RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

सोनगाव येथे दरोडा; आई व मुलाला मारहाण

12 July 2019 at 02:56

सातारा : सातारा तालुक्यातील सोनगाव येथे गुरुवारी मध्यरात्री तीन ठिकाणी सात जणांच्या टोळक्याने कोयता, लाकडी दांडक्याच्या सहाय्याने धुडगूस घालत दरोडा टाकला. एका घटनेत आई व मुलाला दरोडेखोरांनी मारहाण केली असून हजारो रुपयांचा मुद्देमाल दरोडेखोरांनी चोरून नेला. सातारा शहरालगत ही घटना घडल्याने नागरिकांमध्ये भीतीचे वातावरण निर्माण झाले आहे.

अर्चना नारायण शिंदे (वय 50, रा.सोनगाव) यांनी सातारा शहर पोलिस ठाण्यात तक्रार दिली आहे. याबाबत पोलिसांनी दिलेली माहिती अशी, गुरुवारी रात्री नेहमीप्रमाण शिंदे कुटुंबीय झोपी गेले होते. मध्यरात्री दीड वाजता अर्चना शिंदे यांना जाग आल्यानंतर घरातील दरवाजे उघडे असल्याचे लक्षात आले. झोपेतून उठून दरवाजा लावण्यासाठी गेल्या असता खिडकी बाहेर सात जण बोलत थांबल्याचे त्यांना दिसले. या घटनेने त्या घाबरल्या त्याच क्षणी दरोडेखोरांनी त्यांना पाहिले. संशियत आरोपींनी महिलेच्या गळ्याला धारदार कोयता लावून मंगळसूत्र जबरदस्तीने चोरले. आरडाओरडा झाल्यानंतर या घटनेने शिंदे यांचा मुलगा प्रतीक याला जाग आली. त्याने दरोडेखोरांना प्रतिकार करण्याचा प्रयत्न केल्यानंतर दरोडेखोरांनी त्यालाही मारहाण केली. या सर्व प्रकारामुळे परिसरातील इतर ग्रामस्थ जागे झाले.

परिसरातील इतर घरांमध्ये लाईटी लागू लागल्यानंतर दरोडेखोर घाबरले. त्यांनी तेथून पोबारा केला. शिंदे कुटुंबियांनी घडलेल्या घटनेची माहिती शेजार्‍यांना दिल्यानंतर खळबळ उडाली. ग्रामस्थांनी घडलेल्या घटनेबाबत पोलिसांना माहिती दिल्यानंतर त्यांनी घटनास्थळी धाव घेतली. तोपर्यंत संशयित दरोडेखोरांनी सूरज अरुण शिंदे व विलास पांडूरंग शिंदे यांची बंद घरे फोडून त्यातून साखरेचे पोते, रोख रक्कम चोरी केली असल्याचे पुढे आले. पोलिसांनी वरिष्ठ पोलिस अधिकार्‍यांना घटनेची माहिती दिल्यानंतर त्यांनी श्‍वान पथक, ठसे तज्ञ घटनास्थळी पाठवले. 

जावली तालुक्यातील अवैद्य दारू विक्रेत्यांवर मोक्का अंतर्गत कारवाई करावी

गेली ११ वर्ष जावली तालुक्यात सुरु असलेली १३ दारू दुकाने महिलांनी व व्यसनमुक्ती संघटनांनी ऐतिहासिक पाऊल उचलून बंद केली होती.

3 hours before

एकावर पोस्को अंतर्गत गुन्हा

कराड जवळील एका गावात नऊ वर्षीय मुलीवर अत्याचार केल्याप्रकरणी एकावर पोस्को अंतर्गत गुन्हा दाखल करण्यात आला आहे.

4 hours before

तलावात बुडून युवकाचा मृत्यू

बामणवाडी (ता.कराड) येथे जांभळा नावच्या शिवारात असलेल्या कृषि विभागाच्या पाजर तलावात युवकाचा बुडून मृत्यू झाला.

4 hours before

सातार्‍यातून ट्रॅक्टर, दोन दुचाकी चोरी

सातारा शहर परिसरातून अज्ञात चोरट्यांनी तीन ठिकठिकाणाहून ट्रॅक्टर व दोन दुचाकी चोरुन नेला असून याप्रकरणी शहर पोलिस ठाण्यात तीन गुन्हे दाखल झाले आहेत.

4 hours before