09:35pm | Nov 08, 2021 |
फलटण : राज्यसभेचे खासदार श्री. छ. उदयनराजे भोसले कधी काय करतील, याचा नेम नसतो. त्याचाच प्रत्यय आज फलटणकरांना आला. सातारच्या राजकारणात एकमेकांचे जानी दुश्मन म्हणून ओळखले जाणारे विधान परिषदेचे सभापती रामराजे नाईक-निंबाळकर यांच्या निवासस्थानी जात खा. उदयनराजेंनी जिल्हावासीयांना पुन्हा एकदा जोर का झटका धीरे से दिया.
सातारा जिल्हा मध्यवर्ती सह. बँकेच्या निवडणुकीमुळे जिल्ह्यातील वातावरण तावून सुलाखून निघाले आहे. पक्षीय मतभेद बाजूला ठेवत राष्ट्रवादी, सेना, भाजपा, कॉंग्रेस या पक्षांमधील मातब्बरांनी एकत्र येवून आपापली जागा वाचविण्यासाठी फिल्डिंग लावलेली आहे. असे असताना खा. उदयनराजे, खा. रणजितसिंह नाईक-निंबाळकर व आ. जयकुमार गोरे यांनी उमेदवारी अर्ज भरुन जिल्हा बँकेच्या निवडणुकीत रंगत आणलेली आहे. खा. उदयनराजे यांनी गृहनिर्माण मधून आपला उमेदवारी अर्ज भरलेला आहे. त्याचबरोबर फलटणमधील दिलीपसिंह भोसले, डी.के. पवार यांच्यासह सातारच्या पालकमंत्र्यांचे बंधू जयवंतराव पाटील यांनीही उमेदवारी अर्ज भरल्याने राष्ट्रवादी खा. उदयनराजे विरोधातील कुस्ती हेवीवेट करणार, हे निश्चित झालेले आहे. याच पार्श्वभूमीवर आज दि. 8 रोजी खा. उदयनराजे यांनी भल्या सकाळी फलटण शहरात आपल्या कार्यकर्त्यांसह धडक दिली. यावेळी त्यांनी राष्ट्रवादीचे ज्येष्ठ नेते तथा महाराष्ट्र राज्य विधानसभेचे सभापती रामराजे नाईक-निंबाळकर यांची त्यांच्या निवासस्थानी सदिच्छा भेट घेत त्यांना दीपावलीच्या शुभेच्छा दिल्या.
गेल्या काही वर्षांमध्ये खा. उदयनराजे व सभापती रामराजे यांच्यामध्ये टोकाचे राजकीय मतभेद निर्माण झाले होते. आरोप-प्रत्यारोपांच्या फैरींमुळे सातारा व फलटण या दोन्ही राजगाद्यांमधील नात्यांमध्येही कटूता निर्माण झाली होती. परंतू दोन आठवड्यांपूर्वी खा. उदयनराजे भोसले यांनी सभापती रामराजे यांची सातारा येथील विश्रामगृहात भेट घेवून सगळ्यांना आश्चर्याचा धक्का दिला होता. त्यानंतर आज खा. उदयनराजेंनी थेट फलटण गाठत रामराजे यांच्या निवासस्थानी भेट दिली. ही वरवरुन जरी साधी भेट वाटत असली तरी जिल्हा बँक निवडणुकीच्या अनुषंगानेच खा. उदयनराजे यांनी रामराजेंची भेट घेतल्याचे बोलले जात आहे.
उदयनराजेंनी रामराजेंची भेट घेतल्यानंतर रामराजेंचे बंधू जिल्हा परिषद सदस्य संजीवराजे नाईक-निंबाळकर, भगिनी तथा फलटण पालिकेच्या विद्यमान नगरसेविका सुभद्राराजे नाईक-निंबाळकर यांची भेट घेतली. त्यानंतर अनुक्रमे दिवंगत माजी खासदार हिंदुराव नाईक-निंबाळकर यांचे ज्येष्ठ सुपूत्र- फलटण पालिकेचे विरोधी पक्षनेते समशेर नाईक-निंबाळकर, श्रीमती शारदादेवी चिमणराव कदम, युवा नेते दिगंबर आगवणे, प्रल्हाद साळुंखे-पाटील, दिलीपसिंह भोसले, रविंद्र भोईटे, बबनराव निकम, बुवासाहेब गुंजवटे, कौशल्या पवार, किसनराव भोसले यांच्यासह जगदीश उर्फ बाळासाहेब कदम यांच्या आज भेटी घेतल्या. दरम्यान, उदयनराजेंच्या अनपेक्षित फलटण दौर्यामुळे फलटणमधील अनेकांना सुखद धक्का बसला. फलटण-सातारा राजघराण्यांमध्ये ताणलेले राजकीय संबंधही यानिमित्ताने सैल झाले.
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
जनता बँकेत पुर्नगठीत बोर्ड ऑफ मॅनेजमेंटच्या चेअरमनपदी विनोद कुलकर्णी |
बोंडारवाडीसह धरणांची कामे मार्गी लावणार उदयनराजेंचे आश्वासन |
दलित महासंघ,पॅंथरचा उदयनराजेंना जाहीर पाठींबा |
सातारकरांना बाहेरच्यांनी स्वाभिमान शिकवू नये |
साताऱ्यात कोट्यावधीची कामे हीच आपली जमेची बाजू |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
जनता बँकेत पुर्नगठीत बोर्ड ऑफ मॅनेजमेंटच्या चेअरमनपदी विनोद कुलकर्णी |
बोंडारवाडीसह धरणांची कामे मार्गी लावणार उदयनराजेंचे आश्वासन |
दलित महासंघ,पॅंथरचा उदयनराजेंना जाहीर पाठींबा |
सातारकरांना बाहेरच्यांनी स्वाभिमान शिकवू नये |
साताऱ्यात कोट्यावधीची कामे हीच आपली जमेची बाजू |
जुगार प्रकरणी एकावर कारवाई |
नोकरीच्या अमिषाने सुमारे पावणे सहा लाखांची फसवणूक |
शहरातील दोन वेगवेगळ्या घटनांमध्ये दोनजण बेपत्ता |
विवाहितेला आत्महत्येस प्रवृत्त केल्याप्रकरणी पती विरुध्द गुन्हा |
शाहूनगर येथे घरफोडी |