सातारा : करंजखोप, ता. कोरेगाव गावच्या हद्दीतून वाळूचोरी केल्याप्रकरणी एकाच्या विरोधात वाठार पोलीस ठाण्यात गुन्हा दाखल झाला आहे.
याबाबत पोलिसांनी दिलेली माहिती अशी, दि. 27 फेब्रुवारी रोजी 7 वा. सुमारास करंजखोप, ता. कोरेगाव गावच्या हद्दीत महेश तात्याबा बिचुकले (वय 31, रा. सालपे, ता. फलटण) याने करंजखोप फाटा येथे आपल्या मालकीचा टिपर क्र. एमएच 11 सीएच- 5994 मध्ये 11 हजार 600 रुपये किंमतीची दोन ब्रास वाळू चोरी करुन टिपरमध्ये भरुन वाहतूक करीत असताना आढळून आल्याने त्याच्या विरोधात वाठार पोलीस ठाण्याचे पो. कॉ. संदीप श्रीरंग देखणे यांनी तक्रार दाखल केल्यानंतर त्याच्यावर वाळूचोरीचा गुन्हा दाखल करण्यात आला आहे.