सातारा : जिल्ह्यात शुक्रवारी 68 जण बाधित निष्पन्न झाले असून 2 बाधितांचा उपचारादरम्यान मृत्यू झाला आहे. जिल्ह्यातील 50 नागरिकांना डिस्चार्ज देण्यात आला असून 750 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
शुक्रवारी जिल्ह्यात 68 बाधित निष्पन्न झाल्याने जिल्ह्यातील कोरोनाबाधितांची संख्या 55 हजार 947 वर पोहोचली आहे. तसेच 2 बाधितांचा उपचारादरम्यान मृत्यू झाल्याने जिल्ह्यातील कोरोनाबळींची संख्या 1 हजार 809 वर पोहोचली आहे. दरम्यान, जिल्ह्यातील विविध रुग्णालये, कोरोना केअर सेंटर, डिसीएचसी व सीसीसीमध्ये उपचार घेत असलेल्या 50 नागरिकांना कोरोनातून खडखडीत बरे झाल्याने घरी सोडण्यात आले. त्यामुळे जिल्ह्यातील कोरोनामुक्तांचा आकडा 53 हजार 360 वर पोहोचला असून 750 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
2 बाधितांचा मृत्यू
स्व. क्रांतिसिंह नाना पाटील सर्वसाधारण रुग्णालय सातारा येथे रंगेघर ता. जावली येथील 75 वर्षीय पुरुष तसेच जिल्ह्यातील विविध खासगी हॉस्पीटलमध्ये शिरंबे ता. कोरेगांव येथील 68 वर्षीय महिला अशा 2 कोविड बाधितांचा उपचारादरम्यान मृत्यू झाला आहे, असेही डॉ. चव्हाण यांनी कळविले आहे.
750 जणांचे नमुने पाठविले तपासणीला
जिल्हा रुग्णालय सातारा येथील 32, कराड येथील 106, फलटण येथील 10, कोरेगाव येथील 23, वाई येथील 112, खंडाळा येथील 3, रायगांव येथील 80, पानमळेवाडी येथील 216, महाबळेश्वर येथील 20, दहिवडी येथील 73, म्हसवड येथील 43 व कृष्णा मेडीकल कॉलेज कराड येथील 32 असे एकूण 750 जणांचे नमुने तपासणीला पाठविण्यात आले आहे, अशी माहितीही जिल्हा शल्यचिकित्सक डॉ. सुभाष चव्हाण यांनी दिली.