सातारा : दुकानातील साहित्य चोरी केल्याप्रकरणी एकावर ढेबेवाडी पोलीस ठाण्यात गुन्हा नोंद करण्यात आला आहे.
याबाबत पोलिसांनी दिलेली माहिती अशी, दिनांक २५ जुलै 2022 पासून तळमावले, ता. पाटण गावच्या हद्दीत सागर संभाजी ताटे वय 32, रा. धोंडेवाडी, तालुका कराड यांच्या मालकीच्या असणाऱ्या हेल्थमार्ट मेडिकल स्टोअर्स मधील 50 हजार रुपये किमतीची काचेची आणि लाकडाची टेबल, सात हजार रुपये किमतीचा एक कॉम्प्युटर, पंधरा हजार रुपये किमतीची औषधे आणि सौंदर्यप्रसाधने असा एकूण 72 हजार रुपये किंमतीचा मुद्देमाल देवानंद भिमराव हुलवान रा. कार्वे, ता. कराड याने चोरी केला असल्याची फिर्याद ढेबेवाडी पोलीस ठाण्यात नोंद करण्यात आली आहे. अधिक तपास पोलीस उपनिरीक्षक जी. एम. भोसले करीत आहेत.