RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

सांगली गर्भपात प्रकरणातील संशयीताचा मृत्यू

17 October 2018 at 01:29

सांगलीतील शासकीय रूग्णालयात सुरू होते उपचार

कराड : सांगलीतील गर्भपात प्रकरणी दाखल असलेल्या गुन्ह्यात तांबवे (ता. कराड) येथील एकास अटक करण्यात आली होती. न्यायालयीन कोठडीत रवानगी झाल्यानंतर त्याची प्रकृती बिघडली. त्याच्यावर सांगलीतील शासकीय रूग्णालयात उपचार सुरू असताना मंगळवारी सकाळी त्याचा मृत्यू झाला. सुजीत दिलीप  कुंभार (वय 29), असे त्याचे नाव आहे. या घटनेमुळे तांबवे गावावर शोककळा पसरली आहे. 

याबाबतची माहिती अशी, सांगलीमधील दोन डॉक्टरांना गर्भपातप्रकरणी अटक करण्यात आली होती. डॉक्टरांना गर्भपाताच्या गोळ्या पुरविल्याच्या आरोपावरून तांबवे (ता. कराड) येथील सुजित कुंभार यास दि. 22 सप्टेंबर रोजी अटक करण्यात आली होती. तो औषध कंपनीचा प्रतिनिधी (एम. आर.) म्हणून नोकरी करत होता. दरम्यान, या गुन्ह्यात न्यायालयाने त्याला तीन दिवस पोलीस कोठडी सुनावली होती. पोलीस कोठडीची मुदत संपल्यानंतर त्यास न्यायालयीन कोठडी देण्यात आली. त्यानंतर दुसर्‍याच दिवशी त्याची प्रकृती बिघडली. त्यास रक्ताच्या उलट्या होऊ लागल्या. पोट फुगायला लागले. त्यामुळे आठ दिवसांपूर्वी त्याला सांगली शासकीय रूग्णालयात उपचारासाठी दाखल करण्यात आले होते. उपचार सुरू असताना मंगळवारी सकाळी त्याचा मृत्यू झाला. या घटनेमुळे सांगली पोलीस दलात खळबळ उडाली. मंगळवारी रात्री कार्यकारी दंडाधिकार्‍यांच्या उपस्थितीत शवविच्छेदन करण्यात आले. 

गर्भपात प्रकरणात 14 दिवसांच्या न्यायालयीन कोठडीची मुदत बुधवारी (दि. 17) संपणार होती. त्यामुळे उद्या (बुधवारी) सुजितचा जामीन अर्ज न्यायालयात दाखल केला जाणार होता. मात्र, तत्पूर्वीच त्याचा मृत्यू झाल्याने त्याच्या कुटुंबियांना जबर धक्का बसला आहे. सुजित हा विवाहित होता. त्याच्या पश्चात आई-वडील, पत्नी, लहान मुलगी, चुलते, असा परिवार आहे.

 

जावली तालुक्यातील अवैद्य दारू विक्रेत्यांवर मोक्का अंतर्गत कारवाई करावी

गेली ११ वर्ष जावली तालुक्यात सुरु असलेली १३ दारू दुकाने महिलांनी व व्यसनमुक्ती संघटनांनी ऐतिहासिक पाऊल उचलून बंद केली होती.

5 hours before

एकावर पोस्को अंतर्गत गुन्हा

कराड जवळील एका गावात नऊ वर्षीय मुलीवर अत्याचार केल्याप्रकरणी एकावर पोस्को अंतर्गत गुन्हा दाखल करण्यात आला आहे.

5 hours before

तलावात बुडून युवकाचा मृत्यू

बामणवाडी (ता.कराड) येथे जांभळा नावच्या शिवारात असलेल्या कृषि विभागाच्या पाजर तलावात युवकाचा बुडून मृत्यू झाला.

5 hours before

सातार्‍यातून ट्रॅक्टर, दोन दुचाकी चोरी

सातारा शहर परिसरातून अज्ञात चोरट्यांनी तीन ठिकठिकाणाहून ट्रॅक्टर व दोन दुचाकी चोरुन नेला असून याप्रकरणी शहर पोलिस ठाण्यात तीन गुन्हे दाखल झाले आहेत.

5 hours before