सातारा : पीफआय संघटनेच्या कार्यकर्त्यांनी पाकिस्तान जिंदाबाद सारख्या दिलेल्या घोषणांचा आज सातारा येथे शिवसैनिकांनी आंदोलन करून निषेध केला.
आज सकाळी शासकीय विश्रामगृह येथे युवा सेनेच्या सातारा जिल्ह्यातील प्रमुख पदाधिकाऱ्यांची युवा सेनेचे विभागीय सचिव अविनाश बलकवडे, शिवसेनेचे जिल्हाप्रमुख सचिन मोहिते यांच्या उपस्थितीत आढावा बैठक झाली. या बैठकीमध्ये युवासेना संघटना बांधणीवर भर देण्याबाबत प्रदीर्घ चर्चा करण्यात आली. या बैठकीनंतर सर्व शिवसैनिक पोवई नाका येथे जमा झाले. छत्रपती शिवाजी महाराज यांच्या पुतळ्याला अभिवादन करून कार्यकर्त्यांनी पीफआय संघटनेच्या कार्यकर्त्यांनी दिलेल्या पाकिस्तान जिंदाबाद यासारख्या घोषणांचा तीव्र शब्दात निषेध केला. यावेळी माऊली पिसाळ, महेश शिर्के, अजय सावंत, सागर धोत्रे, अक्षय जमदाडे, बाळासाहेब भिसे, सागर रायते, राहुल गुजर उपस्थित होते.