RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

आम्हाला निवडणुकीत गृहीत धरू नका

10 September 2019 at 03:30

राजेंद्रसिंह यादव; लवकरच योग्य निर्णय घेणार

कराड : आजवर निवडणुकामध्ये आमचा वापर करून घेतला. मात्र, यापुढे तसे घडणार नाही. येणार्‍या विधानसभा निवडणुकीत आम्हाला कोणीही गृहीत धरू नये. आता आमचंबी ठरलंय. जनतेच्या विकासासाठी आम्ही लवकरच योग्य निर्णय घेऊ, असे स्पष्ट मत माजी उपनगराध्यक्ष राजेंद्रसिंह यादव यांनी व्यक्त केले.

येथील यशवंतराव चव्हाण बहुउद्देशिय सभागृहात रविवारी यशवंत जनशक्ती आघाडीच्या कार्यकर्ता निर्धार मेळाव्याला मार्गदर्शन करताना ते बोलत होते. यावेळी पालिकेचे बांधकाम सभापती हणमंतराव पवार, नियोजन सभापती विजय वाटेगावर, आरोग्य सभापती गजेंद्र कांबळे, नगरसेवक अतुल शिंदे, बाळासाहेब यादव, किरण पाटील, विकास पवार, आबासाहेब गावडे, रमेश मोरे, संजय शिंदे, जावेद नायकवडी, प्रकाश वायदंडे, माजी नगराध्यक्षा संगीता देसाई, बंडा डुबल, महिला बालकल्याण सभापती स्मिता हुलवान, नगरसेविका आशा मुळे, सुप्रिया खराडे आदींची प्रमुख उपस्थिती होती.

राजेंद्रसिंह यादव म्हणाले, अजून पुलाखालून बरच पाणी जायचं आहे. कमी कालावधीत निरोप देवून या ठिकाणी जमलेले लोक, कार्यकर्ते हीच माझी खरी संपत्ती आहे. या मेळाव्याला उपस्थिती म्हणजे शोरूम आहे. अजून गोडाऊन शिल्लक आहे. आमचे नेते खा. उदयनराजे भोसले यांच्या मार्गदर्शनाखाली आम्ही आजपर्यंत काम करत आहोत. सद्यस्थितीत राजकीय उलथापालथी सुरू आहेत, माझ्या कार्यकर्त्यांचा विचार घेतल्याशिवाय कोणताही निर्णय घेणार नाही. संघर्ष आमचा पाचवीला पुजला असून लढणं आमच्या रक्तात आहे. त्यामुळे भावनिक होवून निर्णय घेण्यापेक्षा विचार करून पाऊले टाकूया, असा सल्ला देवून योग्यवेळी आपली भूमिका जाहीर करू, असे त्यांनी स्पष्ट केले.

हणमंतराव पवार म्हणाले राजेंद्रसिंह यादव यांनी आजपर्यंत प्रामाणिकपणे समाजकार्य केले. आम्ही सर्व नगरसेवक त्यांच्या पाठीशी आहोत. विजय वाटेगावकर म्हणाले, राजेंद्रसिंह यादव यांनी कॉंग्रेससह सर्व पक्षांना वेळोवेळी मदत केेली पण त्यांना कितीजणांनी मदत केली? पालिका, पंचायत समिती, जिल्हा परिषदेत त्यांना मानणारा मोठा गट आहे. त्यामुळे त्यांनीच या निवडणुकीत नेतृत्त्व करावे. स्मिता हुलवान म्हणाल्या, मागील विधानसभा निवडणुकीत राष्ट्रवादीचे अध्यक्ष शरद पवार यांनी राजेंद्र यादव यांची दक्षिण मतदार संघातून उमेदवारी जाहीर केली होती. यावरून त्यांची जनमानसातील प्रतिमा समजून येते. ते जो निर्णय घेतील त्याच्या पाठीशी आम्ही राहणार आहोत. प्रारंभी सचिन पाटील यांनी प्रास्ताविकात मेळाव्याचा हेतू स्पष्ट केला. यावेळी आर.के.पवार, सरपंच रवींद्र थोरात, रमेश गोरे, प्रकाश वायदंडे, अतुल शिंदे, संगीता देसाई, पोळ मॅडम आदींनी मनोगते व्यक्त केली. सचिन पाटील यांनी आभार मानले.


नंदगिरी महाराजांवर दाखल केलेल्या खोट्या गुन्ह्याचा सोळशी ग्रामस्थांकडून निषेध

सोळशी, ता. कोरेगाव येथील शनी देवस्थानच्या नंदगिरी महाराजांवर सोळशी येथील काही लोकांनी विनयभंगाचा खोटा गुन्हा दाखल केला होता. नंदगिरी महाराज गेल्या अनेक वर्षांपासून सोळशी येथील शनी देवस्थानमध्ये लोकांची सेवा करीत आहेत. अशा व्यक्तीवर पूर्वग्रहदूषित

39 minutes before

श्री शिवाजी विद्यालयात स्व.पी.डी. पाटील यांची पुण्यतिथी साजरी

येथील श्री शिवाजी विद्यालयात स्व.पी.डी.पाटील यांचा 11 वा पुण्यस्मरण दिन विविध उपक्रमांनी साजरा करण्यात आला.

14 hours before

मलकापूरच्या मतदार यादीत बोगस नावे

मतदार यादी पुनर्निरीक्षण कार्यक्रमादरम्यान कराड दक्षिण विधानसभा मतदार संघातील मलकापूर शहरात मतदार यादीमध्ये ऑनलाईन दाखल अर्जांची पडताळणी न करता बोगस नावांचा समावेश झाला आहे. बीएलओंकडून पडताळणी व प्रत्यक्ष कागदपत्रांची तपासणी न झालेली

14 hours before

असंघटीत कामगार मेळावा हा कष्टकर्‍यांना बळ देणारा : सुदर्शन पाटसकर

युवा विकास प्रतिष्ठान कराड व भाजपा युवा मोर्चा तर्फे असंघटीत कामगार मेळाव्याचे आयोजन बाबुभाई पद्मसी शहा हॉल विठ्ठल चौक कराड येथे नुकतेच करण्यात आले. सदर मेळाव्यास मोहन जाधव संचालक पुणे म्हाडा हे प्रमुख अतिथी म्हणून उपस्थिती होते.

14 hours before