RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

मुख्यमंत्र्यांच्या उपस्थितीत रणजितसिंह नाईक-निंबाळकर यांचा भाजपात प्रवेश

25 March 2019 at 23:50

मुंबई : सातारा जिल्हा कॉंग्रेस कमिटीचे अध्यक्ष तथा कृष्णा खोरे महामंडळाचे माजी उपाध्यक्ष रणजितसिंह नाईक-निंबाळकर यांनी आज मुंबई येथे संध्याकाळी भाजपात जाहीर प्रवेश केला. यावेळी राज्याचे मुख्यमंत्री देवेंद्र फडणवीस यांनी भाजपचा झेंडा हातात देत रणजितसिंह नाईक-निंबाळकर यांचे भाजपमध्ये स्वागत केले. यावेळी फलटण तालुक्यातील नाईक-निंबाळकर गटाचे शेकडो कार्यकर्ते उपस्थित होते.

सुमारे चार दिवसांपूर्वी सातारा जिल्हा कॉंग्रेस कमिटीचे अध्यक्ष तथा कृष्णा खोरे महामंडळाचे माजी उपाध्यक्ष रणजितसिंह नाईक-निंबाळकर जिल्हा कॉंग्रेस अध्यक्षपदाचा तसेच कॉंग्रेस सदस्यत्वाचा राजीनामा देत भारतीय जनता पक्षामध्ये प्रवेश करणार असल्याचे सूतोवाच केले होते. त्यामुळे जिल्ह्यातील राजकीय क्षेत्रात खळबळ उडाली होती. आधीच फुटीच्या उंबरठ्यावर असलेल्या कॉंग्रेस पक्षातील रणजितसिंह नाईक-निंबाळकर यांनी भाजपात प्रवेश केल्यामुळे जिल्हा कॉंग्रेस खिळखिळी झाली आहे. माजी मुख्यमंत्री पृथ्वीराज चव्हाण व आ. जयकुमार गोरे सोडल्यास एकही दखलपात्र चेहरा कॉंग्रेसमध्ये नाही. कॉंग्रेसचे माजी आमदार विलासराव उंडाळकर यांचे सध्या तळ्यात-मळ्यात आहे. माजी आ. मदन भोसले यांच्याबरोबरच रणजितसिंह नाईक-निंबाळकर यांनी भाजपात प्रवेश केल्यामुळे भाजपचे जिल्ह्यात वजन वाढलेले आहे. दरम्यान, माढ्यातून लोकसभेसाठी रणजितसिंह नाईक-निंबाळकर यांचे नाव आघाडीवर असल्यामुळे नुकतेच भाजपात डेरेदाखल झालेल्या रणजितसिंह मोहिते-पाटील यांची मात्र गोची झाली आहे. 

आज संध्याकाळी मुंबई येथील नरीमन पॉंईंट येथे झालेल्या पक्ष प्रवेश समारंभात राज्याचे मुख्यमंत्री देवेंद्र फडणवीस, भाजपचे प्रदेशाध्यक्ष रावसाहेब दानवे-पाटील, महसूल मंत्री चंद्रकांत पाटील, मंत्री गिरीष महाजन, मंत्री विनोद तावडे, विजयराव देशमुख, सदाभाऊ खोत, प्रशांत परिचारक, रणजितसिंह मोहिते-पाटील यांच्यासह सातारा जिल्हा भाजपातील पदाधिकार्‍यांसह फलटण व माढा मतदारसंघातील शेकडो कार्यकर्ते उपस्थित होते.

धक्कादायक !

केंद्रीय मंत्री रामदास आठवले माझे वडील असून 34-35 वर्षांपूर्वी ते घर सोडून गेले होते. ते माझे वडील आहेत, अशा प्रकारची पोस्ट उत्तर प्रदेशातील संत कबीर नगर येथील राजकुमार या युवकाने फेसबुकवर टाकल्यामुळे एकच खळबळ उडाली आहे.

yesterday

‘वंचित आघाडीचं बटण दाबलं तरी कमळालाच मतदान ; जिल्हाधिकाऱ्यांनी सील केल्या मशीन

वंचित बहुजन आघाडीचे प्रकाश आंबेडकर यांनी ईव्हीएमबाबत माध्यमांसमोर गंभीर आरोप केला आहे. वंचित बहुजन आघाडीच्या चिन्हासमोरील बटण दाबले तरी मतदान कमळालाच होत असल्याचा आरोप त्यांनी केला.

18 April 2019 at 17:12

बीडमध्ये माझ्या नावाचा वापर करून मतदारांची दिशाभूल केली जातेय : खा. उदयनराजे भोसले

बीड लोकसभा मतदारसंघात खासदार उदयनराजे भोसले यांच्या नावाचा वापर करत प्रितम मुंडे यांना पाठींबा देणारे बॅनर लावले आहे. यावर उदयनराजे भोसले यांनी स्पष्ट शब्दात नाराजी व्यक्त केली आहे.

18 April 2019 at 03:06