RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

मुनावळे येथे सराईत गुन्हेगारांचा राडा

15 May 2019 at 16:27

लोखंडी रॉडसह लाकडी दांडक्याने मारहाण; तिघे जखमी, सहा जणांवर गुन्हा

कराड : गाडीतील टेप लावून नाचता असल्याच्या कारणावरून चिडून जाऊन सराईत गुन्हेगारांनी राडा केला. चार चाकीसह दुचाकी वाहनांची तोडफोड करत लोखंडी गज, हॉकी स्टिक व लाकडी दांडक्याने केलेल्या मारहाणीत तिघे जण जखमी झाले असून एकाची प्रकृती चिंताजनक आहे. याप्रकरणी सहा जणांवर पोलिसांमध्ये गुन्हा दाखल करण्यात आला आहे. सोमवार दि. 13 रोजी रात्री ही घटना घडली. 

दत्ता कोळेकर (रा. मुनावळे, ता. कराड) व सचिन घाडगे (रा. कालेटेक, ता कराड) यांच्यासह इतर चार जणांवर (नावे समजू शकली नाहीत) कराड तालुका पोलिसात गुन्हा दाखल करण्यात आला आहे. तर त्यांनी केलेल्या मारहाणीत रोहित कमलाकर यादव हा गंभीर जखमी झाला असून त्याचा भाऊ योगेंद्र कमलाकर यादव (वय 27, रा. नारायणवाडी, ता. कराड) व आणखी एक जण जखमी झाले आहेत. 

याबाबत पोलिसांनी सांगितले की, योगेंद्र व रोहित यांचे मुंबई व कराड येथील मित्र मुनावळे गावच्या हद्दीतील दरेनावाच्या शिवारात जेवण करण्यासाठी गेले होते. यावेळी त्यांनी चारचाकी वाहनातील टेप लावला होता व भोवती त्यांचे मित्र नाचत होते. दरम्यान, रात्री साडेदहा वाजण्याच्या सुमारास हे सर्व जण मित्र जेवण करीत असताना दत्ता कोळेकर व सचिन घाडगे यांच्यासह आणखी अनोळखी चौघेजण तेथे आले. त्यांनी 'एवढ्या रात्री टेपचा आवाज कशाला मोठा केला आहे. तुम्हाला आता जिवंत ठेवणार नाही,' असे म्हणून लोखंडी रॉड, लाकडी दांडके व हॉकी स्टिकने रोहित यादव व योगेंद्र यादव यांच्यासह त्यांच्या मित्रांना जबर मारहाण केली. यामध्ये तिघे जण जखमी झाले असून असून रोहित यादव हा गंभीर आहे. त्यानंतर संशयीतांनी तेथील चार चाकी व दोन चाकी वाहनांची ही तोडफोड करून ते सर्वजण तिथून पळून गेले. 

दरम्यान, संशयितांनी केलेल्या मारहाणीत रोहित यादव याच्या डोक्याला गंभीर दुखापत झाल्याने त्याला योगेंद्रसह त्याच्या मित्रांनी कराड येथील कृष्णा रुग्णालयात उपचारासाठी दाखल केले. तेथे त्याच्यावर अतिदक्षता विभागात उपचार सुरू आहेत. योगेंद्र यादव यांनी दिलेल्या फिर्यादीवरून दत्ता कोळेकर व सचिन घाडगे यांच्यासह आणखी चौघांवर पोलिसात गुन्हा दाखल करण्यात आला आहे. पोलीस उपनिरीक्षक विजया वंजारी अधिक तपास करीत आहेत.

दरम्यान, दत्ता कोळेकर हा सराईत गुन्हेगार असून त्याच्यावर कराड शहर तसेच इतर पोलिस ठाण्यामध्ये विविध प्रकारचे गुन्हे दाखल आहेत. कराड तालुका पोलिसांना याची माहिती मिळताच पोलिसांनी घटनास्थळी धाव घेतली. त्यांनी संशयितांचा शोध घेतला असता ते पळून गेले. दरम्यान, पोलिसांनी संशयितांना मदत करणाऱ्या दोघांना मध्यरात्री चौकशीसाठी ताब्यात घेतले आहे

वाहनांच्या बेशिस्त पार्किंगमुळे आरटीओ कार्यालयासमोरच वाहतुकीचे तीन तेरा

वाहनचालकांना वाहतुकीचे नियम शिकवणार्‍या उप प्रादेशिक परिवहन कार्यालय (आरटीओ) कार्यालयासमोरच रस्त्याच्या दुतर्फा होत असलेल्या बेकायदेशीर चारचाकी व दुचाकीच्या पार्किंगमुळे अजिंक्य हॉस्पिटल ते सैनिक स्कूल मार्गावर आरटीओ अधिकारी आणि एजंटांच्या संगनमताने

1 hour before

जेसीबी पलटी होऊन झालेल्या अपघातात एकाचा मृत्यू

नलवडे (बिचुकले), ता. कोरेगाव येथील वाडगं तथा मोरदरा नावाच्या शेतशिवारातील जेसीबी पलटी होऊन झालेल्या अपघातात सामाजिक वनीकरण विभागाचा कंत्राटी कामगार जागीच ठार झाला.

3 hours before

फलटण येथील दत्त नगर येथे महिलेचा खून

दत्त नगर, चौधरवाडी ता. फलटण येथील हेमंत निंबाळकर यांच्या शेतातील घरात रहात असलेल्या महिलेचा अज्ञाताने खून केल्याची घटना घडली असून अरीफा रशीद शेख (वय ४८) असे मृत महिलेचे नाव आहे.

14 hours before

इथिओपियाचा फिक्रू अबेरा दादी प्रथम

ढगाळ वातावरण... यवतेश्वर घाटातील धबधबे ...रस्त्यावर आलेले ढग ... अशा आल्हाददायी वातावरणात आज सातारा हिल हाफ मॅरेथॉन स्पर्धा उत्साहात झाली. स्पर्धकांमुळे येवतेश्वर घाट फुलला होता. सातारकरांनी मार्गाच्या दुतर्फा उभे राहून टाळ्यांच्या गजरात धावपटूंचे

15 hours before