RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

आनेवाडी टोलनाक्यावरील गुंडांवर मोक्कान्वये कारवाई करण्याची मागणी

14 May 2019 at 18:39

सातारा : आनेवाडी, ता. जावली येथील सातारा पुणे महामार्गावरील टोलनाक्यावर टोल व्यवस्थापनाने सातारा जिल्ह्यातील गंभीर गुन्हे दाखल असलेल्या गुन्हेगारांची टोलवसुलीसाठी नियुक्ती केल्यामुळे टोलनाक्यावर कायदा व सुव्यवस्थेचा गंभीर प्रश्‍न निर्माण झाला आहे. दोन दिवसांपूर्वी टोलनाक्यावर गुंडांनी टोल देण्याच्या कारणावरुन सातार्‍यातील एका सुशिक्षित युवकाला बेदम मारहाण केली होती. त्या अनुषंगाने संकल्प इंजिनिअरिंग सांस्कृतिक सेवाभावी संस्थेच्या वतीने पोलीस अधीक्षक सातारा यांना निवेदन देवून टोलनाक्यावरील गुंडांवर मोक्कान्वये कारवाई करण्याची मागणी केली आहे.

दि. 12 मे रोजी सातारा येथील एक सुशिक्षित युवक जोशी विहिर, ता. वाई येथे लग्नकार्यासाठी निघाले होते. त्यांची गाडी आनेवाडी टोलनाक्यावर आल्यानंतर टोल देण्याच्या कारणावरुन टोल नाक्यावर कार्यरत असलेला स्थानिक व्यवस्थापक विशाल पिसाळ याने या युवकांना टोल भरण्याची सक्ती केली. यावेळी या युवकांनी आम्ही स्थानिक आहोत, त्यामुळे आम्ही का टोल देवू? अशी विचारणा केल्यामुळे टोल नाक्यावरील गुंड व सातार्‍यातील युवकांमध्ये बाचाबाची झाली. प्रकरण हातघाईवर आल्यानंतर टोलनाक्यावरील सुमारे दहा-पंधरा युवकांनी गाडीतील एका युवकाला अर्वाच्च भाषेत शिवीगाळ करीत बेदम मारहाण केली. या मारहाणीत सातार्‍यातील तो तरुण गंभीर जखमी झाला. या प्रकरणी भुईंज पोलीस ठाण्यात टोलनाक्यावरील गुंडांवर गुन्हा दाखल करण्यात आला आहे. परंतू आनेवाडी टोलनाक्यावरील गुंड क्षुल्लक कारणावरुन वाहनधारकांना बेदम मारहाण करीत कायदा हातात घेत असतात. आनेवाडी टोलनाक्यावरील गुंडगिरीमुळे सातार्‍याचे नाव राज्यभरात बदनाम झाले आहे. त्यामुळे टोलनाक्यावरील अशा गुंडांची चारित्र्यपडताळणी करुन दोषी गुंडांवर मोक्कान्वये कारवाई करण्याची मागणी संकल्प इंजिनिअरिंग सांस्कृतिक सेवाभावी संस्थेच्या वतीने संस्थापक-अध्यक्ष चिन्मय कुलकर्णी यांनी सातारा पोलीस अधीक्षक श्रीमती तेजस्वी सातपुते यांच्याकडे निवेदनाद्वारे केली आहे.



जगन्नाथ आंब्रुळकर

मागणी योग्य आहे माझ्या बाबतीत ही असा प्रकार घडला होता



वाहनांच्या बेशिस्त पार्किंगमुळे आरटीओ कार्यालयासमोरच वाहतुकीचे तीन तेरा

वाहनचालकांना वाहतुकीचे नियम शिकवणार्‍या उप प्रादेशिक परिवहन कार्यालय (आरटीओ) कार्यालयासमोरच रस्त्याच्या दुतर्फा होत असलेल्या बेकायदेशीर चारचाकी व दुचाकीच्या पार्किंगमुळे अजिंक्य हॉस्पिटल ते सैनिक स्कूल मार्गावर आरटीओ अधिकारी आणि एजंटांच्या संगनमताने

27 minutes before

जेसीबी पलटी होऊन झालेल्या अपघातात एकाचा मृत्यू

नलवडे (बिचुकले), ता. कोरेगाव येथील वाडगं तथा मोरदरा नावाच्या शेतशिवारातील जेसीबी पलटी होऊन झालेल्या अपघातात सामाजिक वनीकरण विभागाचा कंत्राटी कामगार जागीच ठार झाला.

2 hours before

फलटण येथील दत्त नगर येथे महिलेचा खून

दत्त नगर, चौधरवाडी ता. फलटण येथील हेमंत निंबाळकर यांच्या शेतातील घरात रहात असलेल्या महिलेचा अज्ञाताने खून केल्याची घटना घडली असून अरीफा रशीद शेख (वय ४८) असे मृत महिलेचे नाव आहे.

14 hours before

इथिओपियाचा फिक्रू अबेरा दादी प्रथम

ढगाळ वातावरण... यवतेश्वर घाटातील धबधबे ...रस्त्यावर आलेले ढग ... अशा आल्हाददायी वातावरणात आज सातारा हिल हाफ मॅरेथॉन स्पर्धा उत्साहात झाली. स्पर्धकांमुळे येवतेश्वर घाट फुलला होता. सातारकरांनी मार्गाच्या दुतर्फा उभे राहून टाळ्यांच्या गजरात धावपटूंचे

14 hours before