01:26pm | Sep 24, 2022 |
मुंबई : शिंदे गटाच्या नेत्या शीतल म्हात्रे यांनी राष्ट्रवादीच्या खासदार सुप्रिया सुळे यांचा मुख्यमंत्र्यांच्या खुर्चीत बसलेला बनावट फोटो वादात सापडला आहे. तो फोटो मॉर्फ असल्याचा दावा करत राष्ट्रवादीने फोटोमागचं सत्य सांगून शीतल म्हात्रेंना आरसा दाखवला आहे. शीतल म्हात्रेंच्या ट्विटवर राष्ट्रवादीचे नेते आक्रमक झाले आहेत. ट्विट डिलीट करा नाहीतर कारवाई करु, असा इशाराच राष्ट्रवादीने शीतल म्हात्रेंना दिला आहे. दरम्यान, पुण्यातील राष्ट्रवादीच्या नेत्या रुपाली पाटील यांनी शीतल म्हात्रेंवर बोचरी टीका केलीये. म्हात्रेताई, मिंधे गटाला खूश करण्यासाठी फोटो टाकला काय?, असा सवाल त्यांनी फेसबुक पोस्ट करुन विचारला आहे.
कल्याणचे खासदार तथा मुख्यमंत्र्यांचे सुपुत्र श्रीकांत शिंदे यांचा मुख्यमंत्री एकनाथ शिंदे यांच्या खुर्चीवर बसलेला फोटो व्हायरल झाल्यानंतर शिंदे गटाच्या नेत्या शीतल म्हात्रे यांनी श्रीकांत यांच्या मदतीला धावून जाण्याचा प्रयत्न केला. त्याच प्रयत्नात विरोधकांना उत्तर म्हणून त्यांनी सुप्रिया सुळे यांचा मुख्यमंत्र्यांच्या खुर्चीत बसल्याचा कथित फोटो सोशल मीडियावर शेअर केला. कोण कुणाच्या खुर्चीत बसलंय, बघा तुम्हीच... असं कॅप्शन देऊन सुप्रिया सुळे यांचा तो फोटो शीतल म्हात्रे यांनी ट्विट केला. कालचं 'मुख्यमंत्र्यांचं खुर्ची प्रकरण' श्रीकांत शिंदे यांच्या स्पष्टीकरणानंतर थंड होईल, असं वाटत असतानाच शीतल म्हात्रेंच्या फोटोने आज पुन्हा वातावरण गरम झालं आहे.
रुपाली पाटील काय म्हणाल्या?
गद्दारांना क्षमा नाही... गद्दार फेम शीतल म्हात्रे ताई यांनी मिंधे गटाला खूश करण्यासाठी सुप्रिया सुळे यांची महिला असूनही जाणीवपूर्वक फॉर्म फोटो ट्विट करुन बदनामी केली आहे.अमृता फडणवीस यांच्यावर आक्षेपार्ह टिप्पणी केल्यावर लगेच गुन्हा दाखल होत कारवाई होते. तीच तत्परता मुख्य उपमुख्यमंत्री देवेंद्र फडणवीस इथे दाखवतील का? त्यांच्यावर गुन्हा दाखल होणारच! त्यांनी तात्काळ माफी मागावी, अशी फेसबुक पोस्ट रुपाली पाटील यांनी केली आहे.
राष्ट्रवादीचा आक्रमक पवित्रा
राष्ट्रवादी काँग्रेसचे प्रवक्ते क्लाईड क्रास्टो यांनी शीतल म्हात्रे यांनी ट्विट केलेला फोटो पाहिल्याबरोबर आक्रमक प्रतिक्रिया नोंदवली आहे. शीतल म्हात्रे यांनी सुप्रिया सुळे यांचा मॉर्फ फोटो पोस्ट केला आहे. त्यांची प्रतिमा मलीन करण्याच्या स्पष्ट हेतू या फोटोतून दिसत आहे. मुंबई पोलिसांनी त्वरित कारवाई करावी. तसेच शीतल म्हात्रे यांनी सुप्रियाताईंची माफी मागून पोस्ट डिलीट करावी अन्यथा राष्ट्रवादी काँग्रेस कायदेशीर कारवाई करेल, असा इशाराच पक्षाच्या वतीने क्लाईड क्रास्टो यांनी दिला आहे.
