नंदूरबार: जळगावहून सुरतकडे जाणारी ट्रॅव्हल्स 30 फूट दरीत कोसळल्याने झालेल्या भीषण अपघातात चार ठार तर 35 जण जखमी झाले. पहाटे 2 वाजण्याच्या सुमारास धुळे सुरत राष्ट्रीय महामागाृवर कोंडाईबारी घाटात हा अपघात झाला. या दुर्घटनेतील मृतांचा आकडा वाढण्याची शक्यता वर्तवली जात आहे. जखमींना नंदुरबार जिल्हा रुग्णालयात हलवले. 
अपघाताची माहिती मिळताच पोलिस घटनास्थळी दाखल झाले असून मदत कार्य सुरू आहे. दरम्यान, पोलिसांनी घटनास्थळावरून 4 मृतदेह ताब्यात घेतले असून त्यांची ओळख पटवण्याचे काम सध्या सुरू आहे. तर नेमका अपघात कसा झाला याचाही पोलिस शोध घेत असल्याची माहिती देण्यात आली आहे. ट्रॅव्हल्स प्रवाशांनी भरली होती. तब्बल 35 ते 40 जण हे गाडीमध्ये असल्याचे सांगण्यात आहे. त्यानुसार पोलिस आता अधिक तपास करत आहेत.