वाई : येथून जवळ भद्रेश्वर पुलावर भरधाव डंपरने मागून दुचाकीला जोरदार धडक दिल्याने दुचाकीवरील महिलेचा जागीच मृत्यू झाल्याची दुर्दैवी घटना शुक्रवारी दुपारी तीन वाजण्याच्या सुमारास घडली. सौ. अलका सोनावणे (वय ५०, रा. ओझर्डे, ता. वाई) असे मृत महिलेचे नाव आहे. या प्रकरणी ट्रक चालकाविरोधात गुन्हा दाखल करण्यात आला आहे.
याबाबत पोलिसांनी दिलेली माहिती अशी की, सुरेश आनंदराव सोनवणे हे पत्नी सोबत स्वतःच्या स्कुटीवरून वाईला येत होते. पावणेचार वाजण्याच्या सुमारास ते भद्रेश्वर पुलावर आले असता पाठीमागून भरधाव वेगात आलेल्या डंपरने (क्र. MIT-02-130-1124 ) जोरात धडक दिल्याने स्कुटीवर पाठीमागे बसलेलया अलका सोनवणे या रसत्यावर कोसळल्या. डंपरचा वेग अधिक असल्याने त्याच्या मानेवरून मागचे चाक गेल्याने त्या गंभीररीत्या जखमी होऊन जागीच ठार झाल्या, तर त्याचे पती सुरेश सोनवणे ही उडून लांब पडले. तेही या धडकेत जखमी झाले आहेत. घटनेनंतर संबंधित डंपर चालकाने डंपर न थांबवता तिथून पळून गेला. धडक देणारा डंपर पोलिसांनी पकडला असून पोलीस डंपर चालकाचा शोध घेत आहेत. पोलिसांनी चालक व मालकाच्या विरोधात गुन्हा दाखल केला असून त्याचा शोध सुरु आहे.