हैदराबाद : रक्तदाबामध्ये सातत्याने चढ-उतार होत असल्याने सुपरस्टार रजनीकांत यांची प्रकृती अचानक बिघडली आहे. खबरदारी म्हणून त्यांना हैद्राबादमधील अपोलो रूग्णालयात उपचार सुरू आहेत. 
30 डिसेंबर रोजी आपल्या राजकीय पक्षाची घोषणा करणार असलेल्या सुपरस्टार यांच्या या चित्रपटाचं चित्रीकरण नुकतंच रोखण्यात आलं होतं. या चिटपटाच्या सेटवरील सहा सदस्य नुकतेच कोरोनाबाधित आढळले होते. यानंतर रजनीकांत यांनी स्वत:ला क्वॉरन्टाईन केलं होतं.
कोरोनाच्या पार्श्वभूमीवर लागू झालेल्या लॉकडाऊनमुळे ‘अन्नाथे’चं चित्रीकरण जवळपास नऊ महिन्यांसाठी थांबवण्यात आलं होतं. यानंतर 14 डिसेंबरपासून हैदराबादमधील रामोजी फिल्म सिटीमध्ये चित्रीकरणाला पुन्हा सुरुवात झाली होती. दरम्यान ‘अन्नाथे’ या चित्रपटाचं दिग्दर्शन सिरुथई सिवा करत आहेत. या चित्रपटात रजनीकांत यांच्यासह नयनतारा आणि किर्ती सुरेश महत्त्वाच्या भूमिका दिसणार आहेत.