10:59pm | Nov 15, 2018 |
खंडाळा : महाराष्ट्रामध्ये भाजपचे सरकार येण्यास व सत्तांतर घडिवण्यास रिपाई कारणीभूत आहे. मागील लोकसभेमध्ये आरपीआयला जागा सोडून काय झाले याची माहिती संपूर्ण जिल्ह्याला आहे तरीही सत्तेमध्ये आल्यानंतर रिपाईला विशेषतः सातारा जिल्ह्याला सत्तेत वाटा देणे गरजेचे होते मात्र भाजप-शिवसेनेच्या दारात आल्यानंतरही गेल्या चार वर्षांपासून रिपाईला सत्तेपासून उपाशी ठेवले प्रशासनाच्या कोणत्याही विभागात रिपाईला जागा दिली नाही. त्यामुळे रिपाईच्या कार्यकर्त्यांमध्ये प्रचंड नाराजी आहे.
त्यामुळे रिपाईचा केवळ वापर करणाऱ्या भाजप -शिवसेनेने भविष्यात सत्तेपासून उपाशी राहण्याची तयारी ठेवावी.सत्ता नाही मिळाली तरी चालेल पण तुम्हालाही मिळू देणार नाही त्यासाठी आम्ही खंबीर आहोत. रिपाईची भूमिका महाराष्ट्रामध्ये काहीही असली तरी सातारा जिल्ह्यामध्ये भाजप-शिवसेनेबरोबर रिपाई सहभागी होणार नाही . त्याचप्रमाणे महायुतीच्या जागावाटपांमध्ये सातारच्या लोकसभेचा सात - बारा हा रिपाईचा असून याठिकाणी मागील निवडणुकीप्रमाणे रिपब्लिकन पार्टी ऑफ इंडियाच्यावतीने अध्यक्ष केंद्रीय मंत्री रामदास आठवले यांनी सातारामधून आगामी लोकसभा निवडणूक लढवावी संपूर्ण सातारा जिल्हा ताकदीनिशी उभा करू असे न झाल्यास महाराष्ट्रातील रिपाईच्या सर्व जिल्हाध्यक्षांना एकत्रित आणून भाजप-शिवसेनेच्याविरोधात महाराष्ट्रात वातावरण निर्माण करणार असल्याचा इशारा रिपब्लिकन पार्टी ऑफ इंडियाचे सातारा जिल्हाध्यक्ष अशोक गायकवाड यांनी दिला आहे.
शिरवळ ता.खंडाळा याठिकाणी रिपब्लिकन पार्टी ऑफ इंडियाच्या (आठवले गट )च्या नूतन शिरवळ कार्यकारिणी पदाधिकारी व नामफलक अनावरणप्रसंगी ते बोलत होते. याप्रसंगी जिल्हा उपाध्यक्ष गौतम कांबळे ,शिवाजी अवघडे , माजी सरपंच सविता कदम ,महादेव कदम, रमेश कडाळे, प्रीतम गायकवाड ,अजित गायकवाड, विजय येवले, नामदेव कांबळे,राजीव मारुडा , आप्पा काकडे, आप्पा तुपे, हरीश काकडे,आदित्य काकडे, शुक्राचार्य भिसे, आदित्य गायकवाड, राजेंद्र जगताप,सुरेश येवले आदी उपस्थित होते.
अशोक गायकवाड म्हणाले , पक्षशिस्त मोडणाऱ्या कार्यकर्त्यांना बाजूला सारून नवीन कार्यकर्त्यांना रिपाईमध्ये संधी दिली जात असून आगामी काळात येत्या आठ दिवसात रिपाईची बरखास्त केलेली कार्यकारिणीची नियुक्ती करण्यात येणार आहे. गाव तिथे शाखा हा उपक्रम हाती घेऊन निष्ठावान कार्यकर्त्यांना बरोबर घेऊन आगामी निवडणुकीमध्ये सर्व ताकदीनिशी उतरणार आहे. भारिप व एमआयएमच्या अभद्र युतीचा सातारा जिल्ह्यामध्ये कोणताही फरक पडणार नसून रिपाईचा कार्यकर्ता हा खंबीर आहे.
याप्रसंगी रिपब्लिकन पार्टी ऑफ इंडियाच्या शिरवळ अध्यक्षपदी संदेश कांबळे, कार्याध्यक्षपदी रुपेश कांबळे, उपाध्यक्षपदी जाकीर खान, सचिवपदी सलमान काझी, सहसचिवपदी राजू बागवान, चिटणीसपदी अक्षय आठवले, सरचिटणीसपदी तुषार खरात यांची तर खजिनदारपदी सौरभ कांबळे यांची नियुक्ती करण्यात आली. यावेळी गौतम कांबळे ,नामदेव कांबळे यांनी मनोगत व्यक्त केले. यावेळी जिल्हाध्यक्ष अशोक गायकवाड यांच्या हस्ते रिपाईच्या शिरवळ कार्यकारिणीची शाखेचे व नामफलकाचे उदघाटन करण्यात आले.
पक्षशिस्त मोडल्याने तालुकाध्यक्ष दादासाहेब कांबळे यांची पक्षातून हकालपट्टी
रिपाईला पक्षशिस्त आहे. मागील निवडणुकीच्या काळामध्ये पक्षाची भूमिका भाजप-शिवसेनेबरोबर असताना पक्षशिस्त मोडल्याने रिपाईचे तालुकाध्यक्ष दादासाहेब कांबळे यांनी पक्षशिस्त मोडत पक्षाच्या भूमिकेला कडाडून विरोध करीत दुसऱ्याच्या वळचणीला पक्ष बांधण्याचा प्रयत्न केला. त्यामुळे आमच्या उमेदवारांना कमी मताधिक्याने पराभव स्वीकारावा लागला त्यामुळे त्याचवेळेस पक्षशिस्त मोडल्याने रिपाईचे तालुकाध्यक्ष दादासाहेब कांबळे यांची पक्षातून हकालपट्टी करण्यात आली आहे. त्यामुळे पक्षशिस्त मोडणाऱ्या कार्यकर्त्यांना रिपाईमध्ये जागा नाही.
सातारा शहरातील तीन कॅफेंवर कारवाई; 9 जणांवर गुन्हे |
अल्पवयीन मुलीचे अपहरण |
महायुतीच्या रॅलीदरम्यान चोरट्यांची हाथ की सफाई |
सातारा पोलीस मुख्यालयात उपनिरीक्षकाला धमकी |
बिग बॉस फेम अभिजीत बिचुकले यांचा अर्ज दाखल |
महाविकास आघाडीच्या उमेदवाराचा पूर्ण ताकतीने प्रचार करणार |
माढयात अभय जगताप यांचे बंड शमले |
सातारा लोकसभा प्रबंधन समितीचे कार्य उत्कृष्ठ |
उदयनराजे भोसले यांची संपत्ती 251 कोटीची |
वादळी वाऱ्यात स्पीड बोट उलटून एकाचा मृत्यू |
निवडणूक स्थिर सर्वेक्षण पथकातील कर्मचाऱ्याला पोलिसाकडून मारहाण |
येणके येथील कुंभार वस्तीतील जल जीवन मिशनअंतर्गतचे काम प्रगतीपथावर |
निवडणुक निरिक्षक आर. अर्जुन व पोलिस निवडणुक निरिक्षक प्रदीप शर्मा यांचे जिल्ह्यात आगमन |
उदयनराजेंना विक्रमी मताधिक्याने निवडून आणण्यासाठी सर्वतोपरी प्रयत्न करणार |
श्री क्षेत्र निनाम येथील सासनकाठीला यात्रेत महत्वाचे स्थान |
महाविकास आघाडीच्या उमेदवाराचा पूर्ण ताकतीने प्रचार करणार |
माढयात अभय जगताप यांचे बंड शमले |
सातारा लोकसभा प्रबंधन समितीचे कार्य उत्कृष्ठ |
उदयनराजे भोसले यांची संपत्ती 251 कोटीची |
वादळी वाऱ्यात स्पीड बोट उलटून एकाचा मृत्यू |
निवडणूक स्थिर सर्वेक्षण पथकातील कर्मचाऱ्याला पोलिसाकडून मारहाण |
येणके येथील कुंभार वस्तीतील जल जीवन मिशनअंतर्गतचे काम प्रगतीपथावर |
निवडणुक निरिक्षक आर. अर्जुन व पोलिस निवडणुक निरिक्षक प्रदीप शर्मा यांचे जिल्ह्यात आगमन |
उदयनराजेंना विक्रमी मताधिक्याने निवडून आणण्यासाठी सर्वतोपरी प्रयत्न करणार |
श्री क्षेत्र निनाम येथील सासनकाठीला यात्रेत महत्वाचे स्थान |
मंदार कोल्हटकर, धिरज पाटील यांचे अपघाती निधन |
ट्रकच्या धडकेत दुचाकीस्वाराचा मृत्यू |
राजवाडा परिसरातून सव्वा लाखांच्या सोन्याच्या चैनची चोरी |
मारहाण प्रकरणी चौघांवर गुन्हा |
ट्रक चालकाला लुटल्याप्रकरणी तीन अज्ञातांवर गुन्हा |