RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

हरविंदरला सुवर्ण; मोनूला रौप्य

11 October 2018 at 18:43

जकार्ता : नेमबाज हरविंदर सिंगने शानदार कामगिरी करत येथे सुरू असलेल्या  एशियन पॅरा गेम्समध्ये सुवर्णपदकाची कमाई केली. त्याने हे पदक पुरुष वैयक्‍तिक रिकर्व प्रकारात पटकावले. तर, ट्रॅक अँड फिल्ड प्रकारात भारताला एक रौप्य आणि एक कांस्यपदक मिळाले. 

हरविंदर सिंगने पुरुष वैयक्‍तिक रिकर्वमधील डब्ल्यू 2 एसटी प्रकारातील अंतिम सामन्यात चीनच्या झाओ लिश्यू याचा 6-0 असा एकतर्फी धुव्वा उडवत सुवर्णपदक आपल्या नावे केले. याबरोबरच त्याने देशाच्या सुवर्णपदकांची संख्या सातवर पोहोचवली. डब्ल्यू 2 हा एक असा गट असतो की, या गटातील खेळाडूंचे पक्षाघाताने अथवा अन्य कारणाने गुडघ्याच्या खाली दोन्ही पाय सक्षम नसतात. यामुळे ते धड उभेही राहू शकत नाहीत. यासाठी त्यांना व्हिलचेअरची मदत घ्यावी लागते. तर एसटी गटात तीरंदाजीत मर्यादित दिव्यांगता असते आणि असे खेळाडू व्हिचेअरविनाही निशाणा लावू शकतात. 

दरम्यान, ट्रॅक अँड फिल्ड गटात भारताच्या खात्यात बुधवारी एक रौप्य आणि एक कास्य अशा दोन पदकांची भर पडली. मोनू घंगास याने थालीफेकीतील एफ 11 मध्ये रौप्यपदक पटकावले. त्याने तिसर्‍या प्रयत्नात 35.89 मीटर अंतरावर थाली फेकली. तर इराणच्या ओलाद माहदीने 42.37 मीटर या विक्रमी अंतराची नोंद करून सुवर्णपदक पटकावले. 

मोहम्मद यासिरने 14.22 मीटर गोळा फेकून कांस्यपदक पटकावले. या प्रकारातील सुवर्ण चीनच्या वेई एनलाँग (15.67 मीटर) तर, कझाकस्तानच्या मानसुरवायेव राविल (14.66 मीटर) याने रौप्यपदक पटकावले. भारताच्या मोहम्मदचे रौप्यपदक 44 सेंटिमीटरने हुकले.