सातारा : पत्नीला धक्काबुक्की करून तिच्या पतीला मारहाण केल्याप्रकरणी एकावर शहापूर पोलीस ठाण्यात गुन्हा दाखल करण्यात आला आहे. याबाबत पोलिसांनी दिलेली माहिती अशी, की दि. २४ रोजी १२.४६ वाजण्याच्या सुमारास बाबर कॉलनी पेठ व गेंडामाळ, सातारा येथे सलीम लिकायत मुजावर (वय २८) रा. बाबर कॉलनी, करंजे पेठ, सातारा याने सौ रुकसाना अजिज शेख (वय ४०) रा. बाबर कॉलनी, करंजे पेठ, सातारा हि आपल्या मुलीला घरी घेऊन जात असताना त्या मुलीला मारहाण केली. तसेच रुकसाना शेख यांना धक्काबुक्की करून पाडले. त्यावेळी रुकसाना यांच्या बहिणीचा मुलगा साहिल मुस्ताक मोमीन हा भांडण सोडवण्यासाठी आला असता त्याच्या हातावर लाकडी दांडक्याने मारहाण केली. तसेच रुकसाना व तिचे पती पोलिस ठाण्यात तक्रार देण्यास गेले असता त्यांच्या पाठीमागून येऊन पती अजिज यांना लाथाबुक्क्यांनी मारहाण केल्याची तक्रार शाहुपुरी पोलिस ठाण्यात दाखल झाली आहे.