11:28pm | Jun 19, 2019 |
कराड : लग्नाला चौदा वर्षे होवूनही मुल होत नसल्याच्या कारणावरून आणि चारित्र्याच्या संशयावरून पतीने पत्नीच्या पोटावर, गळ्यावर लाथाबुक्क्यांनी मारहाण करून खून केल्याची घटना बनवडी (ता.कराड) येथे मंगळवारी रात्री घडली. प्रतिभा उर्फ जयश्री जालिंदर वाघमारे (वय 34), असे मृत महिलेचे नाव आहे.
दरम्यान, खुनाच्या घटनेनंतर संशयीत जालिंदर उर्फ आबा प्रताप वाघमारे याने शहर पोलीस ठाण्यात हजर होऊन गुन्ह्याची कबुली पोलिसांकडे दिली. मृत प्रतिभाची मोठी बहिण राणी भंडारे यांनी शहर पोलीस ठाण्यात दिलेल्या फिर्यादीवरून पोलिसांनी संशयीतास अटक केली आहे.
पोलिसांनी दिलेली माहिती अशी, हेळगाव (ता. कराड) येथील प्रतिभा उर्फ जयश्री हिचा सन 2005 मध्ये बनवडी (ता. कराड) येथील जालिंदर उर्फ आबा वाघमारे याच्याशी विवाह झाला होता. बनवडी येथील गावठाणात हनुमान मंदीराजवळ हे दाम्पत्य रहात होते. लग्नाला 14 वर्षे झाली तरी त्यांना अपत्य नव्हते. त्यामुळे जालिंदर उर्फ आबा याला नैराश्य आले होते. या कारणावरून तसेच पत्नी प्रतिभा हिच्या चारित्र्याचा संशय घेवून 2018 पासून जालिंदर हा दारू पिऊन पत्नीला सतत मारहाण, शिवीगाळ करत होता. त्यावरून दोघांत वारंवार भांडणे होत होती.
मे 2018 मध्ये आजारी असताना प्रतिभा माहेरी हेळगावला गेल्यानंतर तिने हा प्रकार मोठी बहिण राणी भंडारे हिला सांगितला होता. तिच्यावर औषधोपचार केल्यानंतर राणी यांनी तिची तसेच तिचा पती जालिंदर या दोघांची समजूत काढून प्रतिभाला सासरी बनवडी येथे पाठवले होते. तरी अधूनमधून दोघांमध्ये भांडणे होत होती. मंगळवारी (दि. 18) रोजी दुपारी चुलत्यांच्या घरात जालिंदर दारू पित बसला होता. यावेळी दिवसा दारू पिऊ नका, असे म्हणत प्रतिभा ही जालिंदरला उलट-सुलट बोलली. त्यामुळे चिडलेल्या जालिंदरने तिला घरात जावुन हाताने व लाथाबुक्क्यांनी बेदम मारहाण केली. सायंकाळी सात वाजण्याच्या सुमारास दोघांत पुन्हा भांडण झाले.
त्यावेळीही जालिंदरने तिला बेदम मारहाण केली. मारहाणीमुळे ती जमिनीवर कोसळली. त्यानंतरही तूला जिवंत ठेवत नाही असे म्हणत जालिंदरने तिच्या पोटावर व गळ्यावर लाथाबुक्क्यांनी मारहाण केली. यावेळी तिच्या कपाळावर जखम होवून त्यामधून रक्तस्त्राव सुरू झाला. तिची हालचाल व श्वास थांबल्यानंतर तिचा मृत्यू झाल्याची जालिंदरची खात्री झाली. त्यानंतर तो तात्काळ शहर पोलीस ठाण्यात स्वत:हून हजर झाला आणि त्याने पोलिसांना घडलेल्या गुन्ह्याची कबुली दिली.
याप्रकरणी मृत प्रतिभा हिची मोठी बहिण राणी भंडारे यांनी शहर पोलीस ठाण्यात दिलेल्या फिर्यादीवरून पोलिसांनी संशयीत जालिंदर उर्फ आबा वाघमारे यास पत्नीच्या खूनप्रकरणी अटक केली. दरम्यान, या घटनेची माहिती मिळताच मंगळवारी रात्री स्थानिक नागरिकांनी हनुमान मंदीर परिसरात गर्दी केली होती. शहर पोलिसांनी घटनास्थळाचा पंचनामा केल्यानंतर प्रतिभाचा मृतदेह शवविच्छेदनासाठी कराड येथील वेणूताई चव्हाण उपजिल्हा रूग्णालयात पाठवण्यात आला. पोलीस उपअधीक्षक नवनाथ ढवळे, वरिष्ठ पोलीस निरीक्षक सर्जेराव गायकवाड यांनी घटनास्थळी भेट देवून पोलिसांना तपासाबाबत सूचना दिल्या. पोलीस उपनिरीक्षक मछले तपास करत आहेत.
विरोधकांच्या रडीच्या डावाला जनता भुलणार नाही |
महायुतीचे आज सातार्यात जोरदार शक्ती प्रदर्शन |
सातारा जिल्ह्यात राम लल्लाच्या गजराने रामनवमी साजरी |
उदयनराजे यांच्या शक्तीप्रदर्शनासाठी आमदार शिवेंद्रसिंहराजे सज्ज |
सातारा जिल्ह्यात रामनवमी उत्साहात साजरी |
उष्माघातावरील उपचारासाठी सर्व शासकीय रुग्णालयांमध्ये कक्ष स्थापन |
आदर्श आचारसंहितेच्या काटेकोरपणे अंमलबजावणीस सर्वोच्च प्राधान्य : जिल्हाधिकारी डुडी |
श्रीराम नवमी निमित्त राम ध्यान मंदिरात अर्पित कथक नृत्यलयाचा कार्यक्रम |
निवृत्तीवेतनधारक/कुटुंबनिवृत्तीवेतन धारकांना आवाहन |
विविध मोबाईल अॅपच्या माध्यमातून मतदारांना सोई- सुविधा |
45- सातारा लोकसभेसाठी 6 नामनिर्देशनपत्र दाखल |
जिल्हाधिकारी कार्यालयाबाहेरुन सव्वादोन तोळ्याच्या चैनची चोरी |
महिलेला मारहाण केल्याप्रकरणी एकावर गुन्हा |
बॉम्बे रेस्टॉरंट परिसरात आढळला बेवारस मृतदेह |
लोखंडी रॉडने मारहाण केल्याप्रकरणी तिघांवर गुन्हा |
उष्माघातावरील उपचारासाठी सर्व शासकीय रुग्णालयांमध्ये कक्ष स्थापन |
आदर्श आचारसंहितेच्या काटेकोरपणे अंमलबजावणीस सर्वोच्च प्राधान्य : जिल्हाधिकारी डुडी |
श्रीराम नवमी निमित्त राम ध्यान मंदिरात अर्पित कथक नृत्यलयाचा कार्यक्रम |
निवृत्तीवेतनधारक/कुटुंबनिवृत्तीवेतन धारकांना आवाहन |
विविध मोबाईल अॅपच्या माध्यमातून मतदारांना सोई- सुविधा |
45- सातारा लोकसभेसाठी 6 नामनिर्देशनपत्र दाखल |
जिल्हाधिकारी कार्यालयाबाहेरुन सव्वादोन तोळ्याच्या चैनची चोरी |
महिलेला मारहाण केल्याप्रकरणी एकावर गुन्हा |
बॉम्बे रेस्टॉरंट परिसरात आढळला बेवारस मृतदेह |
लोखंडी रॉडने मारहाण केल्याप्रकरणी तिघांवर गुन्हा |
भाजप कार्यालयात उदयनराजे यांचे स्वागत |
माझ्यावरील आरोप हा राजकीय षडयंत्राचा भाग |
देशात समान नागरी कायदा लागू करण्यासाठी भाजप वचनबद्ध |
जिल्ह्यात cVIGIL (सी व्हिजील) वर 27, तर वोटर हेल्पलाईनवर 74 तक्रारी प्राप्त |
दिव्यांग व्यक्तिंसाठी मतदान केद्रांवर आवश्यक सोयी : याशनी नागराजन |