09:03pm | Nov 13, 2022 |
सातारा : कराड शहर परिसरात मॉर्निंग वॉकला जाणाऱ्या ज्येष्ठ नागरिकांना लुटणारी दुक्कल सक्रिय झाली होती. त्यांना जेरबंद करून तसेच त्यांच्याकडे दोन गुन्हे उघड करून तीन लाख दहा हजार रुपयांचा मुद्देमाल हस्तगत करण्यात कराड शहर पोलिसांना यश आले आहे.
अनिकेत राहुल वाडेकर राहणार सोमवार पेठ कराड आणि नागेश तायप्पा गायकवाड मंगळवार पेठ कराड अशी दोघा संशयितांची नावे आहेत.
याबाबत पोलिसांनी दिलेली माहिती अशी, दिनांक 15 ऑक्टोबर 2022 रोजी कल्याणी मारुती मंदिर ते चावडी जाणाऱ्या रस्त्यावर मॉर्निंग वॉकला जाणाऱ्या एका ज्येष्ठ नागरिकास रस्त्यात खाली पाडून त्याच्या गळ्यातील सोन्याची चेन हिसडा मारून जबरी चोरी झाली होती. या घटनेत दोन अनोळखी इसमांवर कराड शहर पोलीस ठाण्यात गुन्हा नोंद करण्यात आला होता.
ही घटना पहाटे पाच वाजण्याच्या सुमारास घडली होती. झालेला प्रकार उघडकीस आणणे पोलिसांसमोर आव्हान होते. पोलिसांनी संशयितांचे सीसीटीव्ही फुटेज प्राप्त केले. परंतु त्यामध्ये संशयितांनी चेहरा झाकण्याची आणि ओळख पटणार नसल्याची पूर्ण काळजी घेतली होती. त्यावरून त्यांची ओळख पटवणे आव्हानात्मक होते. परंतु गुन्ह्यात वापरलेल्या मोटर सायकलच्या वर्णनावरून गाडीचा शोध सुरू होता. आरोपींनी गुन्हा करतेवेळी वापरलेली मोटरसायकल रविवार पेठ, सोमवार पेठ, कृष्णा घाट परिसरात फिरत असल्याचीही माहिती मिळाली होती. या माहितीवर आधारित तपास करून संबंधित दोन्ही आरोपींना मोटरसायकल सह 9 नोव्हेंबर रोजी अटक केली होती.
पोलीस कस्टडी दरम्यान आरोपींकडे अधिक चौकशी केली असता त्यांनी कराड शहरातील रविवार पेठ येथील जैन मंदिरासमोर दुसरा एक गुन्हा केल्याचे कबूल केले. या गुन्ह्याचे तपासी अधिकारी पोलीस उपनिरीक्षक राजू डांगे यांनी आरोपींकडे कौशल्यपूर्वक तपास करून दोन्ही गुन्ह्यातील चोरीस गेलेल्या साडेचार तोळे वजनाच्या सोन्याच्या चैनी तसेच गुन्हा करताना वापरलेली मोपेड मोटरसायकल असा एकूण 3 लाख 10 हजार रुपये किमतीचा मुद्देमाल हस्तगत केला आहे. अधिक तपास पोलीस उपनिरीक्षक राजू डांगे करीत आहेत.
ही कामगिरी पोलीस अधीक्षक समीर शेख, अपर पोलीस अधीक्षक बापू बांगर, कराडचे उपविभागीय पोलीस अधिकारी डॉ. रणजीत पाटील, वरिष्ठ पोलीस निरीक्षक बी. आर. पाटील यांच्या मार्गदर्शनाखाली सपोनि अमित बाबर, पोलीस उपनिरीक्षक राजू डांगे, सहाय्यक फौजदार सतीश जाधव, रघुवीर देसाई, नितीन येळवे, जयसिंग राजगे, संजय जाधव, प्रफुल्ल गाडे, आनंदा जाधव, महेश शिंदे, संतोष लोहार, रईस सय्यद, सोनाली मोहिते यांनी केली आहे.
पोलिसांकडून आवाहन
पोलिसांनी आवाहन केले आहे की, मॉर्निंग वॉक करता बाहेर पडणाऱ्या इसमांनी मौल्यवान दागिने वापरू नयेत तसेच स्वतःचा चेहरा लपवणारे मोटर सायकलस्वार आजूबाजूला फिरत असल्यास योग्य ती सावधगिरी बाळगावी. कोणताही अनुचित प्रकार घडल्यास तात्काळ पोलीस ठाण्याशी संपर्क साधावा.
पंतप्रधान मोदी यांची सभा म्हणजे उदयनराजे यांच्या विजयाची नांदी |
वाट कशाची पाहता? कामाला लागा |
साताऱ्यात आरटीई प्रवेशासाठी पालकांचा कमी प्रतिसाद |
अफवांवर नाही, हवामान खात्यावर विश्वास ठेवा : हवामान खात्याचे प्रमुख सुनील कांबळे |
घोटाळेबाजांशी कायम लढत राहणार उदयनराजे गरजले |
साताऱ्यातील सुप्रसिद्ध डॉ. रविंद्र हर्षे यांचे दुःखद निधन |
भाजप देशाचे भविष्य तर काँग्रेस भूतकाळ उदयनराजे भोसले यांचा टोला |
कृष्णाबाई यात्रा महोत्सवाचा पालखी मिरवणुकीने शुभारंभ |
गंभीर गुन्हे करणार्या चौघांच्या टोळीला तडीपारीचा दणका |
बेकायदा दारु विक्रीप्रकरणी एकावर कारवाई |
आदेशाचे उल्लंघन केल्याप्रकरणी पाचजणांवर गुन्हा |
अपघातात जखमी केल्याप्रकरणी दुचाकी चालकावर गुन्हा |
वेगवेगळ्या घटनांमध्ये दोनजणी बेपत्ता |
सातारा शहरातील लल्लन टोळीवर मोक्का कारवाई |
कृष्णा खोरे महामंडळामुळे दुष्काळी भागात पाणी : उदयनराजे भोसले |
साताऱ्यातील सुप्रसिद्ध डॉ. रविंद्र हर्षे यांचे दुःखद निधन |
भाजप देशाचे भविष्य तर काँग्रेस भूतकाळ उदयनराजे भोसले यांचा टोला |
कृष्णाबाई यात्रा महोत्सवाचा पालखी मिरवणुकीने शुभारंभ |
गंभीर गुन्हे करणार्या चौघांच्या टोळीला तडीपारीचा दणका |
बेकायदा दारु विक्रीप्रकरणी एकावर कारवाई |
आदेशाचे उल्लंघन केल्याप्रकरणी पाचजणांवर गुन्हा |
अपघातात जखमी केल्याप्रकरणी दुचाकी चालकावर गुन्हा |
वेगवेगळ्या घटनांमध्ये दोनजणी बेपत्ता |
सातारा शहरातील लल्लन टोळीवर मोक्का कारवाई |
कृष्णा खोरे महामंडळामुळे दुष्काळी भागात पाणी : उदयनराजे भोसले |
लोकसभा निवडणुकीच्या मतदानाची वेळ वाढवून मिळावी |
सूर्योदयाच्या मुहूर्तावर हनुमान जन्मोत्सव साजरा |
सणबूरच्या यात्रेत कुस्तीच्या फडात आग्या मोहोळाचा हल्ला |
उदयनराजेंच्या पत्नी दमयंतीराजेंचा काँग्रेसवर गंभीर आरोप |
वाई, जावळी तालुक्यात अवकाळी पाऊस |