RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

जवळवाडी नजिक अपघातात मृत्युमुखी पडलेल्या विवाहितेच्या नातेवाईकांना नुकसान भरपाई द्या

12 July 2019 at 03:10

शिवसेनेची जिल्हा प्रशासनाकडे मागणी

सातारा : जवळवाडी, ता. जावली नजीक दोन दिवसांपूर्वी झालेल्या अपघातात विवाहितेच्या मृत्यूस जबाबदार ठरलेल्या अधिकारी व ठेकेदारांवर सदोष मनुष्यवधाचा गुन्हा दाखल करावा. त्या विवाहितेच्या कुटुंबीयास  आर्थिक नुकसान भरपाई मिळावी, अन्यथा शिवसेनेच्यावतीने अपघातांना जबाबदार ठरलेल्या ठेकेदार व अधिकाऱ्यांविरुद्ध लोकशाही मार्गाने जन आंदोलन करेल, असा इशारा शिवसेनेचे जिल्हाप्रमुख चंद्रकांत जाधव यांनी सातारा जिल्हा प्रशासनाला एका निवेदनाद्वारे दिला.

निवेदनात म्हटले आहे की, सातारा जिल्ह्यामध्ये अनेक रस्त्यांची दुरुस्तीची व रुंदीकरणाची कामे सुरू आहेत. सर्वत्र रस्ते खोदाई करून अथवा भरावा करून भर पावसात कामे सुरू आहेत. कामे करत असताना केलेल्या खुदाईमुळे अथवा भरावा खचल्यामुळे रस्त्यांमध्ये मोठमोठे खड्डे निर्माण झाले आहेत. वाहनचालकांना त्या खड्डया चा वारंवार सामना करावा लागत आहे. खड्डयात वाहने आदळून अपघातांच्या घटनेत वाढ होऊ लागली आहे. रस्त्यावर पडलेले खड्डे वेळीस भरून घेण्याचे काम ठेकेदारांकडून होत नसल्यामुळे सोमवारी मेढानजीक जवळवाडी गावच्या हद्दीत दुचाकी पाण्याने भरलेल्या खड्डयात आपटून दुचाकीवरून तोल जाऊन रस्त्यावर पडल्याने पाठीमागून येणाऱ्या ट्रकखाली चिरडून भाग्यश्री गणेश जाधव या विवाहितेचा मृत्यू झाला आहे. अशाच प्रकारचे असंख्य अपघात जिल्ह्यात घडत आहेत.

या अपघाताच्या घटनांना संबंधित रस्त्यांचे ठेकेदार, त्यांचे व्यवस्थापन आणि बांधकाम विभागाचे अधिकारी आहेत. यांच्या निष्काळजीपणामुळेच अपघातात अनेक जणांचा मृत्यू होत आहे. अशा ठेकेदार व बांधकाम विभागाच्या अधिकाऱ्यांवर सदोष मनुष्यवधाचा गुन्हा दाखल करून जवळवाडी येथील अपघातात मृत्युमुखी पडलेल्या विवाहितेच्या कुटुंबीयांना आर्थिक नुकसान भरपाई द्यावी. तसे न झाल्यास शिवसेना ठेकेदार व बांधकाम विभागाच्या अधिकाऱ्यांविरोधात लोकशाही मार्गाने तीव्र आंदोलन छेडले असा इशारा देण्यात आला आहे.

जावली तालुक्यातील अवैद्य दारू विक्रेत्यांवर मोक्का अंतर्गत कारवाई करावी

गेली ११ वर्ष जावली तालुक्यात सुरु असलेली १३ दारू दुकाने महिलांनी व व्यसनमुक्ती संघटनांनी ऐतिहासिक पाऊल उचलून बंद केली होती.

4 hours before

एकावर पोस्को अंतर्गत गुन्हा

कराड जवळील एका गावात नऊ वर्षीय मुलीवर अत्याचार केल्याप्रकरणी एकावर पोस्को अंतर्गत गुन्हा दाखल करण्यात आला आहे.

4 hours before

तलावात बुडून युवकाचा मृत्यू

बामणवाडी (ता.कराड) येथे जांभळा नावच्या शिवारात असलेल्या कृषि विभागाच्या पाजर तलावात युवकाचा बुडून मृत्यू झाला.

4 hours before

सातार्‍यातून ट्रॅक्टर, दोन दुचाकी चोरी

सातारा शहर परिसरातून अज्ञात चोरट्यांनी तीन ठिकठिकाणाहून ट्रॅक्टर व दोन दुचाकी चोरुन नेला असून याप्रकरणी शहर पोलिस ठाण्यात तीन गुन्हे दाखल झाले आहेत.

4 hours before