RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

माजी आ. दिलीप येळगांवकरांनी महाराष्ट्रातील जनतेची नाक घासून माफी मागावी

09 October 2018 at 18:24

श्रीमंत कोकाटे : भाजपने येळगावकरांची तत्काळ हकालपट्टी करण्याची मागणी

सातारा : राष्ट्रपुरुष छत्रपती शिवाजी महाराज, राजमाता जिजाऊ यांची बदनामी करणार्‍या नालायक जेम्स लेनचे प्रकरण क्षुल्लक आहे, असे काल झालेल्या पत्रकार परिषदेत वक्तव्य करणार्‍या माजी आ. डॉ. दिलीप येळगावकर यांचा शेलक्या भाषेत समाचार घेत संभाजी ब्रिगेडचे श्रीमंत कोकाटे यांनी डॉ. येळगावकर यांची भाजपमधून हकालपट्टी करावी तसेच डॉ. येळगावकरांनी संपूर्ण महाराष्ट्रातील जनतेची नाक घासून माफी मागावी, अशी मागणी श्रीमंत कोकाटे यांनी पत्रकार परिषदेत केली.

काल दि. 8 रोजी माजी आ. तथा भाजप नेते डॉ. दिलीप येळगावकर यांनी पत्रकार परिषद घेवून सातार्‍याचे खासदार श्री. छ. उदयनराजे भोसले यांनी राष्ट्रवादीतून बाहेर पडून भाजपमधून निवडणूक लढवावी, असे आवाहन केले होते. ज्या राष्ट्रवादी कॉंग्रेसने खा. उदयनराजेंना झुलवत ठेवले आहे, अशा पक्षात उदयनराजेंनी थांबू नये. खा. उदयनराजे स्वाभिमानी आहेत. ते भाजपमध्ये आल्यास त्यांचा सन्मान केला जाईल, असे आवाहन केले होते. तसेच जेम्स लेनबाबत बोलताना पंतप्रधान अटलबिहारी वाजपेयी यांनी विचारांची लढाई विचारांनी होईल, असे सांगितले होते. मात्र अशा क्षुल्लक कारणावरुन उदयनराजेंनी भाजपचा राजीनामा दिला. मात्र जेम्स लेन प्रकरणाचे मी समर्थन करीत नाही. उदयनराजेंना राजीनामा न देताही संबंधित पुस्तकावर बंदी आणता आली असती. इतर मार्गाचा अवलंबही करता आला असता, असे वक्तव्य डॉ. येळगावकर यांनी काल केले होते. आज या वक्तव्याचा संभाजी ब्रिगेडचे श्रीमंत कोकाटे यांनी पत्रकार परिषदेत समाचार घेतला. ज्या जेम्स लेनने राजमाता जिजाऊ, छत्रपती शिवाजी महाराज यांची बदनामी केली, त्या जेम्स लेनचे प्रकरण क्षुल्लक, असे वक्तव्य करणार्‍या डॉ. येळगावकर यांचा आम्ही निषेध करतो. त्यांनी शिवतीर्थावरील शिवाजी महाराजांच्या पुतळ्यासमोर येवून नाक घासून महाराष्ट्रातील समस्त जनतेची माफी मागावी. तसेच भाजपचे प्रदेशाध्यक्ष रावसाहेब दानवे यांनी डॉ. येळगावकर यांची भाजपमधून हकालपट्टी करावी, अशी मागणी केली.

कारंडवाडीत आकडा टाकून घरफोडी

कारंडवाडी ता.सातारा येथे अज्ञात चोरट्यांनी घरातील उघड्या खिडकीतून आकडा टाकून पर्स लांबवली. या पर्समध्ये सोन्याचे गंठण होते.

7 hours before

उधारी मागितल्याने बियरची बाटली डोक्यात फोडली

पानपट्टीची उधारी मागितल्याने चिडून जावून पानटपरी चालकाच्या डोक्यात बियरची बाटली डोक्यात फोडून मारहाण करण्यात आली. ही घटना एमआयडीसी येथे घडली असून याप्रकरणी तिघांवर शहर पोलिस ठाण्यात गुन्हा दाखल झाला आहे.

7 hours before

विवाहितेच्या आत्महत्येप्रकरणी दोघांवर गुन्हा

सौ.धनश्री उमेश टकले (वय 41, रा.रविवार पेठ, सातारा) या विवाहितेला आत्महत्येस प्रवृत्त केल्याप्रकरणी तिचा पती उमेश दत्तात्रय टकले व सासू विमल दत्तात्रय टकले (दोघे रा.शनिवार पेठ, सातारा) यांच्यावर शहर पोलिस ठाण्यात गुन्हा दाखल झाला आहे.

7 hours before

सुशांत अणवेकर यांची सायकल मोहिम आदर्शवत : आ. शिवेंद्रसिंहराजे

सुशांत अणवेकर यांनी दुर्गसंवर्धन आणि निसर्गसंवर्धनाबाबत जनजागृती करण्यासाठी सायकलवरुन ट्रान्स सह्याद्री ही 3 हजार किलोमीटर पेक्षाही जास्त अंतर प्रवासाची मोहिम हाती घेतली असून त्यांची ही सायकल मोहिम आदर्शवत आहे, असे गौरवोद्गार आ. श्रीमंत छ. शिवेंद्र

7 hours before