ये ऑनलाईन दाखल अर्जांची पडताळणी न करता बोगस नावांचा समावेश झाला आहे. बीएलओंकडून पडताळणी व प्रत्यक्ष कागदपत्रांची तपासणी न झालेली

13 hours before

असंघटीत कामगार मेळावा हा कष्टकर्‍यांना बळ देणारा : सुदर्शन पाटसकर

युवा विकास प्रतिष्ठान कराड व भाजपा युवा मोर्चा तर्फे असंघटीत कामगार मेळाव्याचे आयोजन बाबुभाई पद्मसी शहा हॉल विठ्ठल चौक कराड येथे नुकतेच करण्यात आले. सदर मेळाव्यास मोहन जाधव संचालक पुणे म्हाडा हे प्रमुख अतिथी म्हणून उपस्थिती होते.

13 hours before