शीतल म्हात्रे यांचा दावा खोडून काढला
देशाचे पंतप्रधान नरेंद्र मोदी यांनी दि. २३ एप्रिल २०२१ रोजी कोव्हिड उपाय योजनांबाबत व्हिडीओ कॉन्फरन्सिंगद्वारे संवाद साधला होता. राज्यातील महाविकास आघाडीचे तत्कालीन मुख्यमंत्री आदरणीय उध्दव ठाकरे हे वर्षा या शासकीय निवासस्थानातून तर तत्कालीन आरोग्य मंत्री राजेश टोपे तसेच दिलीप वळसे-पाटील मुख्यमंत्र्यांसोबत सदर बैठकीस मंत्रालयातून सहभागी झाले होते. त्यावेळेचा हा फोटो आहे, अशी माहिती देऊन राष्ट्रवादीच्या नेत्या आदिती नलावडे यांनी शीतल म्हात्रे यांचा दावा खोडून काढला आहे.
कृष्णाबाई यात्रा महोत्सवाचा पालखी मिरवणुकीने शुभारंभ |
गंभीर गुन्हे करणार्या चौघांच्या टोळीला तडीपारीचा दणका |
बेकायदा दारु विक्रीप्रकरणी एकावर कारवाई |
आदेशाचे उल्लंघन केल्याप्रकरणी पाचजणांवर गुन्हा |
अपघातात जखमी केल्याप्रकरणी दुचाकी चालकावर गुन्हा |
वेगवेगळ्या घटनांमध्ये दोनजणी बेपत्ता |
सातारा शहरातील लल्लन टोळीवर मोक्का कारवाई |
कृष्णा खोरे महामंडळामुळे दुष्काळी भागात पाणी : उदयनराजे भोसले |
लोकसभा निवडणुकीच्या मतदानाची वेळ वाढवून मिळावी |
सूर्योदयाच्या मुहूर्तावर हनुमान जन्मोत्सव साजरा |
सणबूरच्या यात्रेत कुस्तीच्या फडात आग्या मोहोळाचा हल्ला |
उदयनराजेंच्या पत्नी दमयंतीराजेंचा काँग्रेसवर गंभीर आरोप |
वाई, जावळी तालुक्यात अवकाळी पाऊस |
अल्पवयीन मुलीवर अत्याचार करणाऱ्या युवकाला सश्रम कारावास |
उदयनराजे यांनी घेतले वाईच्या महागणपतीचे दर्शन |
वेगवेगळ्या घटनांमध्ये दोनजणी बेपत्ता |
सातारा शहरातील लल्लन टोळीवर मोक्का कारवाई |
कृष्णा खोरे महामंडळामुळे दुष्काळी भागात पाणी : उदयनराजे भोसले |
लोकसभा निवडणुकीच्या मतदानाची वेळ वाढवून मिळावी |
सूर्योदयाच्या मुहूर्तावर हनुमान जन्मोत्सव साजरा |
सणबूरच्या यात्रेत कुस्तीच्या फडात आग्या मोहोळाचा हल्ला |
उदयनराजेंच्या पत्नी दमयंतीराजेंचा काँग्रेसवर गंभीर आरोप |
वाई, जावळी तालुक्यात अवकाळी पाऊस |
अल्पवयीन मुलीवर अत्याचार करणाऱ्या युवकाला सश्रम कारावास |
उदयनराजे यांनी घेतले वाईच्या महागणपतीचे दर्शन |
तरुणांच्या भवितव्यासाठी मोदींच्या नेतृत्वाखाली स्थिर सरकार निवडून देऊया उदयनराजे यांचे आवाहन |
पाण्याच्या मोटरची चोरी |
सिव्हिल हॉस्पिटलच्या पार्किंगमधून दुचाकीची चोरी |
चैन स्नॅचिंग प्रकरणी दोन अज्ञातांवर गुन्हा |
अपघातात जखमी केल्याप्रकरणी एकावर गुन्हा |