03:15pm | Apr 28, 2020 |
सातारा : सातारा जिल्ह्यात कोरोनाच्या पार्श्वभूमीवर संचारबंदी जाहीर केल्यानंतर तब्बल गेले २७ दिवस साताऱ्यामध्ये एकही आंदोलन न झाल्यामुळे क्रांतिकारकांच्या जिल्ह्यात आंदोलनाला ब्रेक लागण्याची जिल्ह्याच्या इतिहासातील ही पहिलीच घटना मानली जाते. मोर्चा, धरणे आंदोलन, निदर्शने, बेमुदत उपोषण, आत्मदहन यापैकी एकही आंदोलन न झाल्यामुळे जिल्हाधिकारी कार्यालयाच्या प्रवेशद्वाराने पहिल्यांदाच नि:श्वास सोडला आहे.
क्रांतिसिंह नाना पाटील यांची जन्मभूमी म्हणून देशभरात सातारा जिल्ह्याची ओळख आहे. याच जिल्ह्यातील स्वातंत्र्यसैनिकांनी अनेक लढायांमध्ये पुढे घेऊन त्या यशस्वी करून दाखवल्या होत्या. जिल्ह्यामध्ये स्वातंत्र्यसैनिकांचे संख्या फार मोठ्या प्रमाणावर आहे. पश्चिम महाराष्ट्रात सातारा जिल्ह्यामध्ये विविध सामाजिक संस्था व संघटनांचे प्रमाण फार मोठ्या प्रमाणावर असल्याचे मानले जाते. जिल्ह्यात धरणग्रस्तांचे प्रश्न गेले अनेक वर्ष प्रलंबित असल्यामुळे श्रमिक मुक्ती दलाच्या रुपाने धरणग्रस्तांसाठी काम करणारी एक मोठी संघटना जिल्ह्यात कार्यरत आहे. श्रमिक मुक्ती दल, विद्रोही चळवळ, अंगणवाडी सेविका, विविध पुरोगामी संघटना, कर्मचारी संघटना, आदी संघटनांची संख्या फार मोठ्या प्रमाणावर आहे. शासनाकडे निवेदने देऊनही ज्या मागण्या मान्य होत नाहीत अथवा सातत्याने प्रलंबित राहतात, अशा मागण्या मान्य होण्यासाठी बहुतांशी विविध संघटना मोर्चे, धरणे आंदोलने, निदर्शने या सारख्या आंदोलनांचा मार्ग स्वीकारतात. ही आंदोलने जिल्हाधिकारी कार्यालयाच्या प्रवेशद्वाराजवळ केली जातात. प्रवेशद्वाराजवळ असणाऱ्या फुटपाथवर अनेक संघटनांनी महिनों महिने धरणे आंदोलन केल्याचा इतिहास आहे. गतवर्षी धरणग्रस्तांच्या प्रश्नासाठी श्रमिक मुक्ती दलाने केलेले आंदोलन जिल्ह्याच्या इतिहासात नोंद घेण्यासारखे ठरले होते. दोन महिन्यांपेक्षा अधिक काळ याठिकाणी धरणे आंदोलन करण्यात आले होते. अंगणवाडी सेविका, सिटू संघटना यासारख्या संघटनांच्या माध्यमातून विविध प्रश्नावर सातत्याने आंदोलन केली जातात हे नेहमीच सातारकरांना पाहायला मिळते. व्यक्तिगत पातळीवर याचे प्रश्न सुटत नाहीत ते आंदोलन जिल्हाधिकारी कार्यालयाच्या बाहेर आत्मदहन आंदोलन करण्याचाही कचरत नाहीत, या गोष्टी सुद्धा सातारा जिल्ह्याला परिचित आहेत.
सातारा जिल्ह्यामध्ये कोरोनाच्या पार्श्वभूमीवर २२ मार्च रोजी संचारबंदी जाहीर करण्यात आली. १४४ कलम लागू करण्यात आल्यामुळे पाचपेक्षा अधिक लोकांनी एकत्र येण्यास मनाई करण्यात आली. या आदेशाची काटेकोरपणे अंमलबजावणी करण्यात आल्यामुळे २२ मार्चपासून सातारासह जिल्ह्याच्या अन्य भागात कोठेही मोर्चा, निदर्शने, धरणे आंदोलन, बेमुदत उपोषण यासारखे कोणतेही आंदोलन झाले नाही. कोरोनामुळे क्रांतीकारांचा जिल्ह्यात आंदोलनाला ब्रेक लागण्याची ही पहिलीच वेळ असून सातारा जिल्ह्याची निर्मिती झाल्यापासून साताऱ्यात येथे आंदोलन न झाल्याची इतिहासातील बहुदा ही पहिलीच वेळ असावी असे सांगितले जात आहे.
शाहूपुरी पोलिस ठाण्याच्या हद्दीत आढळला अनोळखी पुरुषाचा मृतदेह |
सातारा शहरातून दोनजणी बेपत्ता |
डॉ आंबेडकर जयंती समारोह अध्यक्षपदी संजय गाडे यांची निवड |
शरद पवारांच्या डावपेचाकडे महाराष्ट्राचे लक्ष |
कराडला रविवारी इंडिया आघाडीचा मेळावा |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पश्चिम महाराष्ट्रात दि. २९ ते ३१ पर्यंत महावितरणचे वीजबिल भरणा केंद्र सुरू |
करंजे पेठतील थकबाकीदाराची पालिकेकडून मालमत्ता केली सील |
साताऱ्यात लोकसभेबाबत शुक्रवारी शरद पवारांची बैठक |
जमिनीच्या वादातून धारदार शस्त्राने एकाचा खून |
लोकसभा सार्वत्रिक निवडणूक-2024 |
कोल्हापूरला निघालेली खासगी ट्रॅव्हल्स झाली पलटी |
पुण्यातील पीएमटीच्या बसचालकाची सोनगाव येथे आत्महत्या |
झाड मारल्याप्रकरणी सातार्यात दोन गुन्हे दाखल |
अदानी ग्रुपचा वीज प्रकल्प रद्द करण्याठी प्रकल्पग्रस्त जिल्हाधिकारी कार्यालयावर काढणार मोर्चा |
प्रतापसिंह नगरात अतिक्रमणांसह लल्लन आणि युवराजच्या दहशतीवर जिल्हा प्रशासनाचा बुलडोझर |
पाच नॅशनल पुरस्कार मिळवून श्लोक घोरपडे कोल्हापूर येथील स्पर्धेत मारणार बाजी |
'आयडियल' मतदारसंघाचे 'आयडॉल' आमदार |
आचारसंहिता काळात लोकशाही दिनाचे आयोजन होणार नाही : नागेश पाटील |
पोक्सोंतर्गत एकावर गुन्हा |
कुऱ्हाडीने वार केल्या प्रकरणी एकावर गुन्हा |