RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

ग्रामसेविकेस शिवीगाळ करणाऱ्या आरोपींना अटक न केल्याप्रकरणी ग्रामसेवक संघटनेचे ठिय्या आंदोलन

04 September 2018 at 00:50

कोरेगाव : आसरे, ता. कोरेगाव या पुनर्वसित गावच्या महिला ग्रामसेविकेस शिवीगाळ, दमदाटी दिल्याप्रकरणी कोरेगाव पोलीस स्टेशनला तक्रार देवूनही संबंधित आरोपींना अटक होत नाही आणि त्यांच्यावर कायदेशीर कारवाई होत नाही, तोपर्यंत आसरे ग्रामपंचायतीच्या कामकाजावर बहिष्कार टाकण्याचा निर्णय कोरेगाव तालुक्यासह जिल्हा ग्रामसेवक संघटनेने घेतला. आसरे गावच्या महिला ग्रामसेविकेस झालेल्या दमदाटीचा, शिवीगाळीचा निषेध करण्यासाठी जिल्हा ग्रामसेवक संघटनेने कोरेगाव पंचायत समिती कार्यालयासमोर ठिय्या आंदोलन केले.

याबाबत अधिक माहिती अशी की 29 ऑगस्ट 2018 रोजी आसरे गावच्या ग्रामसभेत संघर्ष झाला होता. या पार्श्‍वभूमीवर आसरे गावच्या महिला ग्रामसेविका कल्याणी लोहार या आपल्या कार्यालयीन कामकाजाची माहिती देण्यासाठी कोरेगाव पंचायत समिती येथे आल्या होत्या. कार्यालयीन कामकाज संपूवन ग्रामसेविका सायंकाळी 5.30 वाजता पंचायत समितीतून घरी जाण्यासाठी निघाल्या. त्यावेळी पंचायत समितीच्या गेट समोर आसरे गावचे ग्रामपंचायत सदस्य रुपेश सपकाळ आणि त्यांच्या समवेत आलेले उदय चव्हाण, सुरेश इंगळे या आसरे गावच्या ग्रामस्थांनी ग्रामसेविका कल्याणी लोहार यांना दमदाटी केली तसेच शिवीगाळ केली. याबाबतची तक्रार कोरेगाव पोलीस स्टेशनला ग्रामसेवक संघटनेच्या माध्यमातून समक्ष जावून कल्याणी लोहार यांनी तक्रार दाखल केली.

कोरेगाव पोलीस स्टेशनला तक्रार दाखल होवूनही याप्रकरणी आरोपींना अटक करण्यात आलेली नाही, आरोपी सुरेश सपकाळ, उदय चव्हाण, सुरेश इंगळे यांच्यावर अद्याप कोरेगाव पोलिसांनी कायदेशीर कारवाई केलेली नाही. याचा निषेध करण्यासाठी कोरेगाव सहित सातारा जिल्हा ग्रामसेवक संघटना रस्त्यावर उतरली. त्यांनी या घटनेचा निषेध केला. त्याचबरोबर सोमवार दि. 3 सप्टेंबर रोजी सकाळी 10 ते 12 यावेळेत आरोपींना अटक होवून त्यांच्यावर कायदेशीर कारवाई करावी, या मागणीसाठी कोरेगाव पंचायत समितीसमोर धरणे धरले. संबंधितांवर कायदेशीर कारवाई झाल्याशिवाय एकही ग्रामसेवक आसरे ग्रामपंचायतीचे कामकाज करणार नाही, असा एकमुखी निर्णय जिल्हा ग्रामसेवक संघटनेच्यावतीने कोरेगाव पंचायतीसमोर केलेल्या धरणे आंदोलनात जाहीर करण्यात आला. यावेळी जिल्हा ग्रामसेवक संघटनेच्या पदाधिकार्‍यांसोबत कोरेगाव पंचायत समितीचे विस्तार अधिकारी घारे, जगताप, जाधव, निकाळजे, लिपिक संघटनेचे गायकवाड, संघटनेचे जिल्हा कोषाध्यक्ष धनंजय सस्ते, सारिका पवार यांसह कोरेगाव तालुक्यातील सर्व ग्रामसेवक उपस्थित होते.

 

जावली तालुक्यातील अवैद्य दारू विक्रेत्यांवर मोक्का अंतर्गत कारवाई करावी

गेली ११ वर्ष जावली तालुक्यात सुरु असलेली १३ दारू दुकाने महिलांनी व व्यसनमुक्ती संघटनांनी ऐतिहासिक पाऊल उचलून बंद केली होती.

4 hours before

एकावर पोस्को अंतर्गत गुन्हा

कराड जवळील एका गावात नऊ वर्षीय मुलीवर अत्याचार केल्याप्रकरणी एकावर पोस्को अंतर्गत गुन्हा दाखल करण्यात आला आहे.

4 hours before

तलावात बुडून युवकाचा मृत्यू

बामणवाडी (ता.कराड) येथे जांभळा नावच्या शिवारात असलेल्या कृषि विभागाच्या पाजर तलावात युवकाचा बुडून मृत्यू झाला.

4 hours before

सातार्‍यातून ट्रॅक्टर, दोन दुचाकी चोरी

सातारा शहर परिसरातून अज्ञात चोरट्यांनी तीन ठिकठिकाणाहून ट्रॅक्टर व दोन दुचाकी चोरुन नेला असून याप्रकरणी शहर पोलिस ठाण्यात तीन गुन्हे दाखल झाले आहेत.

4 hours before