सातारा : विनायक आबाजी नलावडे हे त्यांच्या शेतात ट्रक्टरने काम करुन घेत असताना त्यांच्या शेजारी दत्तात्रय शंकर नलावडे यांच्या मोकळ्या शेतात ट्रक्टरचे चाक गेले. या कारणातून सुधीर बाळासाहेब नलवडे, बाळासाहेब नलवडे, दत्तात्रय नलवडे, सचिन उर्फ तानाजी नलवडे सर्व (रा. वाढे, ता. सातारा) तसेच वैभव निकम (रा. अपशिंगे, ता. सातारा) व संभाजी घोरपडे (रा. मंगळापूर, ता. कोरगाव) यांनी कुर्‍हाडीने विनायक नलवडे यांच्यावर वार केले.
दरम्यान, यावेळी सुधीर नलवडे याने संपवून टाकण्याची धमकी देत विनायकचे वडील आबाजी नलवडे यांना गुलाब नलवडे याने लाथाबुक्यांनी मारहाण केली तर ट्रॅक्टरचालक पंकज नलवडे यास दत्तात्रय नलवडे याने धमकी दिली. याबाबत तक्रार झाल्यानंतर पोलिसांनी सहाजणांवर गर्दी, मारामारीचा गुन्हा दाखल केला असून पोलीस हवालदार सावंत या गुन्ह्याचा पुढील तपास करत आहेत.