पाटण : पावसाने दडी मारल्यामुळे पाटण तालुक्यातील खरिपाच्या पेरण्या रखडल्या आहेत. काही विभागात पुरेसा पाऊस पडला नसल्याने पेरणीसाठी घाई केलेल्या क्षेत्रात दुबार पेरणीचे संकट उभे राहिले आहे. जून महिनाअखेरीस आला तरी पावसाचे आगमन झाले नाही, त्यामुळे बळीराजा हवालदिल झाला आहे.
कोयना, मोरणा, केरा, उत्तर मांड, दक्षिण मांड व तारळी नदीकाठावरील या दहा वर्षांत बागायती झालेला हिरवा पट्टा सोडला, तर ६० टक्क्यांहून अधिक क्षेत्र खरीप हंगामातील बिनभरवशाच्या मॉन्सूनच्या पावसावर अवलंबून आहे. २५ मे ते सात जून दरम्यान वळिवाचा दमदार पाऊस पडायचा. मात्र, या हंगामात वळिवाच्या पावसाने हजेरी लावली नाही. त्यामुळे जून महिन्याच्या पहिल्या आठवड्यात होणाऱ्या खरिपाच्या पेरण्या झाल्या नाहीत. वळिवाने पाठ फिरवली. मॉन्सूनच्या पावसाने दडी मारल्यामुळे ज्या विभागात तुरळक प्रमाणात वळिवाचा पाऊस पडला, त्याठिकाणी शेतकऱ्यांनी पेरणी करण्यास घाई केली.
विहीर अथवा नदीच्या पाण्याची सिंचनाची सोय असणाऱ्या ठिकाणी पेरणी केलेल्या क्षेत्रातील पिकांना पाणी देण्याचे काम केले आहे. मात्र, पाण्याची सोय नसणाऱ्या क्षेत्रात केलेली पेरणी वाया गेली असून, बळीराजासमोर दुबार पेरणीचे संकट उभे आहे. बागायती पट्ट्यातील भात पेरणीचा अपवाद सोडला, तर तालुक्यातील उर्वरित खरिपाच्या पेरण्या रखडल्या आहेत. तारळे, चाफळ, मोरणा, केरा, कुंभारगाव व ढेबेवाडी विभागातील खरिपाच्या पेरण्या रखडल्या आहेत. खरीपपूर्व मशागतीची कामे उरकली आहेत. बियाणे व रासायनिक खतांची खरेदी करून शेतकरी पावसाची वाट पाहात आहे.
तालुक्याच्या पश्चिम भागात भात व नाचणी लागणीचे क्षेत्र मोठे आहे. या विभागात पाऊस नसल्याने याचा एकंदरीत परिणाम भात व नाचणीचे तरवे अजून पेरलेले नाहीत. पुरेसा पाऊस नसताना ज्यांनी भात व नाचणीचे तरवे पेरले ते सुकून जाऊ लागले आहेत. काही ठिकाणी विहीर अथवा झऱ्याचे पाणी आणून तरवे जगविण्यासाठी बळीराजाची धावपळ सुरू आहे. जून महिना संपत आला, तरी मॉन्सूनच्या पावसाची आशा दिसत नाही. तालुक्यातील खरिपाच्या रखडलेल्या पेरण्या कधी होणार? पाऊस नाही पडला तर एकूण खरीप हंगाम हातातून निसटून जाणार? या भीतीने बळीराजाची झोप उडाली आहे.
सातारा पोलीस मुख्यालयात उपनिरीक्षकाला धमकी |
बिग बॉस फेम अभिजीत बिचुकले यांचा अर्ज दाखल |
महाविकास आघाडीच्या उमेदवाराचा पूर्ण ताकतीने प्रचार करणार |
माढयात अभय जगताप यांचे बंड शमले |
सातारा लोकसभा प्रबंधन समितीचे कार्य उत्कृष्ठ |
उदयनराजे भोसले यांची संपत्ती 251 कोटीची |
वादळी वाऱ्यात स्पीड बोट उलटून एकाचा मृत्यू |
निवडणूक स्थिर सर्वेक्षण पथकातील कर्मचाऱ्याला पोलिसाकडून मारहाण |
येणके येथील कुंभार वस्तीतील जल जीवन मिशनअंतर्गतचे काम प्रगतीपथावर |
निवडणुक निरिक्षक आर. अर्जुन व पोलिस निवडणुक निरिक्षक प्रदीप शर्मा यांचे जिल्ह्यात आगमन |
उदयनराजेंना विक्रमी मताधिक्याने निवडून आणण्यासाठी सर्वतोपरी प्रयत्न करणार |
श्री क्षेत्र निनाम येथील सासनकाठीला यात्रेत महत्वाचे स्थान |
मंदार कोल्हटकर, धिरज पाटील यांचे अपघाती निधन |
ट्रकच्या धडकेत दुचाकीस्वाराचा मृत्यू |
राजवाडा परिसरातून सव्वा लाखांच्या सोन्याच्या चैनची चोरी |
उदयनराजे भोसले यांची संपत्ती 251 कोटीची |
वादळी वाऱ्यात स्पीड बोट उलटून एकाचा मृत्यू |
निवडणूक स्थिर सर्वेक्षण पथकातील कर्मचाऱ्याला पोलिसाकडून मारहाण |
येणके येथील कुंभार वस्तीतील जल जीवन मिशनअंतर्गतचे काम प्रगतीपथावर |
निवडणुक निरिक्षक आर. अर्जुन व पोलिस निवडणुक निरिक्षक प्रदीप शर्मा यांचे जिल्ह्यात आगमन |
उदयनराजेंना विक्रमी मताधिक्याने निवडून आणण्यासाठी सर्वतोपरी प्रयत्न करणार |
श्री क्षेत्र निनाम येथील सासनकाठीला यात्रेत महत्वाचे स्थान |
मंदार कोल्हटकर, धिरज पाटील यांचे अपघाती निधन |
ट्रकच्या धडकेत दुचाकीस्वाराचा मृत्यू |
राजवाडा परिसरातून सव्वा लाखांच्या सोन्याच्या चैनची चोरी |
मारहाण प्रकरणी चौघांवर गुन्हा |
ट्रक चालकाला लुटल्याप्रकरणी तीन अज्ञातांवर गुन्हा |
महिलेचा विनयभंग केल्याप्रकरणी एकावर गुन्हा |
सराईत गुन्हेगाराने दिली तीन घरफोड्यांची कबुली |
उदयनराजे यांच्या समर्थनार्थ सातार्यात लोटला जनसागर |