सातारा : विहित वेळेपेक्षा अधिक काळ दादाज् सोडा शुटर ऍण्ड आइस्क्रिम पार्लर सुरु ठेवल्याने दुकान चालकावर जिल्हाधिकार्‍यांच्या आदेशाचे उल्लंघन केल्याप्रकरणी सातारा शहर पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, दि. 24 रोजी जिल्हाधिकार्‍यांनी दिलेल्या विहित वेळेपेक्षा अधिक काळ रविवार पेठ येथील बालाजी प्रेस्टिज मध्ये असणार्‍या दादाज् सोडा शुटर ऍण्ड आइस्क्रिम पार्लर ही आस्थापना सुरु ठेवल्याने त्याबाबत सातारा शहर पोलीस ठाण्याचे कर्मचारी पोपटराव पवार यांनी शहर पोलीस ठाण्यात तक्रार दाखल केल्यानंतर आस्थापना चालक सुभाष लक्ष्मण ताटे, (रा. श्रीगणेश हौ. सोसा., शाहूपुरी, सातारा) यांच्यावर जिल्हाधिकार्‍यांच्या आदेशाचे उल्लंघन केल्याप्रकरणी गुन्हा दाखल करण्यात आला आहे. अधिक तपास पो.ना. ए. आर. दगडे करीत आहेत.