कराची : 26/10 मुंबई दहशतवादी हल्ल्याची योजना आखण्यासाठी हाफिज सईला मदत करणारा लष्कर ए तोएबाचा दहशतवादी जकीउर रहमान लखवीला पाकिस्तानमध्ये अटक करण्यात आली आहे. दहशतवाद्यांची मदत करणे आणि त्यांना फंडिंग केल्याप्रकरणी लखवीवर ही कारवाई करण्यात आली आहे. ARY न्यूजच्या हवाल्याने एएनआयने याबाबत वृत्त दिलं आहे.
26/11 च्या दहशतवादी लखवीला जागतिक दहशतवादी म्हणून घोषित करण्यात आले होते. या हल्ल्यात पाकिस्तानस्थित दहशतवादी संघटना लष्कर-ए-तोयबाच्या 10 सशस्त्र दहशतवाद्यांनी मुंबई शहरात अंदाधुंद गोळीबार केला होता. या हल्ल्यात 166 लोकांना आपले प्राण गमवावे लागले होते. तर 300 पेक्षा अधिक लोक जखमी झाले होते. सुमारे 6 वर्षे तुरुंगात घालवल्यानंतर एप्रिल 2015 रोजी लष्करचा ऑपरेशन कमांडर लखवीची पाकिस्तानच्या तुरुंगातून सुटका करण्यात आली होती.