RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

मिस्टर रामराजे, तुम्ही फलटणकरांचे चाकर आहात बारामतीकरांचे जोकर नाही!

10 June 2019 at 16:38

नगरसेवक अनुप शहांचा वि.प. चे सभापती मिस्टर रामराजेंना सवाल

फलटण  : निरा-देवधर चा पाणीप्रश्‍न पेटलेला असताना बारामतीकरांच्या तुकड्यावर जगणारे आणि स्वत:ला भगिरथ समजणारे विधान परिषदेचे सभापती मिस्टर रामराजे नाईक निंबाळकर ज्या फलटणकरांच्या जिवावर राजकारण करतात, त्याच फलटणकरांना आज वार्‍यावर सोडून शेपटी घालून गप्प बसलेले आहेत. त्यामुळे मिस्टर रामराजे तुम्ही फलटणकरांचे चाकर आहात बारामतीकरांचे जोकर नाही, याचे भान ठेवा, असा जळजळीत आरोप फलटण नगरपालिकेचे नगरसेवक अनुप शहा यांनी प्रसिद्धी पत्रकाद्वारे केला आहे.

विधान परिषदेचे सभापती मिस्टर रामराजे नाईक-निंबाळकर यांनी स्वत:चे पद वाचविण्यासाठी फलटणकरांचे हक्काचे पाणी बारामतीला विकून फलटणकरांच्या विश्‍वासाला तडा देण्याचे काम केले आहे. गेली अनेक वर्षे रामराजेंनी फलटण तालुक्यात व जिल्ह्यात राजकारण केले. परंतू गेली दोन दशके रामराजेंनी फलटणकरांना पाण्यापासून वंचित ठेवण्याचे पाप केले आहे. स्वत:ला भगिरथ ही उपाधी चिटकवून त्या खर्‍या भगिरथाचीही खर्‍या अर्थाने विटंबना केली आहे. फलटणमध्ये घराघरात भांडणे लावून यांनी राजकारण केले. गुंडपूंड आणि अवैध खासगी सावकारांना ताकद देवून त्यांना गब्बर केले. धोम-बलकवडीमध्ये वारेमाप 'घबाड' खाल्ले. तरीही यांना नियोजित वेळेत धोम-बलकवडीचे काम करता आले नाही. गेली अनेक वर्षे आदर्कीच्या माळावर पाणी सोडून यांनी मतांची भीक मागितली. परंतू फलटण तालुक्यातील जनता आता हुशार झाली आहे. रामराजेंच्या क्लृप्त्या, कुलंगड्या आता लोकांच्या लक्षात आल्या आहेत. निरा-देवधरचे फलटणच्या वाट्याचे पाणी शरद पवारांच्या आदेशानुसार रामराजेंनी बारामतीला वळवले. स्वत:च्या घरातील लोक भाकरीच्या तुकड्यासाठी मोताद असताना यांनी बारामतीकरांना खीर-बासुंदी खावू घातली व त्या बदल्यात स्वत:च्या पदरात पदांची भीक पाडून घेतली. 

सध्या माढा लोकसभा मतदारसंघाचे लोकप्रिय खासदार रणजितसिंह नाईक-निंबाळकर निरा-देवधरचे हक्काचे पाणी फलटण, माळशिरस तालुक्यांना मिळावे यासाठी जिवाचे रान करीत आहेत. असे असताना रामराजे मात्र आपले पद वाचविण्यासाठी शेपटी घालून बिळात लपले आहेत. मात्र, रणजितसिंह नाईक-निंबाळकरांनी बारामतीकरांना चितपट करुन फलटण, माळशिरसच्या हक्काचे पाणी मिळवलेले आहे. त्यामुळे फलटणकरांना ओरिजनल नाईक-निंबाळकर कोण आहे, हे कळून चुकले आहे. शेवटी जनाची नाहीतर मनाची लाज बाळगून सभापती मिस्टर रामराजेंनी फलटणकरांच्या बाजूने उभे राहावे, असा सल्लाही अनुप शहा यांनी प्रसिद्धी पत्रकात दिला आहे. मिस्टर रामराजे तुम्ही फलटणचे अधिपती असल्याचे भान ठेवावे, नाहीतर तुमचीही अधोगती झाल्याशिवाय राहणार नाही. गेली दोन दशके फलटणकर जनतेने तुम्हाला निवडून दिले, तुमच्यावर प्रेम केले त्यामुळे तुम्ही फलटणकरांचे चाकरच आहात, तुम्ही बारामतीकरांचे जोकर बनण्यापेक्षा फलटणच्या राजकारणातून संन्यास घ्या, असा सणसणीत टोला नगरसेवक शहा यांनी शेवटी प्रसिद्धी पत्रकात लगावला आहे.




Chor ram raje




पाणी कोणी नेहल कोणामुळे गेलं येचे मधी मोहिते पाटील यांचा ही हात आहे


वाहनांच्या बेशिस्त पार्किंगमुळे आरटीओ कार्यालयासमोरच वाहतुकीचे तीन तेरा

वाहनचालकांना वाहतुकीचे नियम शिकवणार्‍या उप प्रादेशिक परिवहन कार्यालय (आरटीओ) कार्यालयासमोरच रस्त्याच्या दुतर्फा होत असलेल्या बेकायदेशीर चारचाकी व दुचाकीच्या पार्किंगमुळे अजिंक्य हॉस्पिटल ते सैनिक स्कूल मार्गावर आरटीओ अधिकारी आणि एजंटांच्या संगनमताने

15 minutes before

जेसीबी पलटी होऊन झालेल्या अपघातात एकाचा मृत्यू

नलवडे (बिचुकले), ता. कोरेगाव येथील वाडगं तथा मोरदरा नावाच्या शेतशिवारातील जेसीबी पलटी होऊन झालेल्या अपघातात सामाजिक वनीकरण विभागाचा कंत्राटी कामगार जागीच ठार झाला.

2 hours before

फलटण येथील दत्त नगर येथे महिलेचा खून

दत्त नगर, चौधरवाडी ता. फलटण येथील हेमंत निंबाळकर यांच्या शेतातील घरात रहात असलेल्या महिलेचा अज्ञाताने खून केल्याची घटना घडली असून अरीफा रशीद शेख (वय ४८) असे मृत महिलेचे नाव आहे.

14 hours before

इथिओपियाचा फिक्रू अबेरा दादी प्रथम

ढगाळ वातावरण... यवतेश्वर घाटातील धबधबे ...रस्त्यावर आलेले ढग ... अशा आल्हाददायी वातावरणात आज सातारा हिल हाफ मॅरेथॉन स्पर्धा उत्साहात झाली. स्पर्धकांमुळे येवतेश्वर घाट फुलला होता. सातारकरांनी मार्गाच्या दुतर्फा उभे राहून टाळ्यांच्या गजरात धावपटूंचे

14 hours before