04:40pm | Dec 09, 2022 |
सातारा : छत्रपती शिवाजी महाराज यांचे तेरावे वंशज आणि सातारा लोकसभा मतदारसंघाचे भाजपा खा.श्री. छ. उदयनराजे भोसले यांनी पंतप्रधान नरेंद्र मोदी यांची दिल्ली येथे भेट घेऊन महाराष्ट्राचे राज्यपाल भगतसिंह कोश्वारी यांच्यावर कारवाई करण्याची मागणी केली.
खा. श्री. छ. उदयनराजे भोसले यांनी शुक्रवारी दिल्ली येथे पंतप्रधान नरेंद्र मोदी यांची भेट घेतली. भाजप खासदारांसह नरेंद्र मोदी यांच्या समवेत बैठक झाल्यानंतर त्यांनी प्रसिद्धी माध्यमांशी संवाद साधला. ते पुढे म्हणाले, छत्रपती शिवाजी महाराज यांच्याबद्दल प्रत्येकाने विचारपूर्वक विधान करावे. शिवराय हे केवळ महाराष्ट्राचीच नव्हे तर देशाची अस्मिता आहे. देशात जसे राष्ट्रपती हे पद मोठे असते तसेच राज्यात राज्यपाल हे पद फार मोठे असते. सध्या भगतसिंह कोश्वारी हे महाराष्ट्राच्या राज्यपाल पदावर कार्यरत आहेत. त्यांनी शिवरायांबद्दल अशा प्रकारचे विधान करणे अपमानास्पद आहे. त्यामुळे यावर लवकरात लवकर तोडगा निघणे गरजेचे आहे.
ते पुढे म्हणाले, दि.२३ नोव्हेंबर रोजी देशाचे पंतप्रधान नरेंद्र मोदी केंद्रीय गृहमंत्री अमित शहा आणि राष्ट्रपती द्रोपदी मुर्मू यांना महाराष्ट्रात छत्रपती शिवाजी महाराज यांचा अवमान होत आहे याबाबत पत्र लिहिले होते. राष्ट्रपतींनी ते पत्र गृहमंत्रालयाकडे पाठवले आहे. या पत्रात कोणत्याही राज्यात घडणारा एखादा प्रकार इतका वाढू नये की ज्यामुळे थेट निर्माण होईल अशी आपण मागणी केल्याचे खा. श्री. छ. उदयनराजे भोसले यांनी सांगितले. महाराष्ट्रात सध्या तेढ निर्माण झाल्याची परिस्थिती आहे ती थांबून पुर्ववत शांततापूर्ण वातावरण निर्माण व्हावे, अशी मागणी आपण पंतप्रधानांकडे केली असल्याचे त्यांनी यावेळी नमूद केले. राज्यपाल भगतसिंह कोश्वारी यांच्यावर कारवाई होणार याची खात्री असल्याचे सांगत ते पुढे म्हणाले, पंतप्रधान आणि राष्ट्रपती यांच्या प्रक्रियेनुसार कारवाई होईल. या विषयाला राजकीय दृष्टिकोनातून पाहू नका. छत्रपती शिवाजी महाराज यांच्यावर प्रेम करणारे लोक अशा प्रकारांमुळे नाराज झाले आहेत. राज्यपालांनी तोलून मापून बोलायला हवे, अशा प्रकारची विधान वारंवार घडत आहेत. याकडे दुर्लक्ष केले जाईल असे कोणाला वाटू नये. कोणत्याही महापुरुषाबाबत असे घडले चांगले लक्षण नाही, असे सांगत राज्यपालांनी लोकांची माफी मागितली नाही याची खंत आहे असे मतही खा. श्री. छ. उदयनराजे भोसले यांनी यावेळी व्यक्त केले.
पंतप्रधान नरेंद्र मोदी यांनी महाराष्ट्र, मध्य प्रदेश आणि गुजरात या तीन राज्यांमधील राज्यसभेच्या भाजपच्या खासदारांची बैठक बोलावली होती. या बैठकीला एकूण तिन्ही राज्यांमधील २६ खासदार उपस्थित होते. उर्वरित खासदारांची कालांतराने बैठक होणार असल्याची माहितीही त्यांनी यावेळी दिली.
जिल्ह्यात 5105 पाणी स्त्रोतांची तपासणी |
आयुर्वेदिक गार्डनचा वॉकिंग ट्रॅक सुरू करण्याची मागणी |
तरुणांनी उद्योगविश्वात गरुड झेप घ्यावी |
महिलेचा विनयभंग केल्याप्रकरणी एकावर गुन्हा |
एकास मारहाण केल्याप्रकरणी तिघांवर गुन्हा |
अपघात प्रकरणी ट्रक चालकावर गुन्हा |
बांधकाम साहित्याची चोरी करणारी सराईत टोळी गजाआड |
वाई अर्बन बँकेच्या निवडणुकीत १५ जागांसाठी ७२ उमेदवारी अर्ज |
सोनी मराठी वरील कोण होणार करोडपतीच्या स्पर्धकांना २ करोड रुपये जिंकण्याची सुवर्णसंधी! |
मेट्रोपोलिस हेल्थकेअरने केले कराड येथे प्रगत निदान चाचणी केंद्र सुरू |
डॉ.बाळकृष्ण दामले यांची संचालक पदी निवड |
पाटणला रविवारी अजित पवार यांच्या उपस्थितीत राष्ट्रवादीचा मेळावा |
तो ऐतिहासिक रांजण अखेर पुरातत्व विभागाकडे जमा |
बोगस नळकनेक्शनची पालिकेकडून शोधमोहीम! |
नियमित कर्जफेड करणाऱ्या 24 हजार शेतकऱ्यांना प्रोत्साहनपर रकमेची प्रतीक्षा |
अपघात प्रकरणी ट्रक चालकावर गुन्हा |
बांधकाम साहित्याची चोरी करणारी सराईत टोळी गजाआड |
वाई अर्बन बँकेच्या निवडणुकीत १५ जागांसाठी ७२ उमेदवारी अर्ज |
सोनी मराठी वरील कोण होणार करोडपतीच्या स्पर्धकांना २ करोड रुपये जिंकण्याची सुवर्णसंधी! |
मेट्रोपोलिस हेल्थकेअरने केले कराड येथे प्रगत निदान चाचणी केंद्र सुरू |
डॉ.बाळकृष्ण दामले यांची संचालक पदी निवड |
पाटणला रविवारी अजित पवार यांच्या उपस्थितीत राष्ट्रवादीचा मेळावा |
तो ऐतिहासिक रांजण अखेर पुरातत्व विभागाकडे जमा |
बोगस नळकनेक्शनची पालिकेकडून शोधमोहीम! |
नियमित कर्जफेड करणाऱ्या 24 हजार शेतकऱ्यांना प्रोत्साहनपर रकमेची प्रतीक्षा |
साताऱ्यात इयत्ता १२ वीच्या परीक्षेत मुलींची बाजी |
वडूज पंचायत समितीचा विस्तार अधिकारी लाच लुचपतच्या जाळ्यात |
खिडकीचे गज वाकवून लॅपटॉपची चोरी |
रामाचा गोट येथून युवक बेपत्ता |
विरळी येथे युवकाची आत्महत्या |