RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

माझ्या भरवश्यावर राहू नका, स्वबळावर निवडणूक जिंका : नरेंद्र मोदी

05 August 2019 at 03:47

नवी दिल्ली : २०२४ च्या लोकसभा निवडणुकीच्या कामाला आत्ताच लागा. स्वत:च्या बळावर निवडून येता येईल असं काम करा. मोदींच्या नावावर निवडून येऊ या भ्रमात राह नका. माझ्या भरवश्यावर राहू नका, अशा शब्दांत पंतप्रधान नरेंद्र मोदी यांनी भाजपच्या अभ्यासवर्गाला जमलेल्या खासदारांची शाळा घेतली.

भाजपच्या दोन दिवसीय अभ्यासवर्गाची सांगता करताना पंतप्रधान नरेंद्र मोदी यांनी खासदारांचा वर्ग घेतल्याचे सुत्रांनी सांगितले. स्वत:च्या हिंमतीवर निवडून येण्याचा कानमंत्र देताना माझ्या भरवश्यावर जिंकलो हा अहंकार मनात येऊ देऊ नका. प्रत्येकाच्या विजयात इतरांचाही वाटा असतो. त्यामुळे कार्यकर्ते तसेच मतदारांकडे दुर्लक्ष न करण्याचे आवाहनही त्यांनी केले.

खासदारांना खडे बोल सुनावताना मोदी म्हणाले, विचार करून बोला. बोलण्यापासून ते तुमच्या जीवनशैलीपर्यंत प्रत्येक गोष्टीची काळजी घ्या. विमानतळावर जाता तेव्हा प्रोटोकॉल न पाळता रांगेत उभे राहत नाही. लोक बोलत नसले तरी त्यांना तुमचे वागणे आवडलेले नसते. रांगेत उभे राहिले तर बिघडते कुठे? असा प्रश्नही त्यांनी उपस्थित केला. आश्वासने जी पूर्ण करता येतील अशीच द्या आणि मतदारसंघावर लक्ष द्या, अशी सूचनाही त्यांनी केली. त्याचबरोबर आरोग्याची काळजी घ्या, कुटुंबाला वेळ द्या, मुले काय करतात याकडेही लक्ष देण्याचा सल्ला मोदींनी या खासदारांना दिला.


माजी केंद्रीय अर्थमंत्री, ज्येष्ठ भाजप नेते अरुण जेटली यांचे निधन

माजी केंद्रीय अर्थमंत्री, भाजपचे ज्येष्ठ नेते, प्रसिद्ध वकील अरुण जेटली यांचे आज प्रदीर्घ आजारानं निधन झालं. ते ६६ वर्षांचे होते. दिल्लीतील एम्स रुग्णालयात त्यांनी अखेरचा श्वास घेतला. जेटली यांच्या निधनाने अत्यंत अभ्यासू आणि उत्कृष्ट संसदपटूला देश

yesterday

अखेर चिदंबरम अटकेत

आयएनएक्स मीडिया गैरव्यवहार प्रकरणात माजी केंद्रीय अर्थमंत्री आणि काँग्रेसचे ज्येष्ठ नेते पी. चिदंबरम यांना अखेर बुधवारी दिवसभराच्या नाट्यपूर्ण घडामोडींनंतर रात्री दहा वाजता सीबीआयने अटक केली. अटक टाळण्यासाठी चिदंबरम यांनी दिवसभर प्रयत्न केले.

22 August 2019 at 14:18