RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

महिला क्रिकेट संघाचा विजयी शुभारंभ

12 September 2018 at 20:08

कोलंबो : मानसी नाईक (3/16) हिची शानदार गोलंदाजी आणि स्मृती मानधनाच्या झुंजार 73 धावांच्या जोरावर भारतीय महिला क्रिकेट संघाने 9 विकेटनी विजय मिळवला. प्रथम फलंदाजी करणार्‍या श्रीलंकेला 35.1 षटकांत केवळ 98 धावांत गुंडाळले आणि त्यानंतर 19.5 षटकांत एका विकेटच्या मोबदल्यात विजयी लक्ष्य गाठले. नाणेफेक जिंकून प्रथम फलंदाजी करण्याचा श्रीलंका कर्णधाराचा निर्णय त्यांच्या चांगलाच अंगलट आला. भारतीय गोलंदाजीपुढे त्यांच्या सर्वच फलंदाजांनी शरणागती पत्करली. त्यांच्या चमारी अट्टापट्टू (33) आणि श्रीपल्‍ली वेराकोड्डी (26) या दोघींशिवाय कोणत्याही फलंदाजाला दुहेरी धावसंख्या गाठता आली नाही. 

दुखापतीमुळे खूप दिवस मैदानाबाहेर असलेल्या मानसीने उत्कृष्ट पुनरागमन करताना केवळ 16 धावांत तीन विकेट घेतल्या. याशिवाय, झुलन गोस्वामीने आणि पूनम यादव यांनी प्रत्येकी दोन विकेट घेतल्या.

श्रीलंकेकडून मिळालेले लक्ष्य गाठणे भारतासाठी अतिशय सोपे ठरले. स्मृती मानधना (73) आणि पूनम राउत (24) यांनी 19.5 षटकांत ही धावसंख्या पार केली.  या विजयामुळे तीन सामन्यांच्या मालिकेत भारताने 1-0 ने आघाडी घेतली आहे. दुसरा वन-डे सामना 13 सप्टेंबर रोजी खेळवला जाणारा आहे.