कर्वे समाज सेवा संस्था येथे मानसिक आरोग्यावरील केंद्र चालविले जाते तसेच येथे मानसिक आरोग्यावर अभ्यासक्रम देखील चालविण्यात येतो.

सध्या कोरोना च्या पार्श्वभूमीवर समाजातील मानसिक विकार वाढीस लागले आहेत. याचा विचार करुन संस्थेचे विश्वस्त मधुकर पाठक व विश्वस्त संदीप खर्डेकर यांनी प्रभारी संचालक डॉ महेश ठाकूर, केंद्राचे समन्वयक प्रा. चेतन दिवाण, व अन्य प्राध्यपकांशी चर्चा केली व सामाजिक बांधीलकीच्या जाणीवेतून ऑनलाईन समुपदेशन केंद्र चालविण्याचा निर्धार केला आहे, ह्या संदर्भात हेल्पलाईन देखील, राज्य सरकार च्या माध्यमातून सुरु केली आहे.

या आठवड्यात दोन ज्येष्ठांनी कोरोना च्या भीतीने आत्महत्या केल्याचे निदर्शनास आले असून अनेक नागरिक भीतीच्या सावटाखाली वावरत आहेत. एकटेपणा, अफवांचे पीक आणि अपुऱ्या माहितीमुळे नैराश्य आणि भयगंड वाढत असून अश्या नागरिकांना आधाराची गरज असल्याचे लक्षात आले असे संस्थेचे विश्वस्त संदीप खर्डेकर यांनी सांगितले.

यासाठी कर्वे संस्थेचे मानसोपचारतज्ञ मोबाईल वरुन किंवा ऑनलाईन माध्यमातून  समुपदेशन करणार असून नागरिकांनी त्याचा लाभ घ्यावा असे आवाहन ही संस्थेतर्फे करण्यात आले आहे.

यासाठी नागरिकांनी खालील क्रमांकावर संपर्क करावा किंवा इ मेल केल्यास त्यांना संपर्क करण्यात येइल. संपर्क करणाऱ्यांचे नाव गुप्त ठेवले जाईल असे ही समन्वयक चेतन दिवाण यांनी स्पष्ट केले आहे.

या कसौटीच्या काळात सामाजिक बांधीलकीच्या जाणीवेतून कर्वे समाज सेवा संस्था अनेक उपक्रम राबवत असून डॉ. महेश ठाकूर, प्रसाद कोल्हटकर, वैजिनाथ बिराजदार, बालाजी तेलकर व सचिव शिवकुमार मदिराला यांच्या समितीच्या माध्यमातून सम्राट अशोक विद्यालय कर्वेनगर व*अनुसुयाताई खिलारे शाळेत पुणे मनपा ने सुरु केलेल्या निवारा केंद्रातील गरजूंना रोज चहा नाश्ता व दोन वेळ चे जेवण देण्यात येते आहे, असे संस्थेचे विश्वस्त मधुकर पाठक यांनी स्पष्ट केले आहे.

मानसिक आरोग्यविषयक केंद्राचे 

समुपदेशक व त्यांचा संपर्क क्रमांक खालीलप्रमाणे - 

कर्वे समाज सेवा संस्था. 

१) प्रा. चेतन दिवाण, Mob- 9850328350

२) डॉ. संजय कुमावत, Mob-09821066077

3) डॉ. प्रवीण पारगावकर, Mob- 09604552698

4) डॉ.  कल्याणी तळवेलकर, Mob-09820714876

5) डॉ. स्नेहा मुलचंदानी, Mob- 09881687454

हे समुपदेशनासाठी उपलब्ध असणार आहेत. तसेच खालील मेल आय डी वर ही संपर्क करता येइल ...

kinsspune.pgdcmh@gmail.com

संदीप खर्डेकर

विश्वस्त - कर्वे समाज सेवा संस्था.

मो - ९८५०९९९९९५

kinsspune.pgdcmh@gmail.com