कोथिंबिरीचा वापर बऱ्याचशा पदार्थांमध्ये केला जातो. अन्नपदार्थांवर कोथिंबीर बारीक चिरून पसरवली की, त्या पदार्थांची चव वाढते. असे अन्न आरोग्यासाठी अत्यंत फायदेशीर समजले जाते. कोथिंबिरीमध्ये प्रथिने, कॅल्शियम, पोटॅशियम, मॅग्नेशियम, जीवनसत्त्व ए व बी असते. जाणून घेऊया कोथिंबिरीचे फायदे.

कोथिंबिरीचे पाणी पिणे आरोग्यासाठी गुणकारी आहे. यासाठी हिरवीगार कोथिंबीर रात्रभर कापून स्वच्छ धुवून पाण्यात भिजत ठेवा. सकाळी उठल्यावर हे पाणी गाळून घ्या त्यामध्ये लिंबाच्या रसाचे काही थेंब टाकून हे पाणी प्या. हे पाणी प्यायल्याने आरोग्य सुधारते.

पोटाशी संबंधित समस्यांवर कोथिंबीर फायदेशीर ठरते. कोथिंबिरीचा आहारात समावेश केला की, पचनक्रिया सुधारते. पोटदुखी, अपचन, गॅस या त्रासांवर पाणी प्यावे. वाढलेले वजन कमी करण्यासाठी आहारात कोथिंबिरीच्या पाण्याचा समावेश करावा. यामुळे वजन कमी होऊन शरीरातील मेद कमी व्हायला मदत होते.

कोलेस्ट्रॉलची पातळी कमी करण्यासाठीही कोथिंबिरीच्या पाण्याचा औषध म्हणून वापर करतात. मात्र यासाठी. डॉक्टरांचा सल्ला घेऊनच कोथिंबिरीच्या पाण्याचे सेवन करा.