RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

मांडवे दरोड्यातील संशयित जेरबंद; पाऊण लाखाचा मुद्देमाल हस्तगत

09 June 2019 at 16:41

जिल्हा पोलीस प्रमुख तेजस्वी सातपुते यांची पत्रकार परिषदेत माहिती

सातारा : मांडवे, ता. खटाव येथे 2 जून रोजी पडलेल्या दरोड्यातील तिघा संशयितांना जेरबंद करण्यात स्थानिक गुन्हे शाखेला यश आले असून या दरोड्यातील सुमारे पाऊण लाखांचा मुद्देमालही हस्तगत करण्यात सातारा पोलीसांना यश आले असल्याची माहिती जिल्हा पोलीस प्रमुख तेजस्वी सातपुते यांनी पत्रकार परिषदेत दिली आहे.

आज शिवतेज हॉलमध्ये झालेल्या पत्रकार परिषदेत तेजस्वी सातपुते म्हणाल्या, दि. 2 जून 2019 रोजी मांडवे, ता. खटाव येथे मध्यरात्रीच्या सुमारास पाच अनोळखी दरोडेखोरांनी बर्गे यांच्या घरात घुसून सुरा व लोखंडी रॉडच्या सहाय्याने मारहाण करीत धाडसी दरोडा टाकला होता. तसेच 14 फेब्रुवारी रोजी सिद्धेश्‍वर कुरोली, ता. खटाव येथील जाधववस्तीवर मध्यरात्री दरोडा टाकला होता. या दरोड्यामध्ये 39 हजार 500 रुपये किंमतीच्या सोन्याच्या दागिन्यांची चोरी झाली होती. याप्रकरणी वडूज पोलीस ठाण्यात गुन्हा दाखल करण्यात आला होता. मांडवे येथील दरोड्याचा तपास करीत असताना अभिलेखावरील गुन्हेगारांनी हे दोन्ही दरोडे टाकल्याचे निष्पन्न झाले होते. त्या अनुषंगाने स्थानिक गुन्हे शाखेने अभिलेखावरील गुन्हेगार करण वरिसर्‍या काळे, त्याचा साथीदार ऋतुराज भावज्या शिंदे रा. काटकरवाडी, ता. खटाव व एका अल्पवयीन आरोपीला ताब्यात घेतले. यावेळी या तिघांनी नागेश सदाशिव भोसले रा. करपडी, ता. कर्जत, जि. अहमदनगर हाही या दरोड्यामध्ये सहभागी असल्याची माहिती दिली. त्यानुसार सातारा पोलीसांनी नागेश भोसले यालाही ताब्यात घेतले. वरील संशयित आरोपींनी दोन्ही दरोड्यांची कबुली दिलेली आहे. खटाव तालुक्यातील मांडवे व सिद्धेश्‍वर कुरोली दरोड्यातील सुमारे 84 हजार 500 रुपये किंमतीचा मुद्देमालही पोलिसांनी हस्तगत केल्याची माहिती पोलीस अधीक्षक तेजस्वी सातपुते यांनी पत्रकार परिषदेत बोलताना दिली.

या प्रकरणाचा तपास जिल्हा पोलीस अधीक्षक तेजस्वी सातपुते यांच्या मार्गदर्शनाखाली स्थानिक गुन्हे शाखेचे पोलीस निरीक्षक विजय कुंभार, पो. उप निरीक्षक प्रसन्न जर्‍हाड, सागर गवसणे, स. फौ. विलास नागे, सुधीर बनकर, आनंदराज भोईटे, संतोष पवार, विजय कांबळे, शरद बेर्ले, प्रविण फडतरे, मारुती अडागळे, करिष्मा नवगणे तसेच वडूज पोलीस ठाण्याचे सहाय्यक पोलीस निरीक्षक विशाल घोडके यांनी केला.

नंदगिरी महाराजांवर दाखल केलेल्या खोट्या गुन्ह्याचा सोळशी ग्रामस्थांकडून निषेध

सोळशी, ता. कोरेगाव येथील शनी देवस्थानच्या नंदगिरी महाराजांवर सोळशी येथील काही लोकांनी विनयभंगाचा खोटा गुन्हा दाखल केला होता. नंदगिरी महाराज गेल्या अनेक वर्षांपासून सोळशी येथील शनी देवस्थानमध्ये लोकांची सेवा करीत आहेत. अशा व्यक्तीवर पूर्वग्रहदूषित

7 minutes before

श्री शिवाजी विद्यालयात स्व.पी.डी. पाटील यांची पुण्यतिथी साजरी

येथील श्री शिवाजी विद्यालयात स्व.पी.डी.पाटील यांचा 11 वा पुण्यस्मरण दिन विविध उपक्रमांनी साजरा करण्यात आला.

13 hours before

मलकापूरच्या मतदार यादीत बोगस नावे

मतदार यादी पुनर्निरीक्षण कार्यक्रमादरम्यान कराड दक्षिण विधानसभा मतदार संघातील मलकापूर शहरात मतदार यादीमध्ये ऑनलाईन दाखल अर्जांची पडताळणी न करता बोगस नावांचा समावेश झाला आहे. बीएलओंकडून पडताळणी व प्रत्यक्ष कागदपत्रांची तपासणी न झालेली

13 hours before

असंघटीत कामगार मेळावा हा कष्टकर्‍यांना बळ देणारा : सुदर्शन पाटसकर

युवा विकास प्रतिष्ठान कराड व भाजपा युवा मोर्चा तर्फे असंघटीत कामगार मेळाव्याचे आयोजन बाबुभाई पद्मसी शहा हॉल विठ्ठल चौक कराड येथे नुकतेच करण्यात आले. सदर मेळाव्यास मोहन जाधव संचालक पुणे म्हाडा हे प्रमुख अतिथी म्हणून उपस्थिती होते.

13 hours before