नवी दिल्ली: 1 जानेवारीपासून टोलनाक्यावर फास्टॅग अनिवार्य करण्याची घोषणा केंद्र सरकारने केल्यामुळे वाहनचालक मोठ्या संकटात सापडले होते. परंतू आता केंद्र सरकारने फास्टॅग लावण्याची मुदत 15 फेब्रुवारी 2021 पर्यंत वाढविण्याचा निर्णय जाहीर केला आहे. त्यामुळे वाहनचालकांना दिलासा मिळाला आहे. 
मिळालेल्या माहितीनुसार, आता वाहनचालकांना 15 फेब्रुवारीपर्यंत आपल्या वाहनांमध्ये फास्टॅग लावता येईल. केंद्र सरकारने टोलनाक्यावर टोल वसुली सोपी आणि सुरक्षित बनवण्यासोबतच वाहतूक कोंडीतून मुक्तता करण्यासाठी चार चाकी वाहनांनासाठी 1 जानेवारीपासून फास्टॅग अनिवार्य केले होते. पण, वाहन चालकांना फास्टॅग मिळण्यात येणार्‍या अडचणी पाहता केंद्र सरकारने 15 फेब्रुवारीपर्यंत मुदत वाढवली आहे